1 GBP = 93.23
breaking news

ബ്രിട്ടൻ ആശ്വാസ തീരത്തേക്കോ?? ലോക്ക്ഡൗൺ പ്രഖ്യാപിച്ചതിന് ശേഷമുള്ള ഏറ്റവും കുറവ് മരണസംഖ്യ ഇന്നലെ

ബ്രിട്ടൻ ആശ്വാസ തീരത്തേക്കോ?? ലോക്ക്ഡൗൺ പ്രഖ്യാപിച്ചതിന് ശേഷമുള്ള ഏറ്റവും കുറവ് മരണസംഖ്യ ഇന്നലെ

ലണ്ടൻ: കൊറോണ വൈറസ് മരണങ്ങളുടെ യുകെയുടെ ദൈനംദിന കണക്ക് 170 ആയി കുറഞ്ഞു. ലോക്ക്ഡൗൺ ആരംഭിച്ചതിന് ശേഷമുള്ള ഏറ്റവും കുറഞ്ഞ നിരക്കാണ് ഇന്നലെ രേഖപ്പെടുത്തിയത്. ഇംഗ്ലണ്ടിലെ ആദ്യത്തെ ലോക്ക്ഡൗൺ നിയന്ത്രണങ്ങൾ ലഘൂകരിച്ച് ഒരാഴ്ച കഴിഞ്ഞാണ് ഈ പ്രഖ്യാപനം വരുന്നത്. ഞായറാഴ്ചകളിൽ ഇത് സാധാരണഗതിയിൽ കുറവാണെങ്കിലും,കഴിഞ്ഞ ഞായറാഴ്ച്ച റിപ്പോർട്ട് ചെയ്ത 268 മരണങ്ങളെ അപേക്ഷിച്ച് ഇപ്പോൾ നൂറോളം കുറവാണ്.

ബ്രിട്ടനിലെ ആകെ മരണസംഖ്യ യൂറോപ്പിലെ ഏറ്റവും ഉയർന്ന നിരക്കിലാണ്, ഇപ്പോൾ ഇത് 34,636 ആണ്. അതേസമയം, സ്പെയിനിൽ, ലോക്ക്ഡൗൺ ആരംഭിച്ചതിനുശേഷം ആദ്യമായി മരണങ്ങളുടെ എണ്ണം 100 ൽ താഴെയായി.
ആശുപത്രികളും കെയർ ഹോമുകളും എത്ര വേഗത്തിൽ മരണങ്ങൾ റിപ്പോർട്ട് ചെയ്യുന്നു എന്നതിലെ ഏറ്റക്കുറച്ചിലുകൾ കാരണം ഞായറാഴ്ചയും തിങ്കളാഴ്ചയും പ്രഖ്യാപിക്കുന്ന യുകെ മരണസംഖ്യ ആഴ്ചയിലെ മറ്റ് അഞ്ച് ദിവസങ്ങളെ അപേക്ഷിച്ച് കുറവാണ്.

കൊറോണ വൈറസ് അലേർട്ട് സിസ്റ്റത്തിന്റെ മൂന്നാം ഘട്ടത്തിലേക്ക് രാജ്യം നീങ്ങുകയാണെന്നും ഇത് ലോക്ക്ഡൗൺ നിയന്ത്രണങ്ങളിൽ ക്രമാനുഗതമായ ഇളവ് വരുത്തുമെന്നും എന്നാൽ ഈ രോഗത്തെ കൃത്യമായി ജയിക്കാൻ സുരക്ഷിതമായ പ്രവർത്തനക്ഷമമായ ഒരു വാക്സിൻ കണ്ടെത്തേണ്ടതുണ്ടെന്നും ബിസിനസ്സ് സെക്രട്ടറി അലോക് ശർമ പറഞ്ഞു. ഓക്‌സ്‌ഫോർഡ് സർവകലാശാലയിൽ കോവിഡ് -19 വാക്‌സിനുള്ള ക്ലിനിക്കൽ ട്രയൽ നന്നായി പുരോഗമിക്കുകയാണെന്നും പുതിയ വാക്‌സിൻ റിസർച്ച് ലാബ് വേഗത്തിലാക്കാൻ 93 മില്യൺ പൗണ്ട് വകയിരുത്തിയിട്ടുണ്ടെന്നും അദ്ദേഹം പറഞ്ഞു.

ഓക്സ്ഫോർഡ് സർവ്വകലാശാലയിൽ വാക്സിൻ കണ്ടുപിടിക്കുന്നതിനായി സർക്കാർ ഇതിനകം തന്നെ 47 മില്യൺ പൗണ്ട് നിക്ഷേപിച്ചിട്ടുണ്ട്. 84 മില്യൺ പൗണ്ടും ഇതിനായി വകയിരുത്തിയിട്ടുണ്ട്. ഫാർമസ്യൂട്ടിക്കൽ കമ്പനിയായ അസ്ട്രസെനെക ഓക്സ്ഫോർഡുമായും സർക്കാരുമായും ആഗോള ലൈസൻസിംഗ് കരാർ ഉണ്ടാക്കിയിട്ടുണ്ടെന്നും അലോക് ശർമ്മ കൂട്ടിച്ചേർത്തു. ദൗത്യം വിജയകരമാണെങ്കിൽ, 100 ദശലക്ഷം ഡോസ് കരാറിന്റെ ഭാഗമായി ഈ സെപ്റ്റംബറോടെ 30 ദശലക്ഷം ഡോസുകൾ യുകെയിൽ ലഭ്യമാകും.

Latest News:

Post Your Comments Here ( Click here for malayalam )

Press Esc to close
show more