1 GBP = 103.81
Logo

യു.എസ് സംഘമെത്തിഉച്ചകോടിക്ക് വീണ്ടും പ്രതീക്ഷ

  • May 31, 2018
യു.എസ് സംഘമെത്തിഉച്ചകോടിക്ക് വീണ്ടും പ്രതീക്ഷ
വാഷിംഗ്ടൺ: ഏറെ പ്രതീക്ഷ നൽകുകയും പിന്നീട് അസ്തമിച്ചുവെന്ന് കരുതുകയും ചെയ്ത യു.എസ്- ഉത്തര കൊറിയ ഉച്ചകോടിക്കു വീണ്ടും ജീവൻ വച്ചു. യു.എസ് പ്രതിനിധി സംഘങ്ങൾ ഉത്തര കൊറിയയിലെത്തിയതോടെയാണ് ഉച്ചകോടി നടക്കുമെന്ന കാര്യം ഉറപ്പായത്. ദക്ഷിണ കൊറിയയുമായി അമേരിക്ക സംയുക്ത സൈനിക പ്രകടനം നടത്തിയതിനെതിരെ ഉത്തരകൊറിയൻ ഭരണാധികാരി കിം ജോംഗ് ഉൻ പ്രതികരിച്ചതിനെ തുടർന്നാണ് ഇരു രാജ്യങ്ങളും ഒന്നിച്ചുള്ള ഉച്ചകോടിക്ക് ആദ്യം ഉലച്ചിൽ സംഭവിച്ചത്. തുടർന്ന് ഈ സംരംഭത്തിൽ നിന്ന് പിന്മാറുകയാണെന്ന് അറിയിച്ച് യു.എസ്. പ്രസിഡന്റ് ഡൊണാൾഡ് ട്രംപ് തന്നെ ഉന്നിന് കത്തയച്ചു. ഇതോടെ ഉച്ചകോടി അടഞ്ഞ അദ്ധ്യായമായെന്നാണ് കരുതിയത്.
ആ സംരംഭത്തിനാണ് ഇപ്പോൾ വീണ്ടും ജീവൻ വച്ചിരിക്കുന്നത്. സിംഗപ്പൂരിൽ ജൂൺ 12നാണ് ഉച്ചകോടി നടത്താൻ തീരുമാനിച്ചിരിക്കുന്നത്. യുഎസ് സംഘം ഉത്തര കൊറിയയിൽ എത്തിയിട്ടുണ്ടെന്ന കാര്യം ട്രംപ് തന്നെയാണ് ലോകത്തെ അറിയിച്ചിരിക്കുന്നത്. സംഘത്തിലുള്ളത് ആരൊക്കെയാണെന്ന വിവരം രഹസ്യമായി സൂക്ഷിച്ചിരിക്കുകയാണെങ്കിലും ദക്ഷിണ കൊറിയയിലെ മുൻ അംബാസഡർ സുങ് കിം ഉത്തര കൊറിയയിൽ എത്തിയതായി വാഷിംഗ്ടൺ പോസ്റ്റ് റിപ്പോർട്ട് ചെയ്തിട്ടുണ്ട്. ഉത്തര കൊറിയയുടെ ആണവ പദ്ധതി സംബന്ധിച്ചു നടത്തിയ ആറുരാഷ്ട്ര ചർച്ചകളിൽ യു.എസിനെ പ്രതിനിധീകരിച്ചിട്ടുള്ളയാളാണ് സുങ് കിം.
ഉത്തര കൊറിയയിൽ എത്തിയ സുങ് കിം വിദേശകാര്യമന്ത്രി ചോ സൺ ഹുയിയുമായി കൂടിക്കാഴ്ച നടത്തി. ഇരുരാജ്യങ്ങൾക്കുമിടയിലുള്ള സൈനിക മുക്ത മേഖലയിലായിരുന്നു കൂടിക്കാഴ്ച. ഉച്ചകോടി നടത്തിപ്പുമായി ബന്ധപ്പെട്ട ചർച്ച ഇന്നും തുടരുമെന്നും ഇരു രാജ്യങ്ങളുടെയും പ്രതിനിധികൾ അറിയിക്കുന്നുണ്ട്.

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 3,630
More Videos
കനത്ത കാറ്റിൽ ആടിയുലഞ്ഞ് ബോയിങ് 777ന്‍റെ ലാൻഡിങ്; ഞെട്ടിക്കുന്ന ദൃശ്യങ്ങൾVIDEO
More Gallery
ഇ​ന്ത്യ​യു​മാ​യി വീ​ണ്ടും ച​ർ​ച്ച​ക്ക്​ ത​യാ​ർ –ചൈ​ന

Latest Updates

show more

uukma special

show more