1 GBP =

ആശുപത്രിക്ക് തീപിടിച്ച് 31പേര്‍ മരിച്ചു; പലരുടെയും നി​ല ഗു​രു​ത​രം – മരണസംഖ്യ ഉയര്‍ന്നേക്കും

ആശുപത്രിക്ക് തീപിടിച്ച് 31പേര്‍ മരിച്ചു; പലരുടെയും നി​ല ഗു​രു​ത​രം – മരണസംഖ്യ ഉയര്‍ന്നേക്കും

ദക്ഷിണ കൊറിയയിലെ ആശുപത്രിക്ക് തീപിടിച്ച് 31പേര്‍ മരിച്ചു. സംഭവത്തിൽ എഴുപതോളം പേർക്ക് ഗുരുതരമായി പൊള്ളലേറ്റു. ഇ​വ​രി​ൽ പലരുടെയും നി​ല ഗു​രു​ത​ര​മാ​യതിനാല്‍ ഉയര്‍ന്നേക്കും. അ​ഗ്നി​ശ​മ​ന​സേ​ന സംഭവസ്ഥലത്തെത്തി രക്ഷാപ്രവര്‍ത്തനങ്ങള്‍ തുടരുകയാണ്.

വെള്ളിയാഴ്ച പ്രാദേശിക സമയം രാവിലെ 7–30നാണ് സംഭവം. തെക്കന്‍ നഗരമായ മിരിയാംഗിലെ ഹൃദ്രോഗ ചികിത്സയ്ക്ക് പേരുകേട്ട സീജോംഗ് ആശുപത്രിയിലാണ് തീപിടിത്തമുണ്ടായത്. തീ​പി​ടി​ത്ത​ത്തി​ന് കാ​ര​ണം അ​റി​വാ​യി​ട്ടി​ല്ല.

ആശുപത്രിയിലെ എമർജൻസി മുറിയിൽനിന്നാണ് തീ പടർന്നതെന്നാണ് പ്രാഥമിക നിഗമനം. തീ പിടിച്ച സമയത്ത് ഏതാണ്ട് ഇരുനൂറോളം രോഗികളും ജീവനക്കാരും ആശുപത്രിയിലുണ്ടായിരുന്നു. കെട്ടടത്തിന്റെ രണ്ടാം നിലയില്‍ നിന്നാണ് അഗ്നിബാധയുണ്ടായതെന്ന് ദൃസാക്ഷികള്‍ വ്യക്തമാക്കി.

പ്രാ​യ​മാ​യ​വ​ര​ട​ക്കം നൂ​റോ​ളം രോ​ഗി​ക​ളെ സു​ര​ക്ഷി​ത കേ​ന്ദ്ര​ങ്ങ​ളി​ലേ​ക്ക് മാ​റ്റി​യെ​ന്നും അ​ധി​കൃ​ത​ർ അ​റി​യി​ച്ചു. ദക്ഷിണകൊറിയൻ തലസ്ഥാനമായ സിയോളിൽ നിന്ന് 270 കിലോമീറ്റർ അകലെയുള്ള നഗരമാണ് മിരിയാംഗ്.

Post Your Comments Here ( Click here for malayalam )

Press Esc to close

other news

show more