1 GBP = 103.35
breaking news

‘രാഹുല്‍ ക്ഷണിച്ചു’; ഭാരത് ജോഡോ യാത്രയില്‍ താനും പങ്കെടുക്കുമെന്ന് കമല്‍ ഹാസന്‍

‘രാഹുല്‍ ക്ഷണിച്ചു’; ഭാരത് ജോഡോ യാത്രയില്‍ താനും പങ്കെടുക്കുമെന്ന് കമല്‍ ഹാസന്‍

ഭാരത് ജോഡോ യാത്രയില്‍ രാഹുല്‍ ഗാന്ധിക്കൊപ്പം പങ്കെടുക്കുമെന്ന് മക്കള്‍ നീതി മയ്യം നേതാവും നടനുമായ കമല്‍ ഹാസന്‍. ഡിസംബര്‍ 24ന് ജോഡോ യാത്ര ഡല്‍ഹിയില്‍ എത്തിച്ചേരുമ്പോള്‍ കമല്‍ഹാസനും ഒപ്പം ചേരും. രാഹുല്‍ ഗാന്ധി ക്ഷണിച്ചതനുസരിച്ചാണ് കമല്‍ ഹാസന്‍ ജോഡോ യാത്രയുടെ ഭാഗമാകുന്നതെന്ന് മക്കള്‍ നീതി മയ്യം അറിയിച്ചു.

കമല്‍ ഹാസന്റെ നേതൃത്വത്തില്‍ പാര്‍ട്ടി പ്രവര്‍ത്തകരും ജോഡോ യാത്രയില്‍ പങ്കെടുക്കുമെന്ന് മക്കള്‍ നീതി മയ്യം വക്താവ് മുരളി അപ്പാസ് പറഞ്ഞു. ഞായറാഴ്ച കമല്‍ഹാസന്റെ അധ്യക്ഷതയില്‍ പാര്‍ട്ടിയുടെ ഭരണ-നിര്‍വാഹക സമിതിയുടെയും ജില്ലാ സെക്രട്ടറിമാരുടെയും യോഗത്തിന് ശേഷമാണ് പ്രഖ്യാപനം.

ഭാരത് ജോഡോ യാത്ര ഡിസംബര്‍ 24 ന് ഡല്‍ഹിയില്‍ പ്രവേശിക്കും. എട്ട് ദിവസത്തിന് ശേഷം യാത്ര ബിജെപിയുടെ നേതൃത്വത്തിലുള്ള ഉത്തര്‍പ്രദേശ്, ഹരിയാന എന്നിവിടങ്ങളിലേക്കെത്തും. അടുത്ത മാസം പഞ്ചാബിലും എത്തിയ ശേഷം ജമ്മു കശ്മീരിലേക്ക് കടക്കും. കന്യാകുമാരിയില്‍ നിന്ന് ആരംഭിച്ച് തമിഴ്നാട്, കേരളം, കര്‍ണാടക, തെലങ്കാന, ആന്ധ്രാപ്രദേശ്, മഹാരാഷ്ട്ര, മധ്യപ്രദേശ്, രാജസ്ഥാന്‍ സംസ്ഥാനങ്ങള്‍ കടന്ന കോണ്‍ഗ്രസിന്റെ ഭാരത് ജോഡോ യാത്ര വെള്ളിയാഴ്ച 100 ദിവസം പൂര്‍ത്തിയാക്കി.

Latest News:

Post Your Comments Here ( Click here for malayalam )

Press Esc to close
show more