ഇന്റർനാഷണൽ ബോക്സിങ് മത്സരം പ്രസ്റ്റണിൽ; ഇന്ത്യൻ കരുത്തു തെളിയിക്കുവാൻ കെ സി വിനോദ്
Nov 21, 2022
അപ്പച്ചൻ കണ്ണഞ്ചിറ
ആഗോളതലത്തിലുള്ള ബോക്സിങ് മത്സരത്തിന് യു കെ യിൽ പ്രസ്റ്റൺ വേദിയാകുമ്പോൾ മെയ്ക്കരുത്തിനുള്ള കിരീടം ഉയർത്തുവാൻ ഇന്ത്യക്കായി ഇറങ്ങുക ‘മലയാളി മല്ലൻ’ കെ സി വിനോദ്. ആഗോള തലത്തിൽ ഏറെ പ്രശസ്തമായ WCBE ബോക്സിംഗ് ഇവന്റിലേക്ക് ഇന്ത്യൻ പ്രതിനിധിയായി തെരഞ്ഞെടുക്കപ്പെട്ട ഏക മത്സരാർത്ഥി എന്ന നിലയിൽ വിനോദിന് കിട്ടിയ ഈ സുവർണ്ണാവസരത്തിൽ മുഷ്ടിയുടെ കരുത്തിനുള്ള കിരീടം ഉയർത്തുവാൻ കഴിഞ്ഞാൽ മലയാളികൾക്കിതു അഭിമാന നിമിഷമാവും.
ആരോഗ്യകരമായ സമതുലിത ജീവിതശൈലി പ്രോത്സാഹിപ്പിക്കുന്ന ‘എവർലാസ്റ്റ് ജിം’ എന്ന ആരോഗ്യ സംരക്ഷണ വേദിയാണ് ഇംഗ്ലണ്ടിൽ WCBE ബൊക്സിങ് ഇവന്റ് സ്പോൺസർ ചെയ്യുക. ഇംഗ്ലണ്ടിൽ നടക്കുന്ന തീ പാറുന്ന മത്സരത്തിന് ശേഷം, മുഷ്ടിയുദ്ധം ദുബായിലും ഓസ്ട്രേലിയയിലും അടക്കം സമാനമായ ഇവന്റുകൾ സംഘടിപ്പിക്കുവാൻ എവർലാസ്റ്റ് ജിം ലക്ഷ്യമിടുന്നുണ്ട്.
ജൂനിയർ മിസ്റ്റർ ഇന്ത്യ കിരീടം നേടിയിട്ടുള്ള കെ സി വിനോദ്,ഗോൾഡൻ വിൻഡ് ഗ്രൂപ്പ്, ടൈറ്റിൽ ബോക്സിംഗ് ക്ലബ്, കേരള പ്രൊഫഷണൽ ബോക്സിംഗ് കൗൺസിൽ, പ്രോജക്ട് വിൻ കൺസൾട്ടൻസി, എഡ്യൂക്കേഷണൽ ഹെൽപ്പ് ക്ലബ് എന്നീ ഇന്ത്യൻ ഓർഗനൈസേഷനുകൾക്കു പുറമെ, ഓസ്ട്രേലിയയിലെ സേവ്ഡ് ഡ്രീംസ്, ഗ്രീൻവേ ഇൻവെസ്റ്റേഴ്സ്, വേ മേക്കർ തുടങ്ങിയ നിരവധി സംഘടനകളുടെ ഡയറക്ടർ കൂടിയാണ്.
ICM ജനൽ സെക്രട്ടറി, ആൾ ഇന്ത്യ ഹ്യൂമൻ റൈറ്സ് ഫൌണ്ടേഷൻ വൈസ് പ്രസിഡന്റ്, WCB ബൊക്സിങ് ചാമ്പ്യൻ ( ലണ്ടൻ), KRAV മെഗാ സെർട്ടിഫൈഡ് കോച്ച് എന്നീ നിലകളിലും, വിവിധങ്ങളായ ശ്രദ്ധേയമായ ബിസിനസ്സ് സംരംഭങ്ങൾക്കൊപ്പം, ജീവകാരുണ്യ സംഘടനകൾക്കും വിനോദ് നേതൃത്വം വഹിച്ചു വരുന്നു.
ന്യൂനപക്ഷ യുവ വ്യവസായി, ജീവ കാരുണ്യ പ്രവർത്തകൻ, മികച്ച സ്പോർട്സ്മാൻ, നല്ല സംരംഭകൻ എന്നീ നിലകളിലും നിരവധിയായ അവാർഡുകൾ നേടുകയും ചെയ്തിട്ടുള്ള ‘ഇന്ത്യൻ മല്ലൻ’ നാനാവിധ മേഖലകളിൽ തന്റെ കയ്യൊപ്പും, അംഗീകാരവും നേടിയിട്ടുണ്ട്.
WCBE ഇവന്റ് സ്ഥലം: RIVA SHOWBAR പ്രെസ്റ്റൺ, യുണൈറ്റഡ് കിംഗ്ഡം
ഡോ ഹിക്സിന് പിന്നാലെ സുജിത് രാമചന്ദ്രനും; ഞായറാഴ്ച് രണ്ടു മണിക്ക് ‘ETHICAL DILEMMAS IN NURSING’ എന്ന വിഷയത്തിൽ സുജിത് രാമചന്ദ്രൻ; യുഎൻഎഫ് സമ്മേളനം കെങ്കേമമാക്കാൻ സംഘാടക സമിതി /
യുഎൻഎഫ് സംഘടിപ്പിക്കുന്ന അന്താരാഷ്ട്ര നഴ്സസ് ദിനാചരണത്തിന് മുന്നോടിയായുള്ള ലൈവ് വെബിനാറുകൾ ശ്രദ്ധേയമാകുന്നു; ഈ ശനിയാഴ്ച്ച പ്രമുഖ കൺസൾട്ടൻ്റ് സൈക്യാട്രിസ്റ്റായ ഡോ. ഹിക്സ് ‘MINDFULNESS AND MENTAL RESILIENCE IN NURSING’ എന്ന വിഷയവുമായി വെബിനാറിൽ /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
click on malayalam character to switch languages