1 GBP = 99.16
breaking news

നോ​ട്ട് നി​രോ​ധ​നം ശരിവെച്ച് സുപ്രീംകോടതി

നോ​ട്ട് നി​രോ​ധ​നം ശരിവെച്ച് സുപ്രീംകോടതി

ന്യൂ​ഡ​ൽ​ഹി: രാജ്യത്ത് 2016ൽ കേന്ദ്ര സർക്കാർ നടപ്പാക്കിയ നോ​ട്ട് നി​രോ​ധ​നം ശരിവെച്ച് സുപ്രീംകോടതി. ജ​സ്റ്റി​സ് എ​സ്.​എ. ന​സീ​റി​ന്റെ നേ​തൃ​ത്വ​ത്തി​ലു​ള്ള അ​ഞ്ചം​ഗ ഭ​ര​ണ​ഘ​ട​ന ബെ​ഞ്ചാ​ണ് വിധി പ്രഖ്യാപിച്ചത്. നാല് ജഡ്ജിമാർ നോട്ടു നിരോധനത്തെ അനുകൂലിച്ചപ്പോൾ ഒരാൾ വിയോജിച്ചു. ജ​സ്റ്റി​സു​മാ​രാ​യ ന​സീ​ർ, ഗ​വാ​യ്, എ.​എ​സ്. ബൊ​പ്പ​ണ്ണ, വി. ​രാ​മ​സു​ബ്ര​ഹ്മ​ണ്യ​ൻ എ​ന്നി​വ​രാ​ണ് അനുകൂല വിധി പുറപ്പെടുവിച്ചത്. ജസ്റ്റിസ് ബി.വി. നാഗരത്ന വിയോജിച്ചു. 

കേന്ദ്രസർക്കാർ മുൻകൈയെടുത്തതുകൊണ്ട് മാത്രം തീരുമാനം തെറ്റാണെന്ന് പറയാനാകില്ല. നോട്ട് മാറ്റാൻ 52 ദിവസം നൽകിയതിൽ യുക്തിരാഹിത്യമില്ലെന്നും കോടതി വ്യക്തമാക്കി. കേന്ദ്രത്തിന് സെൻട്രൽ ബോർഡ് ഓഫ് ആർ.ബി.ഐയുമായി കൂടിയാലോചിച്ച് തീരുമാനമെടുക്കാമെന്നും രണ്ട് മുതൽ ആറു മാസം വരെ നീണ്ട ചർച്ചക്കൊടുവിലാണ് തീരുമാനമെന്നും ജഡ്ജിമാർ നിരീക്ഷിച്ചു. 

എന്നാൽ, നോട്ട് നിരോധനം പാർലമെന്റ് വഴി നടപ്പാക്കണമായിരുന്നെന്നും സർക്കാർ ചെയ്യേണ്ടതായിരുന്നില്ലെന്നും ജസ്റ്റിസ് നാഗരത്ന ചൂണ്ടിക്കാട്ടി. നിരോധനം ചോ​ദ്യം ചെ​യ്ത് സ​മ​ർ​പ്പി​ച്ച 58 ഹ​ര​ജി​ക​ളി​ലാണ് സു​പ്രീം​കോ​ട​തി വി​ധി പുറപ്പെടുവിച്ചത്. ഹരജികൾ കോടതി തള്ളി. 

2016 ന​വം​ബ​ർ എ​ട്ടി​നാ​ണ് കേ​ന്ദ്ര​സ​ർ​ക്കാ​ർ 500, 1000 രൂ​പ നോ​ട്ടു​ക​ൾ നി​രോ​ധി​ച്ച​ത്. ഒരു രാത്രിയുണ്ടായ നിരോധനം മൂലം 10 ലക്ഷം കോടി രൂപയാണ് വിപണിയിൽ നിന്ന് തുടച്ചു നീക്കപ്പെട്ടത്. 

നോ​ട്ട് നി​രോ​ധ​ന​വു​മാ​യി ബ​ന്ധ​പ്പെ​ട്ട മു​ഴു​വ​ൻ രേ​ഖ​ക​ളും ഹാ​ജ​രാ​ക്കാ​ൻ ഡി​സം​ബ​ർ ഏ​ഴി​ന് കേ​ന്ദ്ര​ത്തോ​ടും റി​സ​ർ​വ് ബാ​ങ്കി​നോ​ടും സു​പ്രീം കോ​ട​തി നി​ർ​ദേ​ശി​ച്ചി​രു​ന്നു. അ​റ്റോ​ണി ജ​ന​റ​ൽ ആ​ർ. വെ​ങ്കി​ട്ട​ര​മ​ണി, റി​സ​ർ​വ് ബാ​ങ്ക് അ​ഭി​ഭാ​ഷ​ക​ന്റെ​യും പി. ​ചി​ദം​ബ​രം, ശ്യാം ​ദി​വാ​ൻ എ​ന്നി​വ​ര​ട​ക്ക​മു​ള്ള ഹ​ര​ജി​ക്കാ​രു​ടെ അ​ഭി​ഭാ​ഷ​ക​രു​ടെ​യും വാ​ദം കേ​ട്ടി​രു​ന്നു. 

നോ​ട്ട് നി​രോ​ധ​നം നി​യ​മ​വി​രു​ദ്ധ​മാ​ണെ​ന്ന് ചൂ​ണ്ടി​ക്കാ​ട്ടി​യ ചി​ദം​ബ​രം, ഇ​തു​മാ​യി ബ​ന്ധ​പ്പെ​ട്ട ന​ട​പ​ടി​യെ​ടു​ക്കാ​ൻ സ​ർ​ക്കാ​റി​ന് സ്വ​ന്തം​നി​ല​യി​ൽ ക​ഴി​യി​ല്ലെ​ന്നും റി​സ​ർ​വ് ബാ​ങ്ക് സെ​ൻ​ട്ര​ൽ ബോ​ർ​ഡി​ന്റെ ശി​പാ​ർ​ശ​യി​ൽ മാ​ത്ര​മെ സാ​ധി​ക്കൂ​വെ​ന്നും വാ​ദി​ച്ചിരുന്നു. അ​തേ​സ​മ​യം, ന​ട​പ​ടി വ്യാ​ജ​ നോ​ട്ട്, തീ​വ്ര​വാ​ദ ധ​ന​സ​ഹാ​യം, ക​ള്ള​പ്പ​ണം, നി​കു​തി​വെ​ട്ടി​പ്പ് എ​ന്നി​വ​ക്കെ​തി​രാ​യ പോ​രാ​ട്ട​ത്തി​ന്റെ ഭാ​ഗ​മാ​ണെ​ന്നും മി​ക​ച്ച തീ​രു​മാ​ന​മാ​ണെ​ന്നും അ​ടു​ത്തി​ടെ ന​ൽ​കി​യ സ​ത്യ​വാ​ങ്മൂ​ല​ത്തി​ൽ കേ​ന്ദ്രം സു​പ്രീം​കോ​ട​തി​യെ അ​റി​യി​ച്ചി​രു​ന്നു.

Latest News:

Post Your Comments Here ( Click here for malayalam )

Press Esc to close
show more