1 GBP = 102.41

ഓഗസ്റ്റിൽ ഇംഗ്ലണ്ടിൽ കോവിഡ് നിയന്ത്രണങ്ങൾ വീണ്ടും നടപ്പാക്കേണ്ടി വരുമെന്ന മുന്നറിയിപ്പുമായി സേജ് ശാസ്ത്രജ്ഞർ

ഓഗസ്റ്റിൽ ഇംഗ്ലണ്ടിൽ കോവിഡ് നിയന്ത്രണങ്ങൾ വീണ്ടും നടപ്പാക്കേണ്ടി വരുമെന്ന മുന്നറിയിപ്പുമായി സേജ് ശാസ്ത്രജ്ഞർ

ലണ്ടൻ: ആശുപത്രി പ്രവേശനം പ്രതീക്ഷിച്ച നിരക്കിനേക്കാൾ ഉയർന്നാൽ ഫെയ്സ് മാസ്കുകളും മറ്റ് കോവിഡ് നിയന്ത്രണങ്ങളും ഇംഗ്ലണ്ടിൽ മൂന്നാഴ്ചയ്ക്കുള്ളിൽ വീണ്ടും നടപ്പാക്കേണ്ടി വരുമെന്ന് സർക്കാരിനെ ഉപദേശിക്കുന്ന ശാസ്ത്രജ്ഞർ മുന്നറിയിപ്പ് നൽകി. എൻ‌എച്ച്‌എസിന് സമ്മർദ്ദം അമിതമാകാതിരിക്കാൻ ബോറിസ് ജോൺസൺ ഓഗസ്റ്റ് ആദ്യ വാരം നടപടിയെടുക്കാൻ തയ്യാറാകണമെന്ന് സയന്റിഫിക് അഡ്വൈസറി ഗ്രൂപ്പ് ഫോർ എമർജൻസി (സേജ്) അംഗങ്ങൾ റിപ്പോർട്ട് ചെയ്തു.

യുകെയിൽ ദിവസേന ആശുപത്രിയിൽ പ്രവേശിക്കുന്നത് അടുത്ത മാസം അവസാനം 1,000 മുതൽ 2,000 വരെ ആയിരിക്കുമെന്നും ദിവസേനയുള്ള മരണം 100 മുതൽ 200 വരെ എത്തുമെന്നും ശാസ്ത്രജ്ഞർ റിപ്പോർട്ട് ചെയ്യുന്നു. നിർബന്ധിത മാസ്കുകൾ പോലുള്ള ചില നടപടികൾ വീടുകളിൽ നിന്ന് ജോലി ചെയ്യുന്നത് തുടങ്ങിയവ ഓഗസ്റ്റ് തുടക്കത്തിൽ പുനഃസ്ഥാപിക്കണമെന്നും റിപ്പോർട്ടിലുണ്ട്.

സമീപകാല സർക്കാർ കണക്കുകൾ കാണിക്കുന്നത് ജൂലൈ മധ്യത്തിൽ, ജൂലൈ 19 ന് ഇംഗ്ലണ്ടിന്റെ കൊറോണ വൈറസ് നിയന്ത്രണങ്ങൾ നീക്കംചെയ്യുന്നതിന് മുമ്പായിയുകെ ഇതിനകം 745 പ്രതിദിന ആശുപത്രി പ്രവേശനങ്ങളിൽ എത്തിയിരുന്നു, ഇത് തുടരുകയാണ്. തിങ്കളാഴ്ച 4,567 രോഗികളാണ് കൊറോണ വൈറസ് ബാധിച്ചത് – 611 പേർ വെന്റിലേറ്ററുകളുള്ള കിടക്കകളിലാണ്. ജൂലൈ 8മുതൽ 14 വരെ ഈ കണക്ക് 38.4 ശതമാനം ഉയർന്നു.

ചൊവ്വാഴ്ച ബ്രിട്ടനിൽ ഇരുപത്തിനാലു മണിക്കൂറിനിടെ 46,558 പുതിയ കേസുകൾ റിപ്പോർട്ട് ചെയ്തിരുന്നു. 96 മരണങ്ങളും രേഖപ്പെടുത്തിയിട്ടുണ്ട്. നാലുമാസത്തിനിടെയിലെ ഏറ്റവും കൂടുതൽ മരണസംഖ്യയാണ് ഇന്നലെ റിപ്പോർട്ട് ചെയ്തത്. ഇംഗ്ലണ്ടിലെ ചീഫ് മെഡിക്കൽ ഓഫീസർ പ്രൊഫ. ക്രിസ് വിറ്റി കഴിഞ്ഞ ആഴ്ച പറഞ്ഞത് ആശുപത്രിയിൽ പ്രവേശിക്കുന്നത് ഏകദേശം മൂന്ന് ആഴ്ചയിലൊരിക്കൽ ഇരട്ടിയാണെന്നും ആഴ്ചകൾക്കുള്ളിൽ ഭയാനകമായ നിലയിലെത്താമെന്നും അതിനാൽ തന്നെ നിയന്ത്രണങ്ങൾ വീണ്ടും നടപ്പാക്കേണ്ടതുണ്ടെന്നും അദ്ദേഹം പറഞ്ഞു.

Latest News:

Post Your Comments Here ( Click here for malayalam )

Press Esc to close
show more