1 GBP = 101.45
breaking news

ഇംറാൻ ഖാന് മുൻകൂർ ജാമ്യം

ഇംറാൻ ഖാന് മുൻകൂർ ജാമ്യം

ഇസ്‍ലാമാബാദ്: പാകിസ്താൻ മുൻ​പ്രധാനമന്ത്രിയും പാകിസ്താൻ തെഹ്‍രീകെ ഇൻസാഫ് പാർട്ടി മേധാവിയുമായ ഇംറാൻ ഖാനെ അറസ്റ്റ് ചെയ്യുന്നത് തടഞ്ഞ് ലാഹോർ കോടതി മുൻകൂർ ജാമ്യം അനുവദിച്ചു. അടുത്ത അനുയായികളുമായി വെള്ളിയാഴ്ച അദ്ദേഹം ലാഹോർ കോടതിയിലെത്തി. 

ഇംറാനെ അറസ്റ്റ് ചെയ്യാനെത്തിയ പൊലീസിനെ പ്രതിരോധിക്കാൻ പാർട്ടി പ്രവർത്തകർ ലാഹോറിലെ വസതിക്ക് മുന്നിൽ കാവൽ നിൽക്കുകയായിരുന്നു. ഇരുമ്പ് ദണ്ഡ് ഉൾപ്പെടെ ആയുധങ്ങളുമായാണ് പ്രവർത്തകർ നിൽക്കുന്നത്.

ഇംറാനെതിരെ കീഴ്ക്കോടതി പുറപ്പെടുവിച്ച അറസ്റ്റ് വാറന്റ് ഇസ്‍ലാമാബാദ് ഹൈകോടതി മരവിപ്പിച്ചിരുന്നു. അതിനിടെ ഇംറാൻ ഖാനും നിലവിലെ പ്രധാനമന്ത്രി ശഹബാസ് ശരീഫും തമ്മിൽ സംഭാഷണത്തിന് വഴിയൊരുങ്ങുന്നു. 

സംസാരിക്കാൻ സന്നദ്ധമാണെന്ന് ശഹബാസ് ശരീഫ് അറിയിച്ചതിനോട് ഇംറാൻ അനുകൂലമായി പ്രതികരിച്ചു. രാഷ്ട്ര നന്മക്കായി ആരുമായും സംസാരിക്കാൻ തയാറാണെന്ന് ഇംറാൻ ഖാൻ പറഞ്ഞു. 70കാരനായ ഇം​റാ​നെ​തി​രെ പാ​കി​സ്താ​നി​ൽ 83 കേ​സു​ക​ളു​ണ്ട്. ഭീ​ക​ര​ത ഉ​ൾ​പ്പെ​ടെ നി​ര​വ​ധി ഗു​രു​ത​ര കു​റ്റ​ങ്ങ​ൾ ചു​മ​ത്തിയാണ് പഞ്ചാബ് പൊലീസ് കേസെടുത്തിട്ടുള്ളത്.

Latest News:

Post Your Comments Here ( Click here for malayalam )

Press Esc to close
show more