1 GBP = 102.45

രാമനാട്ടുകര വാഹനാപകടം; ചെർപ്പുളശ്ശേരിയിൽനിന്ന്​ സംഘമെത്തിയത്​ സ്വർണം തട്ടിയെടുക്കാൻ

രാമനാട്ടുകര വാഹനാപകടം; ചെർപ്പുളശ്ശേരിയിൽനിന്ന്​ സംഘമെത്തിയത്​ സ്വർണം തട്ടിയെടുക്കാൻ

കോഴിക്കോട്​: രാമനാട്ടുകര അപകടത്തിൽ പുതിയ വിവരങ്ങളുമായി പൊലീസ്​. ചെർപ്പുളശ്ശേരിയിൽനിന്നുള്ള സംഘമെത്തിയത്​ കള്ളക്കടത്ത്​ സ്വർണം തട്ടിയെടുക്കാനാണെന്ന്​ വിവരം ലഭിച്ചു.

കൊടുവള്ളി സംഘത്തിൽനിന്ന്​ സ്വർണം തട്ടിയെടുക്കാനായിരുന്നു പദ്ധതി. ഇരുസംഘങ്ങളും തമ്മിൽ ഏറ്റുമുട്ടൽ നടന്നതായും സൂചനയുണ്ട്​.

സ്വർണക്കടത്ത്​ സംഘത്തെ പിന്തുടരുന്നതിനിടയിലാണ്​ അപകടം​. ചെർപ്പുളശ്ശേരിയിലെ സംഘം മുമ്പും സ്വർണം കവർന്നതായി വിവരം ലഭിച്ചിട്ടുണ്ട്​. കസ്റ്റഡിയിലുള്ളവരെ കരിപ്പൂർ പൊലീസിന്​ കൈമാറും.

ബൊലേറോയും സിമന്‍റ്​​ കയറ്റിയ ചരക്ക്​ ലോറിയും കൂട്ടിയിടിച്ചാണ് തിങ്കളാഴ്ച​ പുലർച്ചെ 4.45ഓടെ രാമനാട്ടുകരക്കടുത്ത് പുളിഞ്ചോട് വെച്ച്​ അപകടമുണ്ടായത്​. പാലക്കാട് വല്ലപ്പുഴ തെങ്ങും വളപ്പിൽ ഷഹീർ, മുളയങ്കാവ് സ്വദേശി നാസർ, ചെർപ്പുളശ്ശേരി സ്വദേശി കൂടമംഗലം താഹിർ, നെല്ലായ ചെമ്മൻകുഴി അങ്ങാടിയിൽ സുബൈർ, നെല്ലായ സ്വദേശി അസൈനാർ എന്നിവരാണ് മരിച്ചത്.

പുളിഞ്ചോടു വളവിൽ അമിത വേഗത്തിലായിരുന്ന വാഹനം ​എതിർദിശയിൽ ലോറിയിലിടിക്കും മുമ്പ്​ മറിഞ്ഞിരുന്നതായി ഡ്രൈവർ മൊഴി നൽകിയിരുന്നു. മൂന്നു തവണ മലക്കംമറിഞ്ഞ ശേഷമാണ്​ ലോറിയിൽ ഇടിച്ചതെന്നാണ്​ മൊഴി.

Latest News:

Post Your Comments Here ( Click here for malayalam )

Press Esc to close
show more