ആറാമത് ഇടുക്കി ജില്ലാ സംഗമത്തിന് ആശംസകള്‍ നേര്‍ന്നുകൊണ്ട് ഇടുക്കി മുന്‍ മന്ത്രി ശ്രീ. പി.ജെ ജോസഫ്.

Apr 19, 2017

റോയി മാത്യു

പ്രിയ സ്‌നേഹിതരെ മെയ് ആറാം തിയതി ബിര്‍മിങ്ങ്ഹാം വുള്‍വര്‍ഹാംപ്ടണില്‍ നടക്കുന്ന ഇടുക്കി ജില്ലാ സംഗമം കൂട്ടായ്മക്ക് ഇടുക്കി ജില്ലയുടെ മുന്‍ മന്ത്രി ശ്രീ. പി.ജെ ജോസഫ് ആശംസകള്‍ നേര്‍ന്നു. എല്ലാ വര്‍ഷവും നടക്കുന്ന ഇടുക്കി ജില്ലയുടെ തനിമ നിലനിര്‍ത്തുന്ന ഇടുക്കിയുടെ മക്കളുടെ സംഗമം ശക്തമായി മുന്നേറട്ടെ എന്നും, കുടിയേറ്റ കാര്‍ഷിക ജില്ലയുടെ മനുഷ്യത്വപരമായ പാരമ്പര്യവും നിലനിര്‍ത്താനും സംരക്ഷിക്കാനും ഇടുക്കി ജില്ലാ സംഗമത്തിന് കഴിയട്ടെയെന്നും മന്ത്രി ശ്രീ. പി.ജെ ജോസഫ് ആശംസിച്ചു. ഇടുക്കി ജില്ലാക്കാരായ വ്യക്തികളില്‍ നിന്നും വിദ്യാഭ്യാസം കലാ സാമൂഹികം ചാരിറ്റി തുടങ്ങിയ മേഖലകളില്‍ അഭിമാനകരമായ നേട്ടങ്ങള്‍ കൈവരിച്ചിട്ടുള്ളവരെ കണ്ടെത്തുന്നതിനും ആദരിക്കുന്നതിനും പ്രോല്‍സാഹിപ്പിക്കുന്നതിനും അംഗീകരിക്കുന്നതിനും ഉള്ള അവസരമാണ് ഇടുക്കിജില്ലാ സംഗമംഉത്തരത്തിലുള്ള നേട്ടങ്ങള്‍ കൈവരിച്ചവര്‍ തങ്ങളുടെ പേരു വിവരങ്ങള്‍ സംഗമം കമ്മറ്റിയെ അറിയിക്കണം. മെയ് മാസം ആറാം തീയതി വ്യത്യസ്ഥമായ കലാപരിപാടികളാലും, വിഭവ സമൃദ്ധമായ ഭക്ഷണത്താലും എത്തിച്ചേരുന്ന മുഴുവന്‍ ആള്‍ക്കാര്‍ക്കും ആസ്വാദ്യകരമായ രീതിയില്‍ നൂതനവും, പുതുമയുമാര്‍ന്ന രീതിയില്‍ നടത്തുവാനുള്ള അണിയറ പ്രവര്‍ത്തനം ഇടുക്കി ജില്ലാ സംഗമം കമ്മറ്റിയുടെ നേതൃത്വത്തില്‍ നടത്തി വരുന്നു. ഈ സംഗമത്തിലേക്ക് എല്ലാ ഇടുക്കി ജില്ലാക്കാരെയും കുടുംബസമേതം സ്വാഗതം ചെയ്യുന്നു. കുടുതല്‍ വിവരത്തിന് www.idukkijillasangamam.co.uk അല്ലങ്കില്‍ idukkijillasangamam ഫേസ് ബുക്ക് പേജ് സന്ദര്‍ശിക്കുക. പങ്കെടുക്കുന്നവര്‍ക്ക് മുന്‍കൂട്ടി രജിസ്റ്റര്‍ ചെയ്യുവാനുള്ള അവസരം ഉണ്ട്. നിങ്ങളുടെ പേരു വിവരം ഇടുക്കി ജില്ലാ സംഗമം അക്കൗണ്ടില്‍ രജിസ്റ്റര്‍ ചെയ്യുക.