1 GBP =
breaking news

ഷുഹൈബ് വധം: 2 പേര്‍ കൂടി കസ്റ്റഡിയില്‍; പ്രതികളെ ഇന്ന് അറസ്റ്റ് ചെയ്‌തേക്കും

ഷുഹൈബ് വധം: 2 പേര്‍ കൂടി കസ്റ്റഡിയില്‍; പ്രതികളെ ഇന്ന് അറസ്റ്റ് ചെയ്‌തേക്കും

കണ്ണൂര്‍:ഷുഹൈബ് വധക്കേസില്‍ പ്രതികളുടെ അറസ്റ്റിന് ഇന്ന് സാധ്യത.കേസുമായി ബന്ധപ്പെട്ട് രണ്ടു ukപേര്‍ കൂടി കസ്റ്റഡിയിലായി. ഇന്നു രാവിലെയാണ് ഇവരെ കസ്റ്റഡിയിലെടുത്തത്. കഴിഞ്ഞ ദിവസം ഷുഹൈബിന്റെ കൊലപാതകവുമായി ബന്ധപ്പെട്ട് ആറു പേരെ പൊലീസ് കസ്റ്റഡിയില്‍ എടുത്തിരുന്നു. ഇവരെ ചോദ്യം ചെയ്തതില്‍ നിന്ന് നിര്‍ണായക വിവരങ്ങള്‍ ലഭിച്ചിരുന്നെന്നാണ് പൊലീസ് നല്‍കുന്ന സൂചന

തില്ലങ്കേരിയില്‍ ബി.ജെ.പി പ്രവര്‍ത്തകനെ വധിച്ച കേസിലെ പ്രതിയും കസ്റ്റഡിയിലുണ്ട്. കൂടുതല്‍ പേരെ ഇന്ന് കസ്റ്റഡിയിലെടുത്ത് ചോദ്യം ചെയ്യും. അറസ്റ്റിനൊപ്പം കൊലയ്ക്ക് ഉപയോഗിച്ച ആയുധങ്ങളും വാഹനങ്ങളും കണ്ടെടുക്കുന്നതിനുള്ള റെയ്ഡുകളും ഇന്നും തുടരും. കണ്ണൂര്‍ എസ്.പി നേരിട്ടാണ് അന്വേഷണത്തിന് നേതൃത്വം നല്‍കുന്നത്. പ്രതികളെ അറസ്റ്റ് ചെയ്യണമെന്നാവശ്യപ്പെട്ട് കെ.എസ്.യു ഇന്നും ഉപവാസ സമരം നടത്തും.

കൊലപാതകം നടന്ന് ആറ് ദിവസം കഴിഞ്ഞിട്ടും പ്രതികളെ പിടികൂടാത്തത് കടുത്ത വിമര്‍ശത്തിന് ഇടയാക്കിയിരുന്നു. അതിനിടെയാണ് കൊലപാതകികളെപ്പറ്റി കൃത്യമായ വിവരം ലഭിച്ചുവെന്ന സൂചനകള്‍.

കണ്ണൂരിലെ എടയന്നൂര്‍ തെരൂരിലെ തട്ടുകടയില്‍ ഭക്ഷണം കഴിച്ചുകൊണ്ടിരിക്കെയാണ് ഷുഹൈബിനെ അക്രമിസംഘം വെട്ടിക്കൊലപ്പെടുത്തിയത്. ബോംബെറിഞ്ഞ് ഭീതിപരത്തി, ഷുഹൈബിനെയും കൂടെയുള്ളവരെയും ആശുപത്രിയിലെത്തിക്കുന്നതും വൈകിച്ചു. കോഴിക്കോട് മെഡിക്കല്‍ കോളേജിലെത്തിക്കുന്നതിന് മുമ്പ് ഷുഹൈബ് മരിച്ചിരുന്നു.

 

Post Your Comments Here ( Click here for malayalam )

Press Esc to close
show more