- ഇറാനിലെ ഇസ്ഫഹൻ നഗരത്തിന് നേരെ ഇസ്രായേൽ ആക്രമണം
- ഇറാനെതിരെ കൂടുതൽ ഉപരോധം പ്രഖ്യാപിച്ച് ബ്രിട്ടനും ഇ.യുവും അമേരിക്കയും
- ഗുജറാത്തിനെ വീഴ്ത്തി ഡൽഹി
- സുഗന്ധഗിരി മരംമുറിക്കൽ കേസിൽ നടപടി; മൂന്നു ഉദ്യോഗസ്ഥർക്ക് സസ്പെൻഷൻ
- ‘ആദർശമുള്ള നേതാവ്, പാർട്ടിയോട് വലിയ കടപ്പാട്’; എ.കെ ആൻ്റണിയെ പുകഴ്ത്തി രാജ്നാഥ് സിംഗ്
- മണിക്കൂറിൽ 250 കിലോമീറ്റർ വേഗത; ബുള്ളറ്റ് ട്രെയിൻ നിർമിക്കാൻ ഇന്ത്യൻ റെയിൽവെ
- ഫോർട്ട് കൊച്ചിയിൽ പലസ്തീൻ ഐക്യദാർഢ്യ പോസ്റ്ററുകൾ നശിപ്പിച്ച വിദേശ വനിതയ്ക്ക് ജാമ്യം
യുക്മ ദേശീയ നിര്‍വാഹക സമിതി യോഗവും കലാമേള സംഘാടക സമിതി രൂപീകരണവും ഇന്ന് കവന്‍ട്രിയില്‍
സജീഷ് ടോം
(യുക്മ നാഷണല്‍ ജനറല്‍ സെക്രട്ടറി)
യുക്മ ദേശീയ നിര്‍വാഹക സമിതി യോഗം ഇന്ന് (ഒക്‌റ്റോബര്‍ 23 ഞായര്‍) കവന്‍ട്രി ഷില്‍ട്ടണ്‍ വില്ലേജ് ഹാളില്‍ നടക്കും. രാവിലെ പത്തുമണിക്ക് ആരംഭിക്കുന്ന യോഗത്തില്‍ പ്രസിഡന്റ് ഫ്രാന്‍സിസ് മാത്യു അധ്യക്ഷത വഹിക്കും. യുക്മ ദേശീയ ഭാരവാഹികളും റീജിയണല്‍ പ്രസിഡണ്ട്മാരും നാഷണല്‍ എക്‌സിക്യൂട്ടീവ് അംഗങ്ങളും പങ്കെടുക്കുന്ന ദേശീയ നിര്‍വാഹക സമിതി യോഗം യുക്മയെ സംബന്ധിച്ച നിര്‍ണ്ണായക ചര്‍ച്ചകള്‍ക്കും തീരുമാനങ്ങള്‍ക്കും വേദിയൊരുക്കുന്ന സുപ്രധാന നേതൃയോഗമാണ്.
യോഗത്തില്‍ ദേശീയ ട്രഷറര്‍ ഷാജി തോമസ് സംഘടനയുടെ പ്രവര്‍ത്തന വര്‍ഷത്തെ നാളിതുവരെയുള്ള കണക്കുകള്‍ അവതരിപ്പിക്കും. തുടര്‍ന്ന് കലാമേള ജനറല്‍ കണ്‍വീനര്‍ മാമ്മന്‍ ഫിലിപ്പ് ദേശീയ കലാമേളയുടെ മുന്നൊരുക്കങ്ങള്‍ യോഗത്തില്‍ വിശദീകരിക്കും. ഇതര സംഘടനാ കാര്യങ്ങളും വിഷയത്തിന്റെ മുന്‍ഗണനാക്രമം അനുസരിച്ചു യോഗത്തില്‍ ചര്‍ച്ചചെയ്യപ്പെടും.
നവംബര്‍ അഞ്ചിന് നടക്കുന്ന ദേശീയ കലാമേളയുടെ ഒരുക്കങ്ങള്‍ വിലയിരുത്തുന്നതിനും, വിപുലമായ കലാമേള സംഘാടക സമിതി രൂപീകരിക്കുന്നതിനുമായുള്ള ആഘോഷകമ്മറ്റി ഉച്ചകഴിഞ്ഞു രണ്ട് മണിക്ക് ആരംഭിക്കും. യുക്മ ദേശീയ നിര്‍വാഹക സമിതി അംഗങ്ങളോടൊപ്പം ദേശീയകലാമേള ആതിഥേയരായ മിഡ് ലാന്‍ഡ്‌സ് റീജിയന്റെയും കവന്‍ട്രി കേരള കമ്മ്യൂണിറ്റിയുടെയും നേതാക്കളും പ്രവര്‍ത്തകരും, ഒപ്പം മിഡ് ലാന്‍ഡ്‌സ് റീജിയണിലെ ഇതര അംഗ അസോസിയേഷന്‍ പ്രതിനിധികളും യോഗത്തില്‍ പങ്കെടുക്കുമെന്ന് യുക്മ ദേശീയ ജനറല്‍ സെക്രട്ടറി സജീഷ് ടോം അറിയിച്ചു.
ദേശീയ കലാമേളയുടെ മുന്നോടിയായി നടക്കുന്ന ഈ യോഗങ്ങളില്‍ നൂറില്‍പ്പരം യുക്മ പ്രതിനിധികള്‍ പങ്കടുക്കുമെന്ന് പ്രതീക്ഷിക്കപ്പെടുന്നു. യോഗത്തിലേക്ക് ഏവരെയും യുക്മ ദേശീയ സമിതി ഹാര്‍ദ്ദമായി സ്വാഗതം ചെയ്യുന്നു. ദേശീയ നിര്‍വാഹക സമിതി യോഗവും കലാമേള ആഘോഷകമ്മറ്റിയും നടക്കുന്ന സ്ഥലത്തിന്റെ വിലാസം താഴെ കൊടുക്കുന്നു:
Shilton Village Hall, Wood Lane, Shilton, Coventry – CV7 9JZ
click on malayalam character to switch languages