1 GBP = 93.35
breaking news

ഇന്ത്യയിൽ ആഭ്യന്തര വിമാന സർവീസുകൾ പുനരാരംഭിച്ചു

ഇന്ത്യയിൽ ആഭ്യന്തര വിമാന സർവീസുകൾ പുനരാരംഭിച്ചു

ന്യൂഡൽഹി: രാജ്യത്ത്​ ലോക്​ഡൗണിനെ തുടർന്ന്​ നിർത്തിവെച്ച ആഭ്യന്തര വിമാന സർവിസ്​ വീണ്ടും പുനരാരംഭിച്ചു. രണ്ടുമാസത്തെ ഇടവേളക്ക്​ ശേഷമാണ്​ വിമാന സർവിസുകൾ തുടങ്ങിയത്​. ആന്ധ്രപ്രദേശ്​, പശ്ചിമബംഗാൾ ഒഴികെയുള്ള സംസ്​ഥാനങ്ങളിലാണ്​ വിമാന സർവീസുകൾ പുനരാരാംഭിച്ചത്. ആന്ധ്രയിൽ നാ​െളയും ബംഗാളിൽ വ്യാഴാഴ്​ചയുമായിരിക്കും സർവിസ്​ പുനരാരംഭിക്കുക. രാജ്യതലസ്​ഥാനമായ ഡൽഹിയിൽ നിന്ന്​ 380 വിമാന സർവിസുകളാണ്​ ഉണ്ടാകുക. 

​ആഭ്യന്തര വിമാന സർവിസ്​ പുനരാരംഭിക്കുന്നതിനെതിരെ നിരവധി സംസ്​ഥാനങ്ങൾ നേരത്തേ എതിർപ്പ്​ അറിയിച്ചിരുന്നു. രോഗബാധിതർ ഏറ്റവും കൂടുതലുള്ള മഹാരാഷ്​ട്ര കൂടാതെ പശ്ചിമബംഗാൾ, തമിഴ്​നാട്​ തുടങ്ങിയ സംസ്​ഥാനങ്ങളാണ്​ കേന്ദ്രസർക്കാരിനെ എതിർ​പ്പ്​ അറിയിച്ചിരുന്നത്​. എന്നാല സർവിസുകൾ പുനരാരംഭിക്കാൻ അനുവദിക്കി​ല്ലെന്ന നിലപാടിൽനിന്ന്​ പിന്നീട്​ മഹാരാഷ്​ട്ര പിന്മാറി. മുംബൈയിൽനിന്നും അവിടേക്കുമായി 25 വിമാന സർവിസുകൾക്ക്​ തിങ്കളാഴ്​ച അനുമതി നൽകുമെന്ന്​ സംസ്​ഥാന മന്ത്രി നവാബ്​ മാലിക്ക്​ അറിയിക്കുകയായിരുന്നു. ആഭ്യന്തര വിമാന സർവിസുകൾ തുടങ്ങാൻ ഇനിയും സാവകാശം വേണമെന്ന്​ മുഖ്യമന്ത്രി ഉദ്ധവ്​ താ​ക്കറെ പ്രഖ്യാപിച്ചതിന്​ പിന്നാലെയാണ്​ സർവിസുകൾ ആരംഭിക്കാനുള്ള തീരുമാനം. 

കർശന ഉപാധികളോടെയാണ്​ രാജ്യത്ത്​ ആഭ്യന്തര വിമാന സർവിസ്​ പുനരാരംഭിച്ചത്​. യാത്രക്കാർ നിർബന്ധമായും ആരോഗ്യസേതും ആപ്​ ഡൗൺലോഡ്​ ചെയ്​തിരിക്കണം. യാത്ര ആരംഭിക്കു​േമ്പാഴും അവസാനിക്കു​േമ്പാഴും യാത്രക്കാർ തെർമൽ സ്​കാനിങ്ങിന്​ വിധേയമാകണം. രോഗലക്ഷണമില്ലാത്തവരെ മാത്രമേ യാത്രക്കായി അനുവദിക്കൂ. എല്ലാ ഘട്ടത്തിലും സാമൂഹിക അകലം ഉറപ്പുവരുത്തണമെന്നും മാർഗനിർദേശത്തിൽ പറയുന്നു. 

അതേസമയം, കേരത്തിൽ​ എത്തുന്ന എല്ലാ യാത്രക്കാർക്കും 14 ദിവസത്തെ വീട്ടുനിരീക്ഷണം നിർബന്ധമാക്കിയിട്ടുണ്ട്​. എന്നാൽ ഡൽഹിയിൽ എത്തുന്നവർക്ക്​ ക്വാറൻറീൻ നിർബന്ധമില്ലെന്ന്​ ഡൽഹി സർക്കാർ കഴിഞ്ഞ ദിവസം വ്യക്തമാക്കിയിരുന്നു. 14 ദിവസ​േത്തക്ക്​ ആരോഗ്യം സ്വയം നിരീക്ഷിക്കാനാണ്​ ഡൽഹി സർക്കാരി​​െൻറ നിർദേശം. 

Latest News:

Post Your Comments Here ( Click here for malayalam )

Press Esc to close
show more