1 GBP =
breaking news

രാജസ്ഥാനിൽ ബാലറ്റ് യൂണിറ്റ് റോഡിൽ; രണ്ട് ഉദ്യോഗസ്ഥര്‍ക്ക് സസ്പെന്‍ഷന്‍

രാജസ്ഥാനിൽ ബാലറ്റ് യൂണിറ്റ് റോഡിൽ; രണ്ട് ഉദ്യോഗസ്ഥര്‍ക്ക് സസ്പെന്‍ഷന്‍

തെരഞ്ഞെടുപ്പിന് പിന്നാലെ രാജസ്ഥാനില്‍ വോട്ടിങ് യന്ത്രം വഴിയില്‍ കണ്ടെത്തി. സംഭവത്തില്‍ അനാസ്ഥയാരോപിച്ച് രണ്ട് പോളിങ് ഉദ്യോഗസ്ഥരെ സസ്പെന്‍ഡ് ചെയ്തു. രാജസ്ഥാനില്‍ ബാരന്‍ ജില്ലയിലെ ഷഹബാദിലാണ് ഒരു ഇ.വി.എം യൂണിറ്റ് റോഡുവക്കില്‍ ഉപേക്ഷിച്ച നിലയില്‍ കണ്ടെത്തിയത്.

കിഷന്‍ ഗഞ്ച് നിയമസഭ മണ്ഡലത്തിലാണ് ഷഹബാദ്. ഇന്നലെ പോളിങ്ങിന് ശേഷം വോട്ടിങ് യന്ത്രങ്ങള്‍ സൂക്ഷിക്കുന്ന കേന്ദ്രത്തിലേക്ക് പോകുന്ന വഴിയിലാണ് യന്ത്രം കണ്ടെത്തിയത്. വാഹനത്തില്‍ നിന്ന് വീണതാകാമെന്ന് ഇലക്ഷന്‍ കമ്മിഷന്‍ വിശദീകരണം. കൃത്യവിലോപത്തിന് പോളിങ് ചുമതലയുണ്ടായിരുന്ന രണ്ട് ഉദ്യോഗസ്ഥരെ അന്വേഷണ വിധേയമായി സസ്പെന്‍ഡ് ചെയ്യുകയും ചെയ്തു. വോട്ടുയന്ത്രം പിന്നീട് കിഷന്‍ഗഞ്ചില്‍ സ്ട്രോങ് റൂമിലേക്ക് മാറ്റി.

Post Your Comments Here ( Click here for malayalam )

Press Esc to close
show more