1 GBP = 103.89
Logo
breaking news

കാലിഫോർണിയയിൽ കാട്ടുതീ പടരുന്നു; 40,000 ഏക്കറിലധികം പ്രദേശം അഗ്നിക്കിരയായി

  • Jul 05, 2021
കാലിഫോർണിയയിൽ കാട്ടുതീ പടരുന്നു; 40,000 ഏക്കറിലധികം പ്രദേശം അഗ്നിക്കിരയായി

കാലിഫോർണിയയിൽ വ്യാപകമായി കാട്ടുതീ പടരുന്നു. തെക്കൻ കാലിഫോർണിയയിലെ നാല്പതിനായിരം ഏക്കറിലധികം പ്രദേശത്തേക്ക് കാട്ടുതീ വ്യാപിച്ചെന്നാണ് റിപ്പോർട്ട്. പ്രധാനമായും മൂന്ന് തരത്തിലുള്ള കാട്ടു തീയാണ് പടരുന്നതെന്ന് റിപ്പോർട്ടുകൾ വ്യക്തമാക്കുന്നു.

ജൂൺ 24 ന് സിസ്‌കിയു കൗണ്ടിയിൽ ആരംഭിച്ച ലാവാ ഫയറിൽ 24,460 ഏക്കറോളം കത്തി നശിച്ചതായി അന്താരഷ്ട്ര മാധ്യമങ്ങൾ റിപ്പോർട്ട് ചെയ്തിരുന്നു. ദി പടർന്നതിനെ തുടർന്ന് ആയിരക്കണക്കിന് ആളുകളെയാണ് മാറ്റി പാർപ്പിച്ചിരിക്കുന്നത്.

ക്ലമത്ത് ദേശിയ വനത്തിന് കിഴക്കായി ജൂൺ 28 ന് ആരംഭിച്ച ടെനൻറ് ഫയറിൽ 10,012 ഏക്കറോളം കത്തി നശിച്ചിരുന്നു എന്ന് കാലിഫോർണിയ ഡിപ്പാർട്മെൻറ് ദി ഫോറെസ്റ്ററി ആൻഡ് ഫയർ പ്രൊട്ടക്ഷൻ അറിയിച്ചു.

27 വീടുകളാണ് സാൾട്ട് ഫയറിൽ കത്തി നശിച്ചതെന്ന് യു.എസ്. ഫോറസ്ററ് സർവീസ് വ്യക്തമാക്കി. 7.467 ഏക്കർ പ്രദേശമാണ് ഈ കാട്ടു തീയിൽ കത്തിയമർന്നത്. ഷാസ്റ്റ തടാകത്തിന് സമീപത്ത് കൂടി സഞ്ചരിച്ച ഏതോ വാഹനത്തില്‍ നിന്നാണ് തീയുടെ ഉത്ഭവം എന്നാണ് നിഗമനം.

കാലിഫോർണിയയിൽ കാട്ടു തീ സാധാരണമാണെങ്കിലും, നേരത്തെ ആരംഭിച്ച് വൈകി കുറയുന്നതായാണ് ഈ അടുത്ത കാലത്ത് കണ്ടു വരുന്ന പ്രവണത. ഇതിന്റെ പ്രധാന കാരണമായി ചൂണ്ടിക്കാട്ടുന്നത് കാലാവസ്ഥ വ്യതിയാനമാണ്.

ചൂടേറിയ വസന്തകാലവും വേനല്‍ക്കാലവും കുറഞ്ഞുവരുന്ന മഞ്ഞും വസന്തകാലത്തിന്റെ ആരംഭത്തില്‍ തന്നെ മഞ്ഞുരുകാന്‍ തുടങ്ങുന്നതും അടുത്തിടെ കണ്ടുവരുന്ന മാറ്റങ്ങളാണ്. ഇത് വൃക്ഷലതാദികളില്‍ ഈര്‍പ്പം കുറയാനിടയാക്കുന്നതായും വനമേഖലയില്‍ കാട്ടുതീ വ്യാപിക്കാനിടയാക്കുന്നതായും കണ്ടെത്തിയിട്ടുണ്ട്.

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 3,635
More Videos
കനത്ത കാറ്റിൽ ആടിയുലഞ്ഞ് ബോയിങ് 777ന്‍റെ ലാൻഡിങ്; ഞെട്ടിക്കുന്ന ദൃശ്യങ്ങൾVIDEO
More Gallery
ഇ​ന്ത്യ​യു​മാ​യി വീ​ണ്ടും ച​ർ​ച്ച​ക്ക്​ ത​യാ​ർ –ചൈ​ന

Latest Updates

show more

uukma special

show more