1 GBP = 98.25
breaking news

ബ്രോംലിയിൽ മകളെയും കുടുംബത്തെയും സന്ദർശിക്കാനെത്തിയ മാതാവ് നിര്യാതയായി.

ബ്രോംലിയിൽ മകളെയും കുടുംബത്തെയും സന്ദർശിക്കാനെത്തിയ മാതാവ് നിര്യാതയായി.

ബ്രോംലി:- ഷോർട്ട് ലാൻഡ് ബ്രോംലിയിൽ മകളെയും കുടുംബത്തെയും സന്ദർശിക്കാനെത്തിയ എറണാകുളം മഠത്തിപ്പറമ്പിൽ ഊക്കൻ വീട്ടിൽ പരേതനായ എം.സി വിൻസൺ ഭാര്യ ത്രേസ്യാമ്മ വിൻസൺ (71) നിര്യാതയായി. മെനെഞ്ചിറ്റിസ് ബാധിച്ച് ബ്രോംലി കിംഗ്സ് കോളേജ് ഹോസ്പിറ്റലിൽ കഴിഞ്ഞ 45 ദിവസമായി  തീവ്ര പരിചരണ വിഭാഗത്തിൽ വെൻ്റിലേറ്ററിൻ്റെ സഹായത്തോടെ കഴിയുകയായിരുന്നു. നവംബർ 13നാണ് യുകെയിൽ എത്തിച്ചേർന്നത്. മകൾ ജൂലി ജേക്കബ്ബിൻ്റെ കുടുംബത്തെ സന്ദർശിക്കാനെത്തിയതായിരുന്നു കടമക്കുടി ഗവ.ഹയർ സെക്കൻഡറി സ്കൂൾ റിട്ട. പ്രിൻസിപ്പൽ കൂടിയായ ത്രേസ്യാമ്മ ടീച്ചർ യുകെയിലെത്തിയത്. മറ്റൊരു മകൾ നാട്ടിലാണുള്ളത്. ലിൻഡ ജേക്കബ്. മരുമക്കൾ ജേക്കബ് വടക്കേൽ, വിനോ ജോസ് കണംകൊമ്പിൽ. 


സെൻ്റ്. മാർക്ക് സീറോ മലബാർ മിഷൻ ഡയറക്ടർ റവ.ഫാ.ടോമി എടാട്ടിൻ്റെയും, ബ്രോംലി മലയാളി അസോസിയേഷൻ്റെയും പ്രവർത്തകരാണ് പരേതയുടെ കുടുംബത്തിന് പ്രതിസന്ധി ഘട്ടത്തിൽ താങ്ങും തണലുമായി കൂടെ നിന്നിരുന്നത്. മൃതസംസ്കാരം സംബന്ധിച്ചുള്ള കൂടുതൽ വിവരങ്ങൾ പിന്നീട് അപ്ഡേറ്റ് ചെയ്യുന്നതാണ്.

പരേതയുടെ നിര്യാണത്തിൽ യുക്മ പ്രസിഡൻ്റ് മനോജ് കുമാർ പിള്ള, സെക്രട്ടറി അലക്സ് വർഗ്ഗീസ്, ട്രഷറർ അനീഷ് ജോൺ, വൈസ് പ്രസിഡൻ്റ് അഡ്വ. എബി സെബാസ്റ്റ്യൻ, ബ്രോംലി മലയാളി അസോസിയേഷൻ പ്രസിഡൻ്റ് അനു കെ ജോസഫ് എന്നിവർ അനുശോചനം അറിയിച്ചു. പരേതയുടെ ആത്മാവിന് നിത്യശാന്തി നേരുവാൻ പ്രാർത്ഥിക്കുന്നതിനൊപ്പം നിര്യാണത്തിൽ വേദനിക്കുന്ന കുടുംബാംഗങ്ങളുടെ ദുഃഖത്തിൽ യുക്മ ന്യൂസ് ടീമും പങ്കു ചേരുന്നു.

Latest News:

Post Your Comments Here ( Click here for malayalam )

Press Esc to close
show more