1 GBP = 104.21
breaking news

പെരുമ്പാവൂരിൽ കൊല്ലപ്പെട്ട നിമിഷയുടെ മൃതദേഹം ഇന്ന് സംസ്കരിക്കും

പെരുമ്പാവൂരിൽ കൊല്ലപ്പെട്ട നിമിഷയുടെ മൃതദേഹം ഇന്ന് സംസ്കരിക്കും

എറണാകുളം പെരുമ്പാവൂരിൽ കൊല്ലപ്പെട്ട വിദ്യാർഥിനി നിമിഷയുടെ മൃതദേഹം ഇന്ന് സംസ്കരിക്കും. പശ്ചിമ ബംഗാളിലെ മുർഷിദാബാദ് സ്വദേശിയായ ബിച്ചു മുള്ളയാണ് മോഷണ ശ്രമത്തിനിടെ നിമിഷയെ കൊലപ്പെടുത്തിയത്. പ്രതിയെ മജിസ്ട്രേറ്റിന് മുന്നില്‍ ഹാജരാക്കി 14 ദിവസത്തേക്ക് റിമാന്‍ഡ് ചെയ്തു.

പെരുമ്പാവൂർ സൗത്ത് വാഴക്കുളം അമ്പുനാട് സ്വദേശിനിയും മാറമ്പള്ളി എംഇഎസ് കോളേജ് വിദ്യാർത്ഥിനിയുമായ നിമിഷയെയാണ് മോഷണ ശ്രമത്തിനിടെ പ്രതി കഴുത്തറത്ത് കൊലപ്പെടുത്തിയത്. നിമിഷയുടെ മൃതദേഹം ഇന്നലെ രാത്രിയോടെ കളമശേരി മെഡിക്കൽ കോളജിൽ പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുകൊടുത്തു. ഇന്ന് ഉച്ചയോടെ സംസ്കരിക്കും.

നിമിഷയുടെ വീടിന് സമീപം താമസിച്ചിരുന്ന ഇതര സംസ്ഥാന തൊഴിലാളിയായ ബിച്ചു മുള്ള വീട്ടിൽ കയറി മോഷണം നടത്താൻ ശ്രമിച്ചു. ഇത് തടയാൻ ശ്രമിച്ചപ്പോൾ വീട്ടിലെ കത്തിയെടുത്ത് കഴുത്തറുക്കുകയായിരുന്നുവെന്നാണ് പോലീസിന്റെ കണ്ടെത്തൽ. ഇതിനിടെ പ്രതിയെ വൈദ്യപരിശോധനക്കായി ഇന്നലെ ആശുപത്രിയിലേക്ക് മാറ്റിയിരുന്നു. മജിസ്ട്രേറ്റ് കോടതിയിൽ ഹാജരാക്കി പ്രതിയെ റിമാന്റ് ചെയ്തേക്കും.

Latest News:

Post Your Comments Here ( Click here for malayalam )

Press Esc to close
show more