1 GBP = 95.97
breaking news

പൻറ്റാസാഫ് ഡിവൈൻ റിട്രീറ്റ് സെന്ററിൽ ആന്തരിക സൗഖ്യ ധ്യാനം 17 മുതൽ; ഫാ.പോൾ പാറേക്കാട്ടിൽ നയിക്കും.

പൻറ്റാസാഫ് ഡിവൈൻ റിട്രീറ്റ് സെന്ററിൽ ആന്തരിക സൗഖ്യ ധ്യാനം 17 മുതൽ; ഫാ.പോൾ പാറേക്കാട്ടിൽ നയിക്കും.

അപ്പച്ചൻ കണ്ണഞ്ചിറ

ഡിവൈൻ റിട്രീറ്റ് സെന്ററിന്റെ നേതൃത്വത്തിൽ വെയിൽസിലെ പൻറ്റാസാഫിൽ പുതുതായി ആരംഭിച്ച ഡിവൈൻ ധ്യാന കേന്ദ്രത്തിൽ മൂന്നു ദിവസത്തെ താമസിച്ചുള്ള ധ്യാന ശുശ്രുഷകൾ ജൂൺ 17 മുതൽ 19 വരെ നടത്തപ്പെടുന്നതാണ്. പ്രശസ്ത ധ്യാന ഗുരുവും, വിൻസൻഷ്യൽ കോൺഗ്രിഗേഷൻ സഭാംഗവും, പൻറ്റാസാഫ് ഡിവൈൻ ധ്യാന കേന്ദ്രത്തിന്റെ ഡയറക്ടറുമായ ഫാ. പോൾ പാറേക്കാട്ടിൽ ആന്തരിക സൗഖ്യ ധ്യാന ശുശ്രുഷകൾ നയിക്കുന്നതാണ്‌.
റാംസ്‌ഗേറ്റ് ഡിവൈൻ റിട്രീറ് സെന്റർ ഡയറക്ടറും, യു കെ യിലെ പ്രശസ്ത വചന പ്രഘോഷകനുമായ ഫാ. ജോസഫ് എടാട്ട് വീ സി ത്രിദിന ധ്യാന ശുശ്രുഷകളിൽ പങ്കു ചേരും.

ആല്മീയ ചിന്താധാരകളിലേക്ക് മനസ്സിനെയൊരുക്കി ഉള്ളം തുറന്നു പ്രാർത്ഥിക്കുവാനും, ആന്തരികമായുണ്ടായിട്ടുള്ള മുറിവുകളും, പ്രയാസങ്ങളും, വേദനകളും വിടുതലിന്റെ നാഥനിലൂടെ സൗഖ്യപ്പെടുത്തുവാനും, മനസ്സിൽ തളം കെട്ടിക്കിടക്കുന്ന ജീർണ്ണതകളിൽ നിന്നും സ്വതന്ത്രമാക്കപ്പെടുവാനും ആന്തരിക സൗഖ്യധ്യാനം ഏറെ അനുഗ്രഹീതമാണ്.  

ജൂൺ 17 നു വെള്ളിയാഴ്ച രാവിലെ ഒമ്പതു മണിക്ക് ആരംഭിക്കുന്ന ധ്യാന ശുശ്രുഷ ജൂൺ 19 ഞായറാഴ്ച വൈകുന്നേരം നാലു മണിയോടെ സമാപിക്കും. പതിനെട്ടു വയസ്സിനു മുകളിൽ പ്രായമുള്ളവർക്കായി ധ്യാന ശുശ്രുഷ നിജപ്പെടുത്തിയിരിക്കുകയാണ്.
വേദനാജനകമായ ഓർമ്മകളെയും അനുഭവങ്ങളെയും ഓർത്തെടുത്തു ദൈവത്തിന്റെ രോഗശാന്തി ശക്തിയിലൂടെ സൗഖ്യപ്പെടുവാൻ അനുഗ്രഹാവസരം ഒരുക്കുന്ന ധ്യാന ശുശ്രുഷയിലേക്ക് ഏവരെയും സസ്നേഹം ക്ഷണിക്കുന്നതായി ഡയറക്ടർ അറിയിച്ചു.  

രജിസ്ട്രേഷനും,വിശദ വിവരങ്ങൾക്കും 01352 711053 , 07417 494277 എന്നീ നമ്പറുകളിൽ ബന്ധപ്പെടുവാൻ താല്പര്യപ്പെടുന്നു.

Nearest Railway Station – FLINT ( 7.5 MILES) 
VINCENTIAN DIVINE RETREAT CENTRE, FRANCISCAN FRIARY,MONASTERY ROAD, PANTASAPH , HOLY WELL, CH8 8PE, UK.

Latest News:

Post Your Comments Here ( Click here for malayalam )

Press Esc to close
show more