1 GBP = 103.95
Logo
breaking news

ഖാസിം സുലൈമാനിയുടെ വധത്തിൽ ഖേദിക്കേണ്ടതായൊന്നുമില്ലെന്നു പ്രധാനമന്ത്രി ബോറിസ് ജോൺസൺ

  • Jan 05, 2020
ഖാസിം സുലൈമാനിയുടെ വധത്തിൽ ഖേദിക്കേണ്ടതായൊന്നുമില്ലെന്നു പ്രധാനമന്ത്രി ബോറിസ് ജോൺസൺ

പ്രധാനമന്ത്രി ബോറിസ് ജോൺസൺ, ഖാസിം സുലൈമാനിയുടെ മരണത്തിൽ തങ്ങൾ വിലപിക്കുന്നില്ലെന്ന് പ്രസ്താവിച്ചു. ‘നമ്മുടെ എല്ലാ താൽപ്പര്യങ്ങൾക്കും ഭീഷണിയായിരുന്നു കൊല്ലപ്പെട്ട സുലൈമാനി’ എന്ന് അദ്ദേഹം വിശേഷിപ്പിക്കുകയും ചെയ്തു.

ഇറാഖിൽ യുഎസ് വ്യോമാക്രമണത്തിൽ ഇറാനിയൻ ജനറലിനെ കൊലപ്പെടുത്തിയതിനെത്തുടർന്ന് എല്ലാ ഭാഗക്കാരും സംയമനം പാലിക്കേണ്ട സമയമാണിതെന്നു അദ്ദേഹം ഓർമിപ്പിച്ചു. ഇറാഖ് എം‌പിമാർ വിദേശ സൈനികരോട് രാജ്യം വിട്ടുപോകാൻ ആഹ്വാനം ചെയ്യുന്നതിനിടെയാണ് ജോൺസന്റെ പ്രസ്താവന.

ഇസ്ലാമിക് സ്റ്റേറ്റ് ഗ്രൂപ്പിനെതിരായ പോരാട്ടം തുടരാൻ ബ്രിട്ടീഷ് സൈനികരെ അനുവദിക്കണമെന്ന് യുകെ ഇറാഖിനോട് ആവശ്യപ്പെട്ടു.

മിഡിൽ ഈസ്റ്റിൽ രാജ്യത്തിന്റെ സൈനിക നടപടികൾക്ക് നേതൃത്വം നൽകിയ കുഡ്സ് ഫോഴ്‌സിന്റെ തലവനായിരുന്ന ഇറാനിയൻ ജനറലിന്റെ മരണത്തെത്തുടർന്ന് ഫ്രാൻസ്, യുഎസ്, ജർമ്മനി തുടങ്ങിയ രാജ്യങ്ങളിലെ നേതാക്കളുമായി സംസാരിച്ചതായി ജോൺസൺ പറഞ്ഞു.

അമേരിക്കൻ പ്രസിഡന്റ് ഡൊണാൾഡ് ട്രംപ് ഉത്തരവിട്ട ജനറലിന്റെ കൊലപാതകത്തിന് പ്രതികാരം ചെയ്യുമെന്ന് ടെഹ്‌റാൻ പ്രതിജ്ഞയെടുത്തു.

സുലൈമാനിയുടെ മരണശേഷം അദ്ദേഹം നടത്തിയ ആദ്യ പരസ്യ പ്രസ്താവനയിൽ, 62 കാരനായ ഈ ഇറാനിയൻ ജനറൽ മധ്യ പൗരസ്ത്യദേശത്തെ വിനാശകരവും അസ്ഥിരപ്പെടുത്തുന്നതുമായ പെരുമാറ്റത്തിന് ഉത്തരവാദിയായിരുന്നെന്നു പ്രധാനമന്ത്രി പറഞ്ഞു.

‘ആയിരക്കണക്കിന് നിരപരാധികളായ സാധാരണക്കാരുടെയും പാശ്ചാത്യ ഉദ്യോഗസ്ഥരുടെയും മരണത്തിന് കാരണമായ പ്രവർത്തനങ്ങളിൽ അദ്ദേഹം വഹിച്ച പങ്ക് കണക്കിലെടുക്കുമ്പോൾ അദ്ദേഹത്തിന്റെ മരണത്തിൽ ഞങ്ങൾ വിലപിക്കില്ല’, ജോൺസൺ പറഞ്ഞു.

‘എന്നിരുന്നാലും പ്രതികാരത്തിനോ, തിരിച്ചടിക്കാനോ വേണ്ടിയുള്ള എല്ലാ ആഹ്വാനങ്ങളും ഈ മേഖലയിൽ കൂടുതൽ അക്രമങ്ങൾക്ക് കാരണമാകുമെന്നും അവ ആരുടേയും താൽപ്പര്യങ്ങൾക്ക് ഗുണകരമല്ലെന്നും വ്യക്തമാണ്’, ജോൺസൺ കൂട്ടിച്ചേർത്തു.

സംയമനം പ്രോത്സാഹിപ്പിക്കുന്നതിനായി യു.കെ എല്ലാ വിഭാഗക്കാരുമായി അടുത്ത ബന്ധം പുലർത്തുന്നുണ്ടെന്നും ചൊവ്വാഴ്ച സഭ പുനരാരംഭിക്കുമ്പോൾ പാർലമെന്റിനെ വിവരങ്ങൾ ധരിപ്പിക്കുമെന്നും ജോൺസൺ പറഞ്ഞു.

എന്നാൽ കൊലപാതകം ഇതിനകം തന്നെ മേഖലയിൽ സംഘർഷങ്ങൾ സൃഷ്ടിച്ചിട്ടുണ്ട്. 2015 ലെ ആണവ കരാറിലെ നിയന്ത്രണങ്ങൾ ഇനി പാലിക്കില്ലെന്ന് പ്രഖ്യാപിച്ചാണ് ഇറാൻ ആക്രമണത്തോട് പ്രതികരിച്ചത്.

ഡ്രോൺ ആക്രമണത്തെക്കുറിച്ച് ഇറാഖ് എംപിമാരും പ്രതികരിക്കുകയുണ്ടായി. വിദേശ സൈനിക സാന്നിധ്യം അവസാനിപ്പിക്കണമെന്ന് ആവശ്യപ്പെട്ട് കെയർ ടേക്കർ പ്രധാനമന്ത്രി അഡെൽ അബ്ദുൾ മഹ്ദിയുടെ പിന്തുണയോടെ അവർ ഇറാഖ് പാർലമെൻറിൽ പ്രമേയം പാസാക്കി. എന്നാൽ സുന്നി, കുർദ് വിഭാഗങ്ങളെ പ്രതിനിധീകരിക്കുന്ന എം.പിമാർ വോട്ടെടുപ്പിൽനിന്നും വിട്ടുനിന്നു.

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 3,635
More Videos
കനത്ത കാറ്റിൽ ആടിയുലഞ്ഞ് ബോയിങ് 777ന്‍റെ ലാൻഡിങ്; ഞെട്ടിക്കുന്ന ദൃശ്യങ്ങൾVIDEO
More Gallery
ഇ​ന്ത്യ​യു​മാ​യി വീ​ണ്ടും ച​ർ​ച്ച​ക്ക്​ ത​യാ​ർ –ചൈ​ന

Latest Updates

show more

uukma special

show more