OICC UK , Surrey റീജിയൺ ഇഫ്താർ സംഗമം അനേകർക്ക് കരുതലിന്റെയും മത സൗഹാർദ്ദത്തിന്റെയും മാർഗ്ഗ ദീപമായി

ക്രോയിഡോൺ :. ഏപ്രിൽ 15 ന് സെന്റ് ജൂഡ്സ് ചർച്ച്‌ ഓഡിറ്റോറിയത്തിൽ OICC UK ,Surrey യുടെ നേതൃത്വത്തിൽ നടന്ന ഇഫ്താർ സംഗമത്തിൽ നോമ്പ് വിശ്വാസിയും ദൈവവും തമ്മിലുള്ള നേരിട്ടുള്ള ഇടപാടാണെന്നും ഭക്ഷണം ഉണ്ടായിട്ടും അത് ഉപേക്ഷിക്കുന്ന മനുഷ്യന്‍ വിശപ്പിന്റെ ഉള്‍വിളി ദൈവത്തിനായി സമര്‍പ്പിക്കുന്നുമെന്നും, റംസാന്‍ മാസത്തില്‍ വിശപ്പിന്റെ രുചി അറിയുന്ന വിശ്വാസി സമൂഹത്തില്‍ ദാരിദ്ര്യം കൊണ്ട് പട്ടിണി കിടക്കുന്നവരെയും അല്‍പ ഭക്ഷണം കഴിക്കുന്നവരെയും ഓര്‍ക്കണം എന്ന വലിയ സന്ദേശം നൽകിയ പ്രൗഡഗംഭീരമായ, ഹൃദയത്തിൽ നിന്നുയർന്ന സ്നേഹ വിരുന്നായിരുന്നു.

സംഘാടകർ പ്രതീക്ഷിച്ചതുപോലെ ഓഡിറ്റോറിയം നിറഞ്ഞു കവിഞ്ഞ ജനങ്ങൾക്ക്, സമുന്നതരായ വിവിധ മത നേതാക്കന്മാരുടെ സൗഹാർദ്ദ സന്ദേശങ്ങൾ, സ്നേഹത്തിന്റെയും, സഹകരണത്തിന്റെയും പുതിയ മാർഗ്ഗ രേഖ നൽകുന്ന ഒന്നായിമാറി.

മത, സാമൂഹിക, സാംസ്‌കാരിക നേതാക്കന്മാർ പങ്കെടുത്ത ഇഫ്താർ സംഗമത്തിൽ സമൂഹത്തിന് മാതൃകയാവുന്ന തലത്തിൽ സ്നേഹ സമ്പുഷ്ടമായിരുന്നു , സംഗമത്തിന്റെ മുഖ്യ പ്രഭാഷകന്മാരാഎത്തിയ ജനാബ് മുഹമ്മദ് മുനീബ് നൂറാനിയും, Fr . ടോമി അടാറ്റും, ശ്രീ വി മംഗളനും, ഇത്രയധികം ജനപങ്കാളിത്തമുള്ള പരുപാടി സംഘടിപ്പിച്ചതിൽ സംഘാടകരെ മുക്തകണ്ഠം പ്രശംസിച്ചു.

പ്രസ്തുത സമ്മേളനത്തിൽ OICC UK, Surrey പ്രസിഡന്റ് ശ്രീ വിൽസൺ ജോർജ് തന്റെ അധ്യക്ഷ്യ പ്രസംഗത്തിൽ വ്രതമനുഷ്ഠിക്കുകയെന്നാല്‍ ആത്മാര്‍ഥതയോടെ നമ്മുടെ പോരായ്മകളും പരാജയങ്ങളും വൈരുധ്യങ്ങളും നിരീക്ഷിക്കുക എന്നാണര്‍ഥം മെന്നും ഒളിച്ചുവയ്ക്കാനോ നുണപറയാനോ ഉള്ള ശ്രമമല്ലന്നും ഓർമ്മിപ്പിച്ചു , തുടന്ന് OICC UK , Surrey എക്സിക്യൂട്ടീവ് അംഗവും, 2023 ഇഫ്താർ സംഗമത്തിന്റെ ഇൻചാർജ്മായ ശ്രീ അഷ്‌റഫ് അബ്‌ദുല്ല എത്തിച്ചേർന്ന വിശിഷ്ട അഥിതികൾക്കും ഒത്തുകൂടിയ ജനങ്ങൾക്കും സ്വാഗതമരുളി, വിശ്വാസത്തിന്റെയും ആത്മീയതയുടെയും അവബോധത്തിന്റെയും ദാനത്തിന്റെയും ഐക്യത്തിന്റെയും നീതിയുടെയും മാന്യതയുടെയും ഏകത്വത്തിന്റെയും പാഠശാലയാണ് വ്രതാനുഷ്ഠാനമാസമെന്ന് ജനാബ് മുഹമ്മദ് മുനീബ് നൂറാനി തന്റെ പ്രഭാഷണത്തിൽ ഓർമ്മിപ്പിച്ചു .

ഓരോ മനുഷ്യനും ദൈവികത വ്രതത്തിലൂടെ തേടുകയാണെന്നും . നമുക്കപ്പുറത്തേക്ക് നോക്കാന്‍ ഓരോരുത്തരോടും, അതാവശ്യപ്പെടുന്നു എന്നും ബൈബിളിലെ നല്ല അയൽക്കാരന്റെ ഉപമ അവതരിപ്പിച്ചു Fr ടോമി അടാട്ട് പ്രസ്ഥാപിച്ചു. തുടന്ന് മുഖ്യ പ്രഭാഷകനായെത്തിയ ശ്രീ വി മംഗളൻ, നമ്മൾക്ക് ധ്യാനിക്കാനും ചിന്തിക്കാനും സ്‌നേഹത്തോടെ ആരോടും ഇടപെടാനും നമുക്ക് സമയമുണ്ടാവണ മെന്ന് ഉദ്ബോധിപ്പിച്ചു
സമ്മേളനത്തിൽ ആശംസകൾ അറിയിച്ച OICC UK നാഷണൽ പ്രസിഡന്റ് ശ്രീ K K മോഹൻദാസ്, ഒട്ടനവധി ജനസമ്പർക്ക പരിപാടികൾക്ക് നേതൃത്വം കൊടുക്കുന്ന OICC ക്ക് മത സൗഹാർദത്തിനായി ഒരുപാട് കാര്യങ്ങൾ മുന്നിൽ നിന്ന് ചെയ്യുവാൻ സാധിക്കും എന്നതിന് ഉത്തമ ഉദാഹരണമാണ് സമ്മേളത്തിൽ ഒത്തുകൂടിയ ഇത്രയും ആളുകൾ എന്ന് ചൂണ്ടിക്കാട്ടി. നമ്മൾ വിദേശ മലയാളികൾ, കരുതലിന്റെയും,സ്നേഹത്തിന്റെയും മാതൃകയാകേണ്ടത് ഇന്നത്തെ സാഹചര്യത്തിൽ അത്യാവശ്യമാണെന്നും അദ്ദേഹം കൂട്ടി ചേർത്തു.

തുടന്ന് OICC UK , Surrey റീജൺ വൈസ് പ്രസിഡന്റും , OICC , Surrey ഇഫ്താർ സംഗമം 2023 ന്റെ കൺവീനറും ആയ ശ്രീ അനൂപ് ശശി നമ്മുടെ ആഗ്രഹങ്ങളെയും ആവശ്യങ്ങളെയും ശ്രദ്ധയില്ലായ്മയെയും ജീവിതത്തെത്തന്നെയും വിമര്‍ശനാത്മകമായി വിലയിരുത്താനുള്ള മാസമാണിതെന്നും ധ്യാനിക്കാനും ചിന്തിക്കാനും സ്‌നേഹത്തോടെ ആരോടും ഇടപെടാനും നമുക്ക് സമയമുണ്ടാവണമെന്നും അതിനായി നാം ഓരോരുത്തരും മുന്നിട്ടിറങ്ങണം എന്നും ഇത്രയും ഭംഗിയായി ഇഫ്താർ സംഗമം നടത്താൻ സഹായിച്ച ഓരോ നല്ല മനസുകൾക്കും ഹൃദയത്തിന്റ ഭാഷയിൽ നന്ദിയർപ്പിച്ചു , തുടന്ന് നടന്ന തുടന്ന് നോമ്പ് മുറിക്കലും പ്രൗഡ ഗംഭീരമായ ഇഫ്‌താർ വിരുന്നും കരുതലും സ്നേഹവും , സഹവർത്തിത്വവും വിളിച്ചോതുന്നതായിരുന്നു .. ഇത്രയും ഗംഭീരമായ ഇഫ്താർ പാർട്ടിക്ക് നേതൃത്വം വഹിക്കാൻ കഴിഞ്ഞത് ഭാഗ്യമായി കരുതുന്നുവെന്ന് ഒഐസിസി യു.കെ. surrey ജനറൽ സെക്കട്ടറി ശ്രീ സാബു ജോർജ്ജ് അറിയിച്ചു.

OICC നാഷണൽ കമ്മറ്റി വൈസ് പ്രസിഡണ്ടുമാരായ ശ്രീ സുജു ഡാനിയേൽ , ശ്രീ അൽസാർ അലി ,നഷനൽ കമ്മറ്റി ജനറൽ സെകട്ടറിമാരായ ശ്രീ അപ്പാ ഗഫുർ , ഷാജി ആനന്ദൻ , OICCനാഷണൽ കമ്മറ്റി ട്രഷറർ ശ്രീ ജവഹർ ലാൽ,നാഷണൽ കമ്മറ്റി അംഗമായ ശ്രീ സാജു മണകുഴി, OICC എലിഫൻറ് ആൻഡ് കാസിൽ കമ്മിറ്റി പ്രസിഡന്റ്ശ്രീ യഹിയ അന്നശേരി, OICC UK , Surrey എക്സിക്യൂട്ടീവ് അംഗമായ ശ്രീ ജോർജ് ജോസഫ്‌ , , എന്നിവരും ഇഫ്താർ സംഗമത്തിന് നേതൃത്വം വഹിച്ചു.

ഇഫ്താർ സംഗമത്തിൽ തിങ്ങിക്കൂടിയ ജങ്ങൾക്ക് , നല്ല സന്ദേശങ്ങളുടെയും , ഭക്തി സാന്ദ്രമായ , രുചിയോടുള്ള നോമ്പ് തുറക്കലും ഒത്തുചേർന്ന .. ഒരിക്കലും മറക്കാനാവാത്ത അനുഭവമായി മാറി .