1 GBP = 99.83
breaking news

സ്വന്തം സോഷ്യൽനെറ്റ്​വർക്ക്​ പ്ലാറ്റ്​​ഫോമുമായി ട്രംപ്​; ട്രൂത്ത്​ സോഷ്യൽ എന്ന്​ പേര്​

സ്വന്തം സോഷ്യൽനെറ്റ്​വർക്ക്​ പ്ലാറ്റ്​​ഫോമുമായി ട്രംപ്​; ട്രൂത്ത്​ സോഷ്യൽ എന്ന്​ പേര്​

വാഷിങ്​ടൺ: സ്വന്തം സോഷ്യൽനെറ്റ്​വർക്ക്​ പ്ലാറ്റ്​ഫോമുമായി മുൻ യു.എസ്​ പ്രസിഡന്‍റ്​ ഡോണൾഡ്​ ട്രംപ്​. ട്വിറ്ററും, ഫേസ്​ബുക്കും വിലക്ക്​ ഒഴിവാക്കാത്ത പശ്​ചാത്തലത്തിലാണ്​ ട്രംപിന്‍റെ നടപടി. ട്രൂത്ത്​ സോഷ്യൽ എന്നായിരിക്കും ട്രംപ്​ തുടങ്ങുന്ന പുതിയ സമൂഹമാധ്യമത്തിന്‍റെ പേര്​.

ട്രംപ്​ മീഡിയ ആൻഡ്​ ടെക്​നോളജി ഗ്രൂപ്പായിരിക്കും ട്രൂത്ത്​ സോഷ്യലിന്‍റെ ഉടമസ്ഥർ. അടുത്തമാസത്തോടെ ഇതിന്‍റെ ബീറ്റ പതിപ്പ്​ ലഭ്യമാവുമെന്നാണ്​ പ്രതീക്ഷിക്കുന്നത്​. ആപ്പിളിന്‍റെ ആപ്​ സ്​റ്റോറിൽ ട്രൂത്ത്​ സോഷ്യലിന്‍റെ പ്രീ ഓർഡർ ആരംഭിച്ചിട്ടുണ്ട്​.ഇതിനൊപ്പം വിഡിയോ ഓൺ ഡിമാൻഡ്​ സർവീസിനും ടി.എം.ടി.ജി തുടക്കം കുറിക്കും. നോൺ വോക്ക്​ എന്ന പേരിൽ വിനോദപരിപാടിയും ആരംഭിക്കും. സ്​കോട്ട്​ സെന്‍റ്​ ജോൺസനായിരിക്കും പരിപാടിയുടെ എക്​സിക്യൂട്ടീവ്​ പ്രൊഡ്യൂസർ.

വൻകിട ടെക്​ കമ്പനികൾക്ക്​ ബദലായാണ്​ ട്രൂത്ത്​ സോഷ്യലിന്​ തുടക്കം കുറിക്കുന്നതെന്നും ട്രംപ്​ പറഞ്ഞു. താലിബാന്​ വലിയ സ്വാധീനുമുള്ള ട്വിറ്ററാണ്​ ഇപ്പോഴുള്ളത്​. എന്നാൽ, ഇതുസംബന്ധിച്ച്​ യു.എസ്​ പ്രസിഡന്‍റ്​ മൗനം പാലിക്കുകയാണെന്നും ട്രംപ്​ കുറ്റപ്പെടുത്തി. കാപ്പിറ്റോൾ ബിൽഡിങ്ങിലൂണ്ടായ സംഘർഷത്തെ തുടർന്നാണ്​ ട്രംപിനെ വിവിധ സമൂഹമാധ്യമങ്ങളിൽ നിന്നും വിലക്കിയത്​. തുടർന്ന്​ സ്വന്തം സോഷ്യൽ മീഡിയ ആപുകളുമായി രംഗത്തെത്തുമെന്ന്​ ട്രംപ്​ അറിയിച്ചിരുന്നു.

Latest News:

Post Your Comments Here ( Click here for malayalam )

Press Esc to close
show more