1 GBP = 103.12

റൊണാൾഡോയേയും മെസിയേയും പിന്നിലാക്കി മോഡ്രിച്ച് യൂറോപ്പിലെ മികച്ച താരം

റൊണാൾഡോയേയും മെസിയേയും പിന്നിലാക്കി മോഡ്രിച്ച് യൂറോപ്പിലെ മികച്ച താരം

മൊണാക്കോ: യൂറോപ്യൻ ലീഗുകളിലെ മികച്ച ഫുട്ബോൾ താരത്തിനുള്ള 2017-18 വർഷത്തിലെ യുവേഫ പുരസ്‌കാരം റയൽ മഡ്രിഡിന്റെ ക്രൊയേഷ്യൻ താരം ലൂക്കാ മോഡ്രിച്ചിന്. സ്‌പാനിഷ് ക്ലബ് റയൽ മാഡ്രിഡിൽ നിന്നും ഇറ്റാലിയൻ ക്ലബായ യുവന്റസിലേക്ക് ചേക്കേറിയ ക്രിസ്റ്റ്യാനോ റൊണാൾഡ‌ോ, ലിവർപൂളിന്റെ ഈജിപ്ഷ്യൻ താരം മുഹമ്മദ് സലാ, ബാഴ്സയുടെ സൂപ്പർ താരം ലയണൽ മെസി എന്നിവരെ പിന്നിലാക്കിയാണ് മോഡ്രിച്ച് ഒന്നാം സ്ഥാനത്ത് എത്തിയത്.
പട്ടികയിൽ റൊണാൾഡോ രണ്ടാമതും സലാ മൂന്നാമതുമാണ്. അന്റോയിൻ ഗ്രീസ്‌മൻ, ലയണൽ മെസി, കിലിയൻ എംബപ്പെ, കെവിൻ ഡിബ്രൂയിൻ, റാഫേൽ വരാൻ, ഏ‍ഡൻ ഹസാർഡ്, സെർജിയോ റാമോസ് എന്നിവരാണ് യഥാക്രമം രണ്ട് മുതൽ 10 വരെയുള്ള സ്ഥാനങ്ങളിലുള്ളത്.

അതേസമയം, മികച്ച സ്ട്രെെക്കറായി റൊണാൾഡോയെ തിരഞ്ഞെടുത്തു. മോഡ്രിച്ച് തന്നെയാണ് മികച്ച മദ്ധ്യനിരതാരം. റയൽ മഡ്രിഡ് ക്യാപ്റ്റൻ സെർജിയോ റാമോസ് മികച്ച പ്രതിരോധനിര താരമായും റയലിന്റെ തന്നെ കോസ്‌റ്റാറിക്കൻ താരം കെയ്‌ലർ നവാസ് മികച്ച ഗോൾകീപ്പറായും തിരഞ്ഞെടുക്കപ്പെട്ടു.

Latest News:

Post Your Comments Here ( Click here for malayalam )

Press Esc to close
show more