- ‘മഹാരാഷ്ട്ര ഗവർണർ പദവി വാഗ്ദാനം ചെയ്തു’; തെരഞ്ഞെടുപ്പ് കഴിഞ്ഞാൽ ഇപി ജയരാജൻ ബിജെപിയിലേക്ക് പോകുമെന്ന് കെ സുധാകരൻ
- തൃശൂർ പൂരം അലങ്കോലപ്പെടുത്തിയ സംഭവം; സർക്കാരിനോട് വിശദീകരണം തേടി ഹൈക്കോടതി
- ജയിച്ചു കയറി ഡല്ഹി; ഗുജറാത്തിന്റെ തോല്വി 4 റണ്സിന്
- ‘കേന്ദ്ര ഏജൻസിയെ സമീപിക്കും, മാസപ്പടിയെക്കാൾ വലിയ അഴിമതിയാണ് സ്പ്രിംഗ്ളർ’: സ്വപ്ന സുരേഷ്
- യുഎസിൽ ‘സോംബി’ രോഗം; രണ്ട് മാനുകൾക്ക് പോസിറ്റീവായി; മനുഷ്യരിലേക്ക് പകരാനുള്ള സാധ്യതയുണ്ടെന്ന് വിദഗ്ധരുടെ മുന്നറിയിപ്പ്
- വാട്ടർ മെട്രോ ഉയരങ്ങളിലേക്ക്, ഒരു വർഷം 19,72,247 യാത്രക്കാർ; കേരളത്തിന് അഭിമാനമെന്ന് പി രാജീവ്
- മോദി-പിണറായി ഭരണ കൂടങ്ങൾക്കെതിരേ നൽകുന്ന ശക്തമായ താക്കീതും തിരിച്ചടിയുമാവും ജനവിധി; രമേശ് ചെന്നിത്തല
മാഞ്ചസ്റ്ററില്‍ ഇടവക ദിനവും; സണ്ടേ സ്‌കൂള്‍ വാര്‍ഷികവും; മാര്‍. ജോസഫ് ശ്രാമ്പിക്കലിന് സ്വീകരണവും ഈ മാസം 30ന്
മാഞ്ചസ്റ്റര്‍: മാഞ്ചസ്റ്റര്‍ സെന്റ് തോമസ് സീറോ മലബാര്‍ കമ്മ്യുണിറ്റിയില്‍ ഇടവക ദിനവും, സണ്ടേ സ്‌കൂള്‍ വാര്‍ഷികവും, മാര്‍ ജോസഫ് ശ്രാമ്പിക്കലിന് സ്വീകരണവും ഈ മാസം 30, ഞായറാഴ്ച നടക്കും. ഗ്രേറ്റ് ബ്രിട്ടന്‍ രൂപതയുടെ പിതാവായി അഭിഷിക്തനായശേഷം ആദ്യമായി മാഞ്ചസ്റ്ററില്‍ എത്തിച്ചേരുന്ന ശ്രാമ്പിക്കല്‍ പിതാവിനെ സ്വീകരിക്കുവാന്‍ വിപുലമായ ഒരുക്കങ്ങളാണ് നടന്നു വരുന്നത്. അന്നേ ദിവസം ഉച്ചക്ക് ഒരു മണിക്ക് നോര്‍ത്തെന്‍ണ്ടനിലെ സെന്റ് ഹില്‍ഡാസ് ദേവാലയത്തില്‍ നടക്കുന്ന അത്യാഘോഷപൂര്‍വമായ ദിവ്യബലിയോടെ ആഘോഷപരിപാടികള്‍ക്ക് തുടക്കമാകും. മാര്‍. ജോസഫ് ശ്രാമ്പിക്കല്‍ പിതാവ് ദിവ്യബലിയില്‍ മുഖ്യ കാര്‍മ്മികനാകും. ഒട്ടേറെ വൈദീകര്‍ സഹകാര്‍മ്മികത്വം വഹിക്കും. ഇതേ തുടര്‍ന്ന് സെയില്‍ കമ്മ്യുണിറ്റി ഹാളില്‍ സ്വീകരണവും, പൊതു സമ്മേളനവും, സണ്ടേസ്‌കൂള്‍ വാര്‍ഷിക ആഘോഷങ്ങളും കലാസന്ധ്യയും അരങ്ങേറും.
മുത്തുക്കുടകളുടെയും താലപ്പൊലികളുടെയും അകമ്പടിയോടെ സെയില്‍ കമ്യുണിറ്റി ഹാളില്‍ ഗ്രേറ്റ് ബ്രിട്ടണ്‍ രൂപതയുടെ അഭിവദ്യപിതാവിനെയും, മറ്റു വിശിഷ്ട്ട വ്യക്തികളെയും മാതൃവേദി പ്രവര്‍ത്തകര്‍ സ്വീകരിച്ചു് വേദിയിലേക്ക് ആനയിക്കുന്നതോടെ പൊതുസമ്മേളനത്തിന് തുടക്കമാകും. ഇടവക വികാരിയും മാഞ്ചസ്റ്റര്‍ മലയാളികളുടെ ആത്മീയ ഇടയനുമായ റവ. ഡോ. ലോനപ്പന്‍ അരങ്ങാശേരി ആമുഖ പ്രഭാഷണം നടത്തും. തുടര്‍ന്ന് മാര്‍. ജോസഫ് ശ്രാമ്പിക്കല്‍ ആഘോഷപരിപാടികള്‍ ഉത്ഘാടനം ചെയ്തു സംസാരിക്കുകയും, സണ്ടേ സ്‌കൂള്‍ മത്സരങ്ങളില്‍ മികച്ച പ്രകടനം കാഴ്ച വെച്ചവര്‍ക്കുള്ള സമ്മാനങ്ങള്‍ വിതരണം ചെയ്യുകയും ചെയ്യും.
പൊതു സമ്മേളനത്തെ തുടര്‍ന്ന് കുട്ടികളുടെയും മുതിര്‍ന്നവരുടെയും വിവിധങ്ങളായ കലാപരിപാടികള്‍ വേദിയില്‍ അരങ്ങേറും. ആഴ്ചകള്‍ നീണ്ട പരിശീലനത്തിനൊടുവില്‍ പ്രതിഭകള്‍ വേദിയില്‍ നിറവര്‍ണ്ണങ്ങള്‍ തീര്‍ക്കുമ്പോള്‍ കാണികള്‍ക്ക് മികച്ച വിരുന്നാകും.
ഇടവക വികാരി റവ. ഡോ. ലോനപ്പന്‍ അരങ്ങാശ്ശേരിയുടെ നേതൃത്വത്തില്‍ പ്രവര്‍ത്തിക്കുന്ന വിവിധ കമ്മിറ്റികള്‍ ആഘോഷപരിപാടികളുടെ വിജയത്തിനായി പ്രവര്‍ത്തിച്ചു വരുന്നു. പരിപാടികളില്‍ കുടുംബ സമേതം പങ്കെടുക്കുവാന്‍ ഏവരെയും റവ. ഡോ. ലോനപ്പന്‍ അരങ്ങാശേരി സ്വാഗതം ചെയ്യുന്നു.
click on malayalam character to switch languages