1 GBP = 97.77
breaking news

സ്വർണക്കടത്ത്​ കേസ്​: മൂന്നുപേർ കൂടി കസ്​റ്റഡിയിൽ

സ്വർണക്കടത്ത്​ കേസ്​: മൂന്നുപേർ കൂടി കസ്​റ്റഡിയിൽ

കൊച്ചി: തിരുവനന്തപുരം സ്വർണക്കടത്ത്​ കേസുമായി ബന്ധപ്പെട്ട്​ മൂന്നുപേർ കൂടി കസ്​റ്റംസി​​െൻറ കസ്​റ്റഡിയിൽ. കഴിഞ്ഞദിവസം അറസ്​റ്റിലായ റമീസിൽനിന്ന്​ സ്വർണം വാങ്ങിയവരാണിവരെന്നാണ്​ സൂചന. റമീസിൽനിന്ന്​ ലഭിച്ച വിവരത്തി​​െൻറ അടിസ്​ഥാനത്തിലാണ്​ ഇവ​െര കസ്​റ്റഡിയിലെടുത്തത്​. ഇവരെ കസ്​റ്റംസ്​ ചോദ്യം ചെയ്യുകയാണ്​. 

രണ്ടുപേരെ കസ്​റ്റഡിയിലെടുക്കുകയും ഒരാൾ കീഴടങ്ങുകയുമായിരു​ന്നുവെന്നാണ്​ വിവരം. മുവാറ്റുപുഴ സ്വദേശി ജലാലാണ്​ കീഴടങ്ങിയത്​. റമീസുമായി ഇയാൾക്ക്​ അടുത്ത ബന്ധമുണ്ട്​. ഇയാൾ വിമാനത്താവളങ്ങളിലൂടെ 60 കോടിയുടെ സ്വർണം കടത്തിയിട്ടുണ്ടത്രെ. വിവിധ കേസുകളിൽ പ്രതിയായ ഇയാളെ വർഷങ്ങളായി കസ്​റ്റംസ്​ അന്വേഷിക്കുന്നുണ്ട്​. ഇവരെ ചോദ്യചെയ്യുന്നതോടെ സ്വർണം എന്തിന്​ ഉപയോഗിച്ചു എന്ന്​ മനസ്സിലാക്കാൻ സാധിക്കുമെന്നാണ്​ പ്രതീക്ഷ. ഇവരുടെ അറസ്​റ്റ്​ വൈകീ​ട്ടോടെ രേഖപ്പെടുത്താനും സാധ്യതയുണ്ട്​.​ ഇത്​ കൂടാതെ റമീസ്​ മുമ്പ്​ സ്വർണം വിറ്റവരെയും കസ്​റ്റംസ്​ ചോദ്യം ​െചയ്യാനുള്ള ഒരുക്കത്തിലാണ്​. 

മലപ്പുറം സ്വദേശി കെ.ടി. റമീസിനെ കഴിഞ്ഞദിവസമാണ്​ അറസ്​റ്റ്​ ചെയ്​തത്​. അനധികൃതമായി കടത്തുന്ന സ്വർണം വാങ്ങി വിതരണക്കാരിലേക്ക് എത്തിക്കുന്നവരിൽ പ്രധാനിയാണ് റമീസെന്നാണ് സൂചന. സ്വര്‍ണക്കടത്തില്‍ ഇയാൾക്ക് നിർണായക പങ്കുണ്ടെന്നാണ് കസ്റ്റംസിന്‍റെ കണ്ടത്തല്‍. ഇയാളുെട ഫോൺ കേന്ദ്രീകരിച്ചും അന്വേഷണം പുരോഗമിക്കുന്നുണ്ട്​.

മുമ്പും റമീസ് സ്വർണം കടത്തിയിട്ടുണ്ടെന്ന് കണ്ടെത്തിയിരുന്നു. 2015ൽ സുഹൃത്തി​​െൻറ ബാഗിൽ സ്വർണം കടത്തി. കഴിഞ്ഞവർഷം നവംബറിൽ നെടുമ്പാശ്ശേരി വിമാനത്താവളം വഴി തോക്ക് കടത്തിയ കേസിലും പ്രതിയാണ് റമീസ്. റമീസി​​െൻറ പെരിന്തൽമണ്ണ വെട്ടത്തൂരിലെ വീട്ടിൽ ഞായറാഴ്ച വൈകീട്ട് കസ്​റ്റംസ് റെയ്ഡ് നടത്തിയിരുന്നു. 

Latest News:

Post Your Comments Here ( Click here for malayalam )

Press Esc to close
show more