ദേശീയ സീനിയർ സ്കൂൾ അത്ലറ്റിക്സ്: േകരളത്തിന് തുടർച്ചയായ ഇരുപതാം കിരീടം

Dec 22, 2017

റോഹ്തക് (ഹരിയാന): കിരീടപ്പോരിൽ ഹരിയാനയെ പിടിച്ചുകെട്ടിയ കേരളത്തിന് ഇനി കിരീടവുമായി മടങ്ങാം. തുടര്‍ച്ചയായി 20ാം തവണയാണ് കേരളം ദേശീയ ചാമ്പ്യന്മാരാവുന്നത്. അവസാന ദിനമായ ഇന്ന് രണ്ട് പേർ കൂടി സ്വർണം നേടിയതോടെ കേരളം കിരീടം അരക്കിട്ടുറപ്പിച്ചു.

അഞ്ചാം ദിനം തുടക്കത്തിൽ തന്നെ കേരളത്തിന് എട്ടാം സ്വർണം ലഭിച്ചു. 1,500 മീറ്ററിൽ ആൺകുട്ടികളിൽ ആദർശ് ഗോപിയാണ് സ്വർണം നേടിയത്. ഇതേ വിഭാഗത്തിൽ പെൺകുട്ടികളിൽ അനുമോൾ തമ്പിയും സ്വർണം നേടി. ഇരുവരും കോതമംഗലം മാര്‍ ബേസിലിെൻറ താരങ്ങളാണ്. ഇതേ ഇനത്തിൽ പെൺകുട്ടികളിൽ കെ.ആർ ആതിര വെള്ളിയും നേടി. അതേ സമയം 200 മീറ്ററിൽ കേരളത്തിെൻറഅശ്വിൻ ബി ശങ്കർ രണ്ടാമതെത്തി.

മൂന്നാംദിനത്തിലെ മല്‍സരങ്ങള്‍ അവസാനിച്ചപ്പോൾ ഹരിയാനക്ക് പിറകിൽ രണ്ടാമതായിരുന്ന കേരളം നാലാം ദിനം കാഴ്ചവെച്ച ഉജ്ജ്വല പ്രകടനത്തിലൂടെയാണ് പോയിൻറ് പട്ടികയിൽ മുകളിലെത്തിയത്. അഞ്ചാം ദിനം രണ്ട് സ്വർണവും കൂടി ചേർത്ത് നിലവിലെ ചാംപ്യൻമാർ മീറ്റിലെ പോയിൻറ് നേട്ടം 80 ആക്കി. ഇന്നലെ 53 പോയൻറുമായി ആതിഥേയരായ ഹരിയാന തൊട്ടുപിന്നിലുണ്ടായിരുന്നു. 30 പോയൻറുമായി തമിഴ്നാടായിരുന്നു മൂന്നാമത്. മീറ്റിെൻറ അവസാനദിനമായ ഇന്ന് ഒമ്പത് ഫൈനലുകളാണ് നടക്കുന്നത്.

നാലാം ദിനം മൂന്നു സ്വര്‍ണവും മൂന്ന് വെള്ളിയും രണ്ടു വെങ്കലവുമായിരുന്നു കേരളം നേടിയത്. ഇതേ തുടർന്നായിരുന്നു 64 പോയിേൻറാടെ ഹരിയാനയെ പിന്തള്ളി കേരളം ഒന്നാംസ്ഥാനത്തേക്ക് കുതിച്ചത്. കയറുകയായിരുന്നു.