മാഞ്ചെസ്റ്റർ: കഴിഞ്ഞ മാസം 23 ന് അവധി ആലോഷിക്കുന്നതിനിടയിൽ ഓസ്ട്രിയയിലെ വിയന്നയിൽ വച്ച് ദാരുണ അന്ത്യം സംഭവിച്ച പ്രിയ മക്കളുടെ മൃതദേഹങ്ങൾ ഇന്നലെ വൈകിട്ട് 5.30ന് മാതൃ ദേവാലയമായ മാഞ്ചസ്റ്റർ ഇന്ത്യൻ ഓർത്തഡോക്സ് പള്ളിയിൽ എത്തിച്ച് കബറടക്ക ശുശ്രൂഷയുടെ മൂന്നാം ഭാഗം ധൂപപ്രാർത്ഥനയോടെ നടത്തി. ഇടവകാംഗ കൾക്ക് വേണ്ടി പ്രത്യേകം നടത്തിയ ശുശ്രൂഷകൾക്ക് ബന്ധുകൂടിയായ തിരുവല്ല അതിരൂപതയുടെ ആർച്ച് ബിഷപ്പ് അഭിവന്ദ്യ തോമസ് മാർ കൂറിലോസ് തിരുമേനി മുഖ്യകാർമ്മികനായിരുന്നു. ഫാ. ഹാപ്പി ജേക്കബ്, ഫാ.അജിി ജോൺ, ഫാ.രഞ്ജിത്ത് മടത്തിറമ്പിൽ, ഫാ.വർഗ്ഗീസ് മാത്യു, ഫാ.വർഗ്ഗീസ് ജോൺ, തുടങ്ങിയവർ സഹ കാർമ്മികരായിരുന്നു. ഇടവകാംഗങ്ങളുടെ അന്തിമോപചാരത്തിന് ശേഷം 6.45 ഓടെ മ്യതദേഹങ്ങൾ ഫ്യൂണറൽ ഡയറക്‌ടേഴ്‌സ് തിരികെ കൊണ്ടുപോയി.
കഴിഞ്ഞ മാസം 23 ന് ഓസ്ട്രിയയിലെ വിയന്നയിൽ കുടുംബമൊന്നിച്ച് അവധി ആഘോഷിക്കുന്നതിനിടയിൽ ഡാന്യൂഷ് തടാകത്തിൽ ഉണ്ടായ അപകടത്തിൽ മരിച്ച മലയാളികളായ പത്തൊൻപതു വയസുകാരൻ ജോയൽ, പതിനഞ്ചു വയസുകാരൻ ജേസൺ എന്നിവർക്ക് ഇന്ന് ജനിച്ച് വളർന്ന മണ്ണ് അന്ത്യാഞ്ജലി അർപ്പിക്കും. നാടിന്റെയും നാട്ടുകാരുടേയും കണ്ണിലുണ്ണികളായ ജോയലിന്റെയും, ജേസന്റെയും ദാരുണാന്ത്യത്തിൽ നടക്കം വിട്ടുമാറാത്ത നാട്ടുകാരുടെ മുന്നിലേക്ക് ചേതനയറ്റ അവരുടെ മൃതദേഹങ്ങൾ എത്തുമ്പോൾ ഒരു നാട് മുഴുവൻ ഒഴുകിയെത്തി കണ്ണീർ പുഷ്പങ്ങൾ അർപ്പിക്കും.ജോയലിന്റെയും, ജേ
ദേവാലയത്തിലെ ദിവ്യബലിക്കും മറ്റ് ശുശ്രൂഷകൾക്കും ശേഷം തങ്ങളുടെ പ്രിയ മക്കൾക്ക് കുടുംബാംഗങ്ങളും, കൂട്ടുകാരും, നാട്ടുകാർക്കും അന്തിമോപചാരം അർപ്പിക്കാനുള്ള സമയമാണ്. ഉച്ചക്ക് ഒരു മണി വരെ പൊതുദർശനത്തിനുള്ള സമയം ആയിരിക്കും. മ്യതദേഹങ്ങളിൽ പുഷ്പചക്രം അർപ്പിക്കാൻ പൂക്കൾ കൊണ്ട് വരേണ്ടതില്ല. പൂക്കൾ ദേവാലയത്തിൽ ഉണ്ടായിരിക്കുന്നതാണ്. പൂക്കൾക്കായി ചിലവഴിക്കുന്ന പണം ചാരിറ്റി ബോക്സിൽ നിക്ഷേപിക്കാവുന്നതാണ്.
തുടർന്ന് രണ്ട് മണിയോടെ ബോൾട്ടണിലെ ഓവർഡെയിൽ സെമിത്തേരിയിലാണ് ജോയലിനും ജേസനും അന്ത്യ വിശ്രമം ഒരു ഒരുങ്ങുന്നത്. സിമിത്തേരിയിലെ ശുശ്രൂഷകൾക്ക് ശേഷം ബോൾട്ടിലെ ആറടി മണ്ണിൽ പ്രിയ മക്കൾക്ക് അവസാന വിശ്രമമൊരുങ്ങും.
ബോൾട്ടൺ മലയാളി അസോസിയേഷൻ പ്രസിഡന്റ് ജോണി കണിവേലിൽ, സെക്രട്ടറി റെജി മാത്യു, ബിനോയ്, സുരേഷ് ദാനിയേൽ, രാജൻ, ജയ്സൻ ജോസഫ്, വിനു ജേക്കബ്, സോണി, രാജു, ഷിബു പോൾ, ഷാരൺ പന്തല്ലൂർ തുടങ്ങിയവരുടെ നേതൃത്വത്തിൽ ബോൾട്ടണിലെ മുഴുവൻ മലയാളികളും ഒറ്റക്കെട്ടായിട്ടാണ് ശവസംസ്കാരത്തിനുള്ള ക്രമീകരണങ്ങൾ ചെയ്യുന്നത്.
click on malayalam character to switch languages