1 GBP = 93.99
breaking news

നോർത്തേൺ അയർലണ്ടിലെ മുഴുവൻ കേന്ദ്രങ്ങളിലെയും എം ഓ ടി ടെസ്റ്റുകൾ അടിയന്തിരമായി നിറുത്തി വയ്ക്കാൻ ഉത്തരവ്

നോർത്തേൺ അയർലണ്ടിലെ മുഴുവൻ കേന്ദ്രങ്ങളിലെയും എം ഓ ടി ടെസ്റ്റുകൾ അടിയന്തിരമായി നിറുത്തി വയ്ക്കാൻ ഉത്തരവ്

വടക്കൻ അയർലണ്ടിലെ കാറുകൾക്കും ലൈറ്റ് വാഹനങ്ങൾക്കുമായുള്ള എല്ലാ എം ഓ ടി പരിശോധനകളും അടിയന്തിരമായി നിറുത്തി വയ്ക്കാൻ ഡ്രൈവർ ആൻഡ് വെഹിക്കിൾ ഏജൻസിയുടെ ഉത്തരവ്.

ടെസ്റ്റ് സെന്ററുകളിലെ ലിഫ്റ്റ് തകരാറുകൾ പരിഹരിച്ച് മതിയായ സുരക്ഷാ ഉറപ്പ് എം ഓ ടി കേന്ദ്രങ്ങൾ നൽകിയിട്ടില്ലെന്ന് ഡ്രൈവർ ആൻഡ് വെഹിക്കിൾ ഏജൻസി (ഡിവി‌എ) അറിയിച്ചു.
എൻ‌ഐയുടെ എം‌ഒ‌ടി കേന്ദ്രങ്ങളിലെ എല്ലാ വാഹന ലിഫ്റ്റുകളും പരിശോധിച്ചതിൽ‌ 55 ലിഫ്റ്റുകളിൽ‌ 48 ലും “വിള്ളലിന്റെ ലക്ഷണങ്ങൾ‌” കണ്ടെത്തിയിരുന്നു. എന്നാൽ ഇത് പരിഹരിക്കുന്നതിനുള്ള നടപടികൾ ആരും എടുത്തിട്ടില്ലെന്ന് ഡി വി എ അറിയിച്ചു.

അതേസമയം എം ഓ ടി എക്സ്റ്റൻഷൻ സർട്ടിഫിക്കറ്റുകൾ നൽകുന്നതിനാൽ ഡ്രൈവർമാർക്ക് വാഹനമോടിക്കാൻ കഴിയും. എന്നാലിത് എത്ര നാൾ ഉണ്ടാകുമെന്ന് വ്യക്തമാക്കിയിട്ടില്ല. എന്നാൽ നാല് വർഷമായ വാഹനങ്ങൾക്ക് എം ഓ ടി എക്സ്റ്റൻഷൻ ലഭിക്കില്ല. കാരണം നിലവിൽ എം ഓ ടി ഉള്ളവർക്ക് മാത്രമേ എക്സ്റ്റൻഷൻ ലഭിക്കുകയുള്ളൂ.

ചൊവ്വാഴ്ച കാർ അല്ലെങ്കിൽ ലൈറ്റ് വെഹിക്കിൾ MoT ഷെഡ്യൂൾ ചെയ്തിട്ടുള്ള ആരും പങ്കെടുക്കരുതെന്ന് ഡിവിഎ അറിയിച്ചു. ഏകദേശം അയ്യായിരത്തോളം ബുക്കിങ്ങുകളാണ് റദ്ദാക്കിയിട്ടുള്ളത്. ഹെവി ഗുഡ്സ് വാഹനങ്ങൾക്കും ബസുകൾക്കും വേണ്ടിയുള്ള പരിശോധനകൾ തുടരുമെന്നും ഡി വി എ വ്യക്തമാക്കി.

Latest News:

Post Your Comments Here ( Click here for malayalam )

Press Esc to close
show more