1 GBP = 101.08
breaking news

യുക്മ ദേശീയ വെർച്വൽ കലാമേളയുടെ അഞ്ചാം ദിനമായ ഇന്ന് നെടുമുടി വേണു നഗറിൽ ജൂനിയർ വിഭാഗം മത്സരങ്ങൾ രാവിലെ 10ന്; യുകെയിലെയും ലോകമെങ്ങുമുള്ള കാലാസ്വാദകർ ഏറ്റെടുത്ത പന്ത്രണ്ടാമത് കലാമേള ആവേശകരമായ അന്ത്യത്തിലേക്ക്….

യുക്മ ദേശീയ വെർച്വൽ കലാമേളയുടെ അഞ്ചാം ദിനമായ ഇന്ന് നെടുമുടി വേണു നഗറിൽ ജൂനിയർ വിഭാഗം മത്സരങ്ങൾ രാവിലെ 10ന്;  യുകെയിലെയും ലോകമെങ്ങുമുള്ള കാലാസ്വാദകർ ഏറ്റെടുത്ത പന്ത്രണ്ടാമത് കലാമേള ആവേശകരമായ അന്ത്യത്തിലേക്ക്….


അലക്സ് വർഗ്ഗീസ്

(യുക്മ ദേശീയ ജനറൽ സെക്രട്ടറി)

2022 ൻ്റെ  പുതുവത്സരം ആഘോഷിക്കുവാൻ ഇടവേള നൽകിയ  ദിനങ്ങൾ പിന്നിട്ട്  പന്ത്രണ്ടാമത് യുക്മ ദേശീയ വെർച്വൽ കലാമേളയുടെ മത്സരങ്ങൾ പുനരാരംഭിക്കുയാണ്. കലാമേളയുടെ അഞ്ചാമത് ദിവസമായ ഇന്ന്  തിങ്കളാഴ്ച (03/01/22) അനശ്വര കലാകാരൻ നടന വിസ്മയം നെടുമുടി വേണുവിൻ്റെ നാമധേയത്തിലുള്ള വെർച്വൽ നഗറിൽ രാവിലെ 10 AM മുതൽ വൈകുന്നേരം 4 PM  ജൂനിയർ വിഭാഗത്തിലെ മത്സരങ്ങൾ സംപ്രേക്ഷണം ചെയ്യുകയാണ്. ഇതിനകം യു കെയിലും ലോകമെങ്ങുമുള്ള പ്രേക്ഷകർ നെഞ്ചിലേറ്റി തരംഗമായി മാറ്റിയ യുക്മ ദേശീയ കലാമേള – 2021ലെ  ജൂനിയർ വിഭാഗത്തിലെ ഭരതനാട്യം,മോഹിനിയാട്ടം, സിനിമാറ്റിക് ഡാൻസ്,സോളോ സോംഗ്, പ്രസംഗം – മലയാളം,പ്രസംഗം – ഇംഗ്ലീഷ്, പദ്യപാരായണം,മോണോ ആക്ട്, ഡ്രംസ്, ഗിറ്റാർ,വയലിൻ, കീബോർഡ് എന്നീമത്സരങ്ങളായിരിക്കും ഇന്ന്  സംപ്രേക്ഷണം ചെയ്യുന്നത്.

പ്രവാസി ലോകത്തിന് അത്ഭുതവും ആവേശവും വാരി വിതറി ലോക മലയാളി സമൂഹത്തിൻ്റെ അഭിമാനം വാനോളമുയർത്തിക്കൊണ്ട്,  അനശ്വര കലാകാരൻ നെടുമുടി വേണുവിന് ആദരവ് അർപ്പിച്ച് കൊണ്ട് അദ്ദേഹത്തിൻ്റെ നാമധേയത്തിലുള്ള വെർച്വൽ  നഗറിൽ നടക്കുന്ന യുക്മ ദേശീയ കലാമേളയിലെ അഞ്ചാം ദിവസത്തെ മത്സരങ്ങൾ  ജൂനിയർ വിഭാഗത്തിലേതാണ്. ഇന്ന് രാവിലെ 10 AM  മുതൽ  യുക്മയുടെ ഔദ്യോഗിക ഫെയ്സ് ബുക്ക് പേജായ UUKMA യിലൂടെ മത്സരങ്ങൾ സംപ്രേക്ഷണം ചെയ്യുന്നത്. മത്സരങ്ങൾ സമയക്രമം അനുസരിച്ച് വൈകുന്നേരം 4 PM വരെ തുടർച്ചയായിട്ടായിരിക്കും സംപ്രേക്ഷണം ചെയ്യുന്നത്.

പ്രശസ്ത സാഹിത്യകാരി പ്രൊഫ. സാറാ ജോസഫ്  ഉദ്ഘാടനം ചെയ്തനുഗ്രഹിച്ച പന്ത്രണ്ടാമത് യുക്മ ദേശീയ വെർച്വൽ കലാമേളയുടെ ഉദ്ഘാടന ദിവസം ജൂനിയർ ഫോക്ക് ഡാൻസ് മത്സരങ്ങളും, രണ്ടാമത്തെ ദിവസം കിഡ്സ്സ്സ് വിഭാഗത്തിലെ മത്സരങ്ങളും  സംപ്രേക്ഷണം ചെയ്തിരുന്നു. മൂന്നാമത്തെയും നാലാമത്തെയും ദിവസങ്ങളിലായി സബ് ജൂനിയർ വിഭാഗത്തിലെയും മത്സരങ്ങൾ സംപ്രേക്ഷണം ചെയ്തു കഴിഞ്ഞു. വിവിധ കാറ്റഗറികളിലും വ്യത്യസ്ത ഇനങ്ങളിലുമായി അഞ്ഞൂറിലേറെ മത്സരാർത്ഥികളാണ് യുക്മ ദേശീയ കലാമേള 2021-ൽ  മാറ്റുരക്കുന്നത്. മത്സരങ്ങൾ സംപ്രേക്ഷണം ചെയ്യുന്നതിനൊപ്പം വിധി നിർണയവും പൂർത്തിയാക്കി, ദേശീയ കലാമേളയുടെ സമാപന ദിവസം ഫല പ്രഖ്യാപനവും  സമ്മാന വിതരണവും നടത്തുന്നതിനുള്ള രീതിയിലാണ് കലാമേളയുടെ ക്രമീകരണങ്ങൾ പുരോഗമിക്കുന്നത്.

വെർച്വൽ പ്ലാറ്റ്‌ഫോമിന്റെ സാധ്യതകളും വെല്ലുവിളികളും ഏറ്റെടുത്തുകൊണ്ട് കഴിഞ്ഞ വർഷം യുക്മ സംഘടിപ്പിച്ച പതിനൊന്നാമത് യുക്മ  ദേശീയ കലാമേളയുടെ വൻപിച്ച വിജയത്തിനെ തുടർന്നാണ് കോവിഡ് വെല്ലുവിളികൾ അവസാനിക്കാത്ത സാഹചര്യത്തിൽ ഈ വർഷവും വെർച്വൽ പ്ലാറ്റ്ഫോമിൽ തന്നെ കലാമേള സംഘടിപ്പിക്കുവാൻ യുക്മ ദേശീയ സമിതി തീരുമാനിച്ചത്.

പ്രവാസ ലോകത്തെ ഏറ്റവും വലിയ പ്രവാസി മലയാളി സംഘടനയായ യുക്മ സംഘടിപ്പിക്കുന്ന പന്ത്രണ്ടാമത് യുക്മ ദേശീയകലാമേള ലോകമെമ്പാടുമുള്ളവരുടെ സ്വീകരണ മുറികളിലേക്കെത്തുമ്പോൾ, മത്സരാർത്ഥികളെ പ്രോൽസാഹിപ്പിക്കുകയും, കലാമേളയെ സഹർഷം സ്വീകരിക്കുകയും, ഏറ്റെടുക്കുകയും ചെയ്തു കൊണ്ടിരിക്കുന്ന എല്ലാ കലാ സ്നേഹികളോടും നന്ദി പറഞ്ഞ് കൊള്ളുന്നു.  പ്രത്യേക സാഹചര്യത്തിലും  കലാമേളയിൽ മത്സരാർത്ഥികളായി പങ്കെടുക്കുകയും വിജയിപ്പിക്കുകയും ചെയ്തവർക്കും, അവരുടെ പിന്നിൽ പ്രവർത്തിച്ച  എല്ലാവർക്കും പ്രത്യേകമായി അഭിനന്ദനങ്ങൾ  അർപ്പിക്കുന്നു.

യുക്മ ദേശീയകലാമേളയുടെ വിജയത്തിനായി പ്രവർത്തിച്ചു കൊണ്ടിരിക്കുന്ന യുക്മ ദേശീയ ഭാരവാഹികൾ, റീജിയൺ ഭാരവാഹികൾ, അംഗ അസോസിയേഷൻ ഭാരവാഹികൾ തുടങ്ങി യുക്മയുമായി ബന്ധപ്പെട്ട് പ്രവർത്തിക്കുന്ന എല്ലാവർക്കും യുക്മ ദേശീയ നിർവ്വാഹക സമിതിക്ക് വേണ്ടി പ്രസിഡൻറ് മനോജ് കുമാർ പിള്ള, ജനറൽ സെക്രട്ടറി അലക്സ് വർഗ്ഗീസ്  എന്നിവർ നന്ദി രേഖപ്പെടുത്തി.

Latest News:

Post Your Comments Here ( Click here for malayalam )

Press Esc to close
show more