മുരളി മുകുന്ദൻ
നമ്മുടെ നാടിന്റെ ചരിത്രത്തിലെ ഏറ്റവും വലിയ
വെള്ളപ്പൊക്കവും മഹാപേമാരിയുമാണ് കേരളത്തിൽ
അങ്ങോളമിങ്ങോളം ഇപ്പോൾ സംഭവിച്ചുകൊണ്ടിരിക്കുന്നത് .
സമാനതകൾ ഇല്ലാത്ത ഈ പ്രളയ ദുരന്തത്തിലൂടെ, ദുരിതത്തിലൂടെയാണ് കേരളം ഇപ്പോൾ കടന്നു പോയികൊണ്ടിരിക്കുന്നത് .
കേരളത്തിനകത്തും , പുറത്തുമുള്ള ഓരോ മലയാളിയേയും ഈ മഹാദുരന്തം നേരിട്ടോ അല്ലാതെയോ ബാധിച്ചിട്ടുണ്ട്. കോടിക്കണക്കിന് രൂപയുടെ നാശ നഷ്ട്ടങ്ങളും വിപത്തുമാണ് നമ്മുടെ പ്രിയ നാടും , നാട്ടുകാരും ഇപ്പോൾ അനുഭവിച്ചുകൊണ്ടിരിക്കുന്നത് .
ഈ പ്രളയക്കെടുതി തീർന്നാലും ഇപ്പോൾ ഏതാണ്ടെല്ലാം നഷ്ട്ടപ്പെട്ട
ദുരിതാശ്വാസ ക്യാമ്പിലും , വീട് വിട്ടിറങ്ങി മറ്റിടങ്ങളിലും താമസിക്കുന്നവരുടെ ദുരിതങ്ങൾ പെട്ടെന്നൊന്നും തീർന്നു കിട്ടുന്നതല്ല …അതുകൊണ്ട് ഇപ്പോള് കേരളത്തിനും , ദുരന്ത ബാധിതർക്കും വേണ്ടത് പ്രവാസികളായ നമ്മുടെ കനിവോ, സഹതാപമോ ഒന്നും അല്ല – അവർക്കും നാടിനും വേണ്ടത് നഷ്ട്ടപ്പെട്ടെതെല്ല്ലാം വീണ്ടും കെട്ടിപ്പടുത്തുയർത്തുവാനുള്ള
സാമ്പത്തിക സഹായങ്ങളാണ് …അതിനാൽ മനസ്സിൽ നന്മയുള്ളവർക്കെല്ലാം ,നമ്മുടെയെല്ലാം ഒരു ദിവസത്തെ വേതനമോ ,
ഇഷ്ട്ടപ്പെട്ട തുകയോ നമുക്ക് കേരളത്തിലെ വെള്ളപ്പൊക്ക ദുരിതാശ്വാസ നിധിയിലേക്ക് ,
നമ്മുടെ സഹോദരങ്ങള്ക്ക് വേണ്ടി , പ്രിയ നാടിനു വേണ്ടി നീക്കിവെക്കാം . സഹ ജീവികളോട് ദുരിതത്തിലല്ലാതെ എന്നാണ് നമ്മള് എെക്യപ്പെടുക…?
പല യു.കെ മലയാളികളും വ്യക്തിപരമായും ,സംഘടനാപരമായും ധാരാളം ഡൊണേഷനുകൾ ഇത്തരം ‘റിലീഫ് ഫണ്ടി’ലേക്ക് കൊടുക്കേണ്ടത് , ഈ ദുരന്തത്തിൽ പെട്ടവരെയെല്ലാം വീണ്ടും മെച്ചപ്പെട്ട ജീവിതത്തിലേക്ക് തിരിച്ചു കൊണ്ടുവരുവാൻ വേണ്ടിയാണ് …ഇതെല്ലാം നമ്മൾ ഓരൊ മലയാളികളുടെയും കടമയും , ചുമതലയും , ഉത്തരവാദിത്വവും ആണ് … !
അടുത്ത മാസം ലണ്ടനിൽ നടത്തുന്ന ഓണപ്പരിപാടികളിൽ നിന്നും കിട്ടുന്ന പരസ്യ വരുമാനവും ,ലാഭവുമൊക്കെ ‘കേരള ഫ്ളഡ് റിലീഫ് ഫണ്ടി ‘ലേക്ക് മാറ്റി വെച്ചും , ആയതിന് മുന്നോടിയായി
‘മലയാളി അസോസ്സിയേഷൻ ഓഫ് ദി യു.കെ’, കേരളത്തിലെ വെള്ളപ്പൊക്ക ദുരിതാശ്വാസ നിധിയിലേക്ക് ഒരു ഫണ്ട് സമാഹരണം നടത്തി – ഒരു വലിയ തുക ‘കേരള ഫ്ളഡ് റിലീഫ് ഫണ്ടി’ലേക്ക്
കൈമാറുവാൻ തീരുമാനിച്ചിരിക്കുകയാണ് . ഇന്നലെയും , ഇന്നുമായി ഇതുവരെ £6 ,000 പൗണ്ടോളം സമാഹരിച്ചു കഴിഞ്ഞു .
ഇനിയും തുടർന്നുള്ള ദിവസങ്ങളിൽ ഏവരുടെയും സഹായ സഹകരണങ്ങൾ പ്രതീക്ഷിക്കുന്നു .
പണം കൊടുക്കുവാനും ,മറ്റും കൂടുതൽ വിവരങ്ങൾക്ക് താഴെയുള്ള ലിങ്ക് സന്ദർശിക്കുക .
click on malayalam character to switch languages