ജീവന് തുല്യം സ്നേഹിച്ച ഭർത്താവിനെ കൊന്ന് കാമുകനൊപ്പം പോയപ്പോള് മലയാളി നഴ്സ് സോഫി ഒരിക്കലും ചിന്തിച്ചിട്ടുണ്ടാവില്ല കാലം ചതിയുടെ മറുവശമൊരുക്കി കാത്തിരിക്കുന്നാണ്ടാകുമെന്ന് . കാമുകനൊപ്പം ചേർന്ന് ഭര്ത്താവിനെ കൊലപ്പെടുത്തിയ നേഴ്സിന് കിട്ടിയത് ജയിൽ ശിക്ഷയും കാമുകനായി ചതിക്കപ്പെട്ടു എന്ന തിരിച്ചറിവും മാത്രം .
കാമവികാരത്താൽ മാത്രമായിരുന്നു കാമുകൻ കൂടെ കൂടിയത് എന്ന ചതി സോഫി മനസസിലാക്കിയത് ജയിലിൽ എത്തിയപ്പോൾ മാത്രമാണ്. ഓസ്ട്രേലയയിലെ മെല്ബണില് മലയാളിയായ സാം ഏബ്രഹാമിനെ ഭാര്യയും കാമുകനും സയനൈഡ് നല്കി കൊലപ്പെടുത്തിയത് രണ്ടുവര്ഷം മുമ്പാണ്.
തുമ്പില്ലാതിരുന്ന കേസില് ഭാര്യയെയും കാമുകനെയും കുടുക്കിയത് ഒരു അജ്ഞാത യുവതിയുടെ സന്ദേശമായിരുന്നു. സാം എബ്രഹാം കൊല്ലപ്പെട്ട് ഏതാനും ദിവസങ്ങള്ക്കുശേഷമാണ് ഓസ്ട്രേലിയന് പോലീസിന് അജ്ഞാത ഫോണ്സന്ദേശം ലഭിക്കുന്നത്. സോഫിയയുടെ ചെയ്തികള് നിരീക്ഷിച്ചാല് കൊലയ്ക്ക് ഉത്തരം കണ്ടെത്താമെന്നായിരുന്നു സന്ദേശം.
ഭര്ത്താവിനെ കൊലപ്പെടുത്തിയശേഷം സുഖംജീവിതം നയിക്കാമെന്ന സോഫിയയുടെയും കാമുകന് അരുണിന്റെയും മോഹം തകര്ത്തതും ഈ ഒരൊറ്റ ഫോണ്കോളാണ്. 2016കഴിഞ്ഞ ഒക്ടോബറിലാണ് മെല്ബണ് യുഎഇ എക്സ്ചേഞ്ച് ജീവനക്കാരനായിരുന്ന സാം (34) മരണപ്പെടുന്നത്. ഹൃദയാഘാതമെന്നായിരുന്നു ഭാര്യ സോഫിയ എല്ലാവരെയും വിശ്വസിപ്പിച്ചിരുന്നത്.
ഇപ്പോള് പുറത്തുവരുന്ന വിവരം അരുണിന് സോഫിയെ കൂടാതെ മറ്റൊരു കാമുകി കൂടി ഉണ്ടായിരുന്നുവെന്നാണ്. വിദേശ മലയാളിയാ ഈ യുവതിയെ വിവാഹം കഴിക്കാമെന്ന് അരുണ് വാഗ്ദാനം നല്കിയിരുന്നു. പിന്നീട് ചതിക്കപ്പെടുകയാണെന്ന് മനസിലാക്കിയ യുവതി സാമിന്റെ കൊലപാതകികളെപ്പറ്റി ഓസ്ട്രേലിയന് പോലീസിന് വിവരം നല്കിയെന്നാണ് സൂചന.
അന്വേഷണ സംഘം നേരത്തെ തന്നെ ഇവരുടെ മൊഴി എടുത്തതായും സൂചനകളുണ്ട്. ജയിലില് കഴിയുന്ന സോഫിയ ഇക്കാര്യം അറിഞ്ഞത് ചോദ്യം ചെയ്യലിനിടെ ആണ്. ഇതോടെ തകര്ന്നുപോയ സോഫിയ അരുണിനെതിരേ മൊഴി നല്കിയിട്ടുണ്ട്. മാര്ച്ചിലാണ് കേസ് കോടതി പരിഗണിക്കുന്നത്.
സോഫിയും അരുണും തമ്മിലുള്ള ഫോണ്സന്ദേശങ്ങള് പരിശോധിച്ചതോടെ പോലീസിന് കാര്യങ്ങള് എളുപ്പമായി. സാമിന്റെ പേരില് ബാങ്കിലുണ്ടായിരുന്ന പണം ഇതിനിടെ പിന്വലിക്കുകയും ചെയ്തിരുന്നു. സാം -സോഫി ബന്ധത്തിന്റെ ഇഴയടുപ്പം അറിയാന് ഓസ്ട്രേലിയന് പോലീസ് സാമിന്റെ ബന്ധുക്കളുമായി ബന്ധപ്പെടുകയും ചെയ്തു. കഴിഞ്ഞ അവധിക്കാലത്ത് സാം നാട്ടിലെത്തിയപ്പോള് സോഫിയുടെ വഴിവിട്ട പോക്കിനെക്കുറിച്ച് അടുത്ത ബന്ധുക്കള്ക്ക് സൂചന നല്കിയിരുന്നു. താന് കൊല്ലപ്പെട്ടേക്കാമെന്നു സാം പറഞ്ഞ കാര്യം ബന്ധുക്കള് പോലീസിന് ധരിപ്പിച്ചതോടെ കാര്യങ്ങള് പിന്നീട് എളുപ്പമായി.
click on malayalam character to switch languages