- ഗുജറാത്തിൽ ഉപയോഗിച്ച ഇവിഎമ്മുകൾ ഉപയോഗിക്കരുത്; കർണാടകയിൽ പ്രതിഷേധവുമായി കോൺഗ്രസ്.
- അരികൊമ്പൻ: ശാശ്വത പരിഹാരത്തിന് വിദഗ്ധസമിതിയെ നിയമിക്കുമെന്ന് ഹൈക്കോടതി
- ആദ്യമായി കണ്ടത് നെല്ല് എന്ന ചിത്രത്തിനിടെ’; ഇന്നസെന്റുമായുള്ള സൗഹൃദത്തിനെ കുറിച്ച് മമ്മൂട്ടി.
- 3 വർഷത്തെ ഇടവേളയ്ക്ക് ശേഷം സെക്രട്ടേറിയറ്റിലെ സമരഗേറ്റ് വീണ്ടും തുറന്നു; പൊതുജനങ്ങൾക്ക് ഇതുവഴി പ്രവേശനമില്ല.
- മുഹമ്മദ് ഫൈസൽ എംപിയുടെ അയോഗ്യത പിൻവലിച്ചു.
- വയനാട്ടിൽ ഉപതെരഞ്ഞെടുപ്പ് പ്രഖ്യാപിച്ചില്ല
- സ്കൂളുകളിലെ ഒന്നാം ക്ലാസ് പ്രവേശന പ്രായം ആറ് വയസാക്കില്ല; അഞ്ച് വയസ് തന്നെയെന്ന് മന്ത്രി വി ശിവൻകുട്ടി.
ക്‌നാനായ സാഗരത്തില്‍ അലയടിച്ചു മാഞ്ചസ്റ്റര്‍; വിഥിന്‍ഷോയിലേക്ക് ക്‌നാനായക്കാരുടെ പ്രവാഹം
മാഞ്ചസ്റ്റര്‍ പ്രഥമ ക്‌നാനായ തിരുനാളില്‍ സംബന്ധിക്കുവാന്‍ യുകെയിലെ ക്‌നാനായക്കാര്‍ മാഞ്ചസ്റ്ററിലെ വിഥിന്‍ഷോയിലേക്ക് ഒഴുകിയെത്തുന്നു. യൂറോപ്പിലെ ഇദംപ്രഥമമായ ക്‌നാനായ ചാപ്ലിയന്‍സിയിലെ പ്രഥമ തിരുന്നാള്‍ കെങ്കേമമാക്കുവാന്‍ ഉറച്ചാണ് ഓരോ ക്‌നാനായക്കാരനും. സമുദായ സ്‌നേഹം ജ്വലിക്കുന്ന ഓരോ ക്‌നാനായക്കാരന്റെയും ആത്മാഭിമാനത്തിന്റെ നിമിഷങ്ങളാണ് വിഥിന്‍ഷോയിലെ സെന്റ് ആന്റണീസ് ചര്‍ച്ചില്‍ നടന്നു കൊണ്ടിരിക്കുന്നത്.
വര്‍ണ്ണമനോഹരമായ, പുഷ്പാലംകൃതമായ ദേവാലയത്തില്‍ കോട്ടയം അതിരൂപതാധ്യക്ഷന്‍ മാര്‍ മാത്യു മൂലക്കാത്തിന്റെ കാര്‍മികത്വത്തിലാണ് തിരുക്കര്‍മ്മങ്ങള്‍ നടക്കുന്നത്. ക്‌നാനായ സമുദായത്തിന്റെ ആചാര്യനും സമുദായ ശ്രേഷ്ഠനുമായ മാര്‍ മാത്യു മൂലക്കാട്ടിനു ആവേശവോജ്ജ്വലമായ സ്വീകരണമാണ് ഫാ. സജി മലയില്‍ പുത്തന്‍പുര, യു.കെ.കെ.സി.എ പ്രഥമ പ്രസിഡന്റ് റെജി മഠത്തിലേട്ട്, ഉതുപ്പ് കുന്നുകാലായില്‍, ജെയ് മോന്‍ എന്നിവരുടെ നേതൃത്വത്തില്‍ ഒരുക്കിയത്.
ദിവ്യബലിക്ക് ശേഷം ആഘോഷമായ തിരുന്നാള്‍ പ്രദക്ഷിണം മാഞ്ചസ്റ്റര്‍ നഗരവീഥിയെ പുളകിതമാക്കും. ഐറിഷ് ബാന്‍ഡും ചെണ്ടമേളവും പ്രദക്ഷിണത്തെ മനോഹരമാക്കുമ്പോള്‍ തിരുസ്വരൂപങ്ങളും പൊന്‍-വെള്ളി-മര കുരിശുകളും പ്രദക്ഷിണത്തെ ഭക്തിസാന്ദ്രമാക്കും. തുടര്‍ന്ന് പരിശുദ്ധ കുര്‍ബാനയുടെ ആശിര്‍വാദവും പരിശുദ്ധ കന്യകാമറിയത്തിന്റെ കിരീടനേര്‍ച്ചയും നടത്തപ്പെടും.
സ്നേഹവിരുന്നും പ്രൗഢഗംഭീരമായ പൊതുസമ്മേളനവും ലൊറെറ്റോ ഹൈസ്‌കൂളില്‍ നടത്തപ്പെടും. പലവിധത്തിലുള്ള വിസ്മയങ്ങളാണ് ഇടവകയൊരുക്കുന്ന കലാസന്ധ്യയോടനുബന്ധിച്ചുള്ള മെഗാഷോയില്‍ ഒരുക്കിയിരിക്കുന്നത്.
കോട്ടയം അതിരൂപതാധ്യക്ഷന്‍ മാര്‍ മാത്യു മൂലക്കാട്ട്, ഗ്രേറ്റ് ബ്രിട്ടന്‍ ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ പ്രഥമ അധ്യക്ഷന്‍ മാര്‍ ജോസഫ് സ്രാമ്പിക്കല്‍, ഷ്രൂസ്ബറി രൂപതാധ്യക്ഷന്‍ മാര്‍. മാര്‍ക്ക് ഡേവീസ് എന്നിവരുടെ മഹനീയ സാനിധ്യത്തില്‍ സംപൂജ്യമാകുന്ന തിരുനാളിലേക്കും പരിശുദ്ധ അമ്മയുടെ മധ്യസ്ഥതയാല്‍ അനുഗ്രഹം പ്രാപിക്കുന്നതിനും ഏവരെയും സ്വാഗതം ചെയ്യുന്നതായി ചാപ്ലയിന്‍ ഫാ. സജി മലയില്‍ പുത്തന്‍പുര അറിയിച്ചു.
വേദി:
40 CULMERC ROAD
M221WA
കാര്യപരിപാടി:
LORETTO HIGH SCHOOL
ARROWFIELD RD
M217UP
click on malayalam character to switch languages