കേരളാ കോൺഗ്രസ് പാർട്ടിയുടെ ചെയർമാനായി തിരഞ്ഞെടുക്കപ്പെട്ട മുൻ എം പി ജോസ് കെ മാണി ,ഇടതുപക്ഷ ജനാധിപത്യമുന്നണിയിൽ ജല വിഭവ വകുപ്പ് മന്ത്രി ആയ റോഷി അഗസ്റ്റിൻ , ഗവൺമെൻറ് ചീഫ് വിപ്പ് ഡോ . എൻ .ജയരാജ് , തോമ്സ് ചാഴികാടൻ എം പി , എം എൽ എ മാരായ അഡ്വ .ജോബ് മൈക്കിൾ , അഡ്വ . സെബാസ്റ്റ്യൻ കുളത്തുങ്കൽ , അഡ്വ .പ്രമോദ് നാരായണൻ , പാർട്ടി സംസ്ഥന ജനറൽ സെക്രട്ടറി സ്റ്റീഫൻ ജോർജ് , മറ്റു സംസ്ഥാന നേതാക്കന്മാർ എന്നിവർക്ക് പ്രവാസി കേരളാ കോൺഗ്രസ് യു കെ യുടെ ആഭ്യമുഖ്യത്തിൽ സ്വീകരണം നൽകും .
കെ എം മാണി സാറിന്റെ മരണശേഷം കേരളാ കോൺഗ്രസ് പാർട്ടിയിലുണ്ടായ പ്രശ്നങ്ങളിൽ അടിപതറാതെ പാർട്ടിയെ ഉള്ളംകൈയ്യിലെന്നപോലെ കാത്തുസൂക്ഷിക്കുകയും , പ്രസ്ഥാനത്തിന് ഒരു കോട്ടം തട്ടാതെയും , പാർട്ടി പ്രവർത്തകരുടെ ആത്മവീര്യം ചോരാതെയും ,മുഴുവൻ കേരളാ കോൺഗ്രസ് പ്രവർത്തകരെയും വിശ്വാസത്തിലെടുത്തു എൽഡി എഫ് മുന്നണിയിൽ ചേരാൻ രാഷ്ട്രീയ തീരുമാനമെടുക്കുകയും ചെയ്ത കേരളാ കോൺഗ്രസ് നേതാക്കന്മാർക്ക് ഈ മാസം 26 നു വൈകുന്നേരം യു കെ സമയം അഞ്ചുമണിയ്ക്കു (ഇന്ത്യൻ സമയം ഒൻപതര മണി ) ഓൺലൈൻ പ്ലാറ്റ്ഫോമിൽ കൂടി സ്വീകരണം നൽകുമെന്ന് പ്രവാസി കേരളാ കോൺഗ്രസ് യു കെ ഘടകം പ്രസിഡന്റ് ഷൈമോൻ തോട്ടുങ്കൽ , ജനറൽ സെക്രട്ടറി ടോമിച്ചൻ കൊഴുവനാൽ , സി എ ജോസഫ് ,മാനുവൽ മാത്യു , ജിജോ അരയത് ,ബിനു മുപ്രാപ്പള്ളിൽ , ബെന്നി അമ്പാട്ട് , ജോഷി അയർക്കുന്നം, നാഷണൽ എക്സിക്യൂട്ടീവ് കമ്മിറ്റി അംഗങ്ങളായ ജയ്മോൻ വഞ്ചിത്താനം , ഷാജി വാരക്കുടി , ജോബിൾ വൂസ്റ്റർ , ജിജി വരിക്കാശ്ശേരി , വിനോദ് ചുങ്കക്കാരോട്ട് എന്നിവർ അറിയിച്ചു .
ഈ സ്വീകരണ സമ്മേളനത്തിന്റെ വിജയത്തിനായി പ്രവാസി കേരളാ കോൺഗ്രസിന്റെ ( യു കെ ഘടകം ) അൻപത് അംഗ നാഷണൽ കമ്മിറ്റിയുടെ നേത്ര്ത്വത്തിൽ പ്രവർത്തനങ്ങൾ നടന്നുവരുന്നു . യു കെ യിലെ എല്ലാ കേരളാ കോൺഗ്രസ് അനുഭാവികളും, പ്രവർത്തകരും ഈ സ്വീകരണ യോഗത്തിൽ പങ്കെടുക്കണമെന്ന് ഭാരവാഹികൾ അറിയിക്കുന്നു.
സ്വീകരണ സമ്മേളനത്തിൽ പങ്കെടുക്കാൻ ആഗ്രഹിക്കുന്ന യു കെ യിലെ കേരളാ കോൺഗ്രസ് പ്രവർത്തകരോ, അനുഭാവികളോ താഴെ പറയുന്ന ഫോൺ നമ്പറിലോ അല്ലെങ്കിൽ [email protected] എന്ന ഇമെയിൽ വിലാസത്തിലോ ബന്ധപ്പെടേണ്ടതാണ് .(07737171244 , 07828704378 ).
click on malayalam character to switch languages