1 GBP = 99.42
breaking news

ബ്രിട്ടന്റെ പുതിയ പോയിന്റ് ബേസ്ഡ് ഇമിഗ്രെഷൻ സിസ്റ്റത്തിന് കീഴിൽ വിസ അപേക്ഷകൾ ഇന്ന് മുതൽ സ്വീകരിക്കും

ബ്രിട്ടന്റെ പുതിയ പോയിന്റ് ബേസ്ഡ് ഇമിഗ്രെഷൻ സിസ്റ്റത്തിന് കീഴിൽ വിസ അപേക്ഷകൾ ഇന്ന് മുതൽ സ്വീകരിക്കും

ലണ്ടൻ: ജനുവരി ഒന്ന് മുതൽ പ്രവർത്തികമാകുന്ന പോയിന്റ് ബേസ്ഡ് ഇമിഗ്രെഷൻ സിസ്റ്റത്തിന് കീഴിൽ വിസ അപേക്ഷകൾ ഇന്ന് മുതൽ സ്വീകരിച്ച് തുടങ്ങും.
പുതിയ ഇമിഗ്രേഷൻ നിയമങ്ങൾ “ലളിതവും വഴക്കമുള്ളതുമായിരിക്കും”, മന്ത്രിമാർ വാഗ്ദാനം ചെയ്തു,

യുകെയിലെ പോയിന്റ് അടിസ്ഥാനമാക്കിയുള്ള സംവിധാനം ചൊവ്വാഴ്ച മുതൽ യൂറോപ്യൻ യൂണിയൻ ഉൾപ്പെടെ എല്ലാ വിദേശ പൗരന്മാർക്കും വിസ അപേക്ഷകൾ നൽകാം. ജനുവരി 1 മുതൽ യുകെയിൽ ജോലി ചെയ്യാൻ ആഗ്രഹിക്കുന്നവരാണ് അപേക്ഷകൾ നൽകേണ്ടത് . വിസയ്ക്കായി ഓൺലൈനായി അപേക്ഷിക്കണം. വിദഗ്ധ വിസ തേടുന്നവർക്ക് ജോലി ഓഫർ ആവശ്യമാണ്, ഇംഗ്ലീഷിൽ പ്രാവീണ്യം നേടുകയും വേണം, കുറഞ്ഞത്, 25,600 പൗണ്ടാണ് ശമ്പളം വേണ്ടത്.

വിദഗ്ധ തൊഴിലാളികളുടെ വിസകൾക്കുള്ള അപേക്ഷകൾ പോയിന്റ് സിസ്റ്റത്തിന്റെ അടിസ്ഥാനത്തിൽ വിഭജിക്കപ്പെടും, ഇത് വർഷങ്ങളായി ഓസ്‌ട്രേലിയയിൽ നിലവിലുള്ള സിസ്റ്റത്തെ മാതൃകയാക്കുന്നു.
യോഗ്യതയുള്ള തൊഴിൽ, ഇംഗ്ലീഷ് പരിജ്ഞാനം, അപേക്ഷകർ ശമ്പള പരിധി പാലിക്കുന്നുണ്ടോ എന്നിങ്ങനെയുള്ള ഉചിതമായ നൈപുണ്യ തലത്തിൽ തൊഴിൽ ഓഫറിനായി പോയിന്റുകൾ നൽകും. അപേക്ഷിക്കുന്നതിനുള്ള ചെലവ് 610 പൗണ്ട് മുതൽ 1,408 പൗണ്ട് വരെയാണ്.
വിജയിച്ചോ എന്നറിയാൻ അപേക്ഷകർ മൂന്നാഴ്ചയോളം കാത്തിരിക്കേണ്ടിവരും.

യൂറോപ്യൻ യൂണിയനിൽ ബ്രിട്ടീഷ് പൗരന്മാരുടെ സ്വതന്ത്രമായ സഞ്ചാരം ഡിസംബർ 31 ന് അവസാനിക്കും. കഴിഞ്ഞ ജനുവരി 31 ന് യുകെ യൂറോപ്യൻ യൂണിയനിൽ നിന്ന് പുറത്ത് പോയെങ്കിലും തുടർന്നുള്ള 11 മാസത്തെ പരിവർത്തന കാലയളവിൽ നിലവിലെ നിയമങ്ങൾ പാലിക്കുകയാണ്. ഒരു വ്യാപാര ഇടപാടിൽ ഇരുപക്ഷവും ധാരണയിലെത്താൻ ചർച്ചകൾ തുടരുകയാണ്. ലണ്ടനിൽ ചർച്ചകൾ തുടരുന്നതിനിടെ, യൂറോപ്യൻ യൂണിയന്റെ സിംഗിൾ മാർക്കറ്റ്, കസ്റ്റംസ് യൂണിയൻ എന്നിവ വർഷാവസാനം ഉപേക്ഷിക്കാനുള്ള ഒരുക്കങ്ങൾ യുകെ ശക്തമാക്കുകയാണ്.

ഒരു പുതിയ ബോർഡർ ഓപ്പറേഷൻ സെന്റർ ആരംഭിക്കുന്നതായി സർക്കാർ പ്രഖ്യാപിച്ചു, ബ്രിട്ടീഷ് തുറമുഖങ്ങളിൽ നിന്നും പുറത്തേക്കും അകത്തേക്കും വരുന്ന ചരക്കുകളുടെയും യാത്രക്കാരുടെയും നിരീക്ഷണം ആദ്യമായി ഉറപ്പാക്കുമെന്ന് സർക്കാർ വൃത്തങ്ങൾ വ്യക്തമാക്കുന്നു.

Latest News:

Post Your Comments Here ( Click here for malayalam )

Press Esc to close
show more