1 GBP =
breaking news

മുൻ യു.എൻ സെക്രട്ടറി ജനറൽ കോഫി അന്നൻ അന്തരിച്ചു

മുൻ യു.എൻ സെക്രട്ടറി ജനറൽ കോഫി അന്നൻ അന്തരിച്ചു

ന്യൂയോർക്ക്​: ​െഎക്യരാഷ്​ട്ര സഭ മുൻ സെക്രട്ടറി ജനറലും നോബെൽ സമ്മാന ​ജേതാവുമായ കോഫി അന്നൻ (80) അന്തരിച്ചു. വാർധക്യസഹജമായ അസുഖങ്ങളെ തുടർന്നായിരുന്നു അന്ത്യം.

1997 മുതൽ 2006 വരെയുള്ള കാലയളവിൽ കോഫി അന്നൻ ​െഎക്യരാഷ്​ട്രസഭയുടെ സെക്രട്ടറി ജനറലായിരുന്നു. 2001ലാണ്​ അദ്ദേഹത്തിന്​നോബെൽ സമ്മാനം ലഭിച്ചത്​. 1938ൽ ഘാനയിലാണ്​ കോഫി അന്ന​​െൻറ ജനനം​. ​1962ൽ ലോകാരോഗ്യസംഘടനയുടെ ജനീവയിൽ ഒാഫീസിൽ പ്രവർത്തിച്ചാണ്​ കോഫി അന്നൻ യു.എന്നുമായുള്ള ബന്ധം ആരംഭിക്കുന്നത്​.

1992 മുതൽ 1996 വരെ ​െഎക്യരാഷ്​ട്ര സഭയിലെ അണ്ടർ സെക്രട്ടറിയായും കോഫി അന്നൻ പ്രവർത്തിച്ചു.1996 ഡിസംബറിലാണ്​ കോഫി അന്നനെ ​സെക്രട്ടറി ജനറലായി നിയമിച്ചത്​. ​െഎക്യരാഷ്​ട്ര സഭയുടെ സെക്രട്ടറി ജനറൽ സ്ഥാനത്തെത്തുന്ന ആദ്യ കറുത്ത വർഗക്കാരനാണ്​ കോഫി അന്നൻ.

​െഎക്യരാഷ്​ട്ര സഭയുടെ സെക്രട്ടറി ജനറൽ പദമൊഴിഞ്ഞതിന്​ ശേഷം കോഫി അന്നൻ സംഘടനയുടെ സിറിയയിലെ പ്രതിനിധിയായി പ്രവർത്തിച്ചിരുന്നു.  സിറിയൻ പ്രശ്​നം പരിഹരിക്കുന്നതിന്​ അദ്ദേഹം തീവ്രശ്രമം നടത്തി. വിവാഹിതനായ അദ്ദേഹത്തിന്​ മൂന്ന്​ കുട്ടികളുണ്ട്​.

Post Your Comments Here ( Click here for malayalam )

Press Esc to close
show more