1 GBP = 100.57

മുഖ്യമന്ത്രി പിണറായി വിജയന്‍ മംഗളൂരില്‍, തടയില്ലെന്ന് സംഘപരിവാര്‍; പ്രതിഷേധം അറിയിക്കാനാണ് ഹര്‍ത്താല്‍ പ്രഖ്യാപിച്ചതെന്ന് ബി ജെ പി നേതാവ്

മുഖ്യമന്ത്രി പിണറായി വിജയന്‍ മംഗളൂരില്‍, തടയില്ലെന്ന് സംഘപരിവാര്‍; പ്രതിഷേധം അറിയിക്കാനാണ് ഹര്‍ത്താല്‍ പ്രഖ്യാപിച്ചതെന്ന് ബി ജെ പി നേതാവ്

മംഗളൂരുവില്‍ കേരള മുഖ്യമന്ത്രി പിണറായി വിജയനെ തടയുമെന്ന് പ്രഖ്യാപിച്ച സംഘപരിവാര്‍ സംഘടനകള്‍ ആ പ്രഖ്യാപനത്തില്‍ നിന്ന് പിന്നോട്ട്. തങ്ങളുടെ പ്രതിഷേധം അറിയിക്കാനാണ് ഹര്‍ത്താല്‍ പ്രഖ്യാപിച്ചത്. എന്നാല്‍ മുഖ്യമന്ത്രിയെ ഒരു കാരണവശാലും തടയില്ലെന്നും ബിജെപി നേതാവ് നളിന്‍ കുമാര്‍ കട്ടീല്‍ അറിയിച്ചു.

ഈ ഒരു ആഹ്വാനത്തിലൂടെ പ്രവര്‍ത്തകരുടെ വികാരം പിണറായി മനസിലാക്കണം. കേരളത്തില്‍ സമാധാനം ഉണ്ടാകേണ്ടത് വളരെ അത്യാവശ്യമാണെന്നും അദ്ദേഹം വ്യക്തമാക്കി. പിണറായിയുടെ സന്ദര്‍ശനത്തില്‍ പ്രതിഷേധിച്ച് മംഗളൂരുവില്‍ സംഘപരിവാര്‍ സംഘടനകളും ബിജെപിയും ആഹ്വാനം ചെയ്ത ഹര്‍ത്താല്‍ പുരോഗമിക്കുകയാണ്.

അതേസമയം, മുഖ്യമന്ത്രിയെ തടയുമെന്ന് പ്രഖ്യാപിച്ച് സംഘപരിവാര്‍ സംഘടനകള്‍ ഹര്‍ത്താല്‍ ആഹ്വാനം ചെയ്ത മംഗളൂരുവില്‍ പൊലീസ് നിരോധനാജ്ഞ പ്രഖ്യാപിച്ചു. മുഖ്യമന്ത്രിയുടെ പരിപാടിയെ നിരോധനാജ്ഞയില്‍ നിന്നും ഒഴിവാക്കിയിട്ടുണ്ട്. പ്രകടനം നടത്താനോ സംഘം ചേരാനോ ഹര്‍ത്താല്‍ നടത്താനോ പാടില്ലെന്ന് പൊലീസ് വ്യക്തമാക്കി.

Latest News:

Post Your Comments Here ( Click here for malayalam )

Press Esc to close
show more