- ഗുജറാത്തിനെ വീഴ്ത്തി ഡൽഹി
- സുഗന്ധഗിരി മരംമുറിക്കൽ കേസിൽ നടപടി; മൂന്നു ഉദ്യോഗസ്ഥർക്ക് സസ്പെൻഷൻ
- ‘ആദർശമുള്ള നേതാവ്, പാർട്ടിയോട് വലിയ കടപ്പാട്’; എ.കെ ആൻ്റണിയെ പുകഴ്ത്തി രാജ്നാഥ് സിംഗ്
- മണിക്കൂറിൽ 250 കിലോമീറ്റർ വേഗത; ബുള്ളറ്റ് ട്രെയിൻ നിർമിക്കാൻ ഇന്ത്യൻ റെയിൽവെ
- ഫോർട്ട് കൊച്ചിയിൽ പലസ്തീൻ ഐക്യദാർഢ്യ പോസ്റ്ററുകൾ നശിപ്പിച്ച വിദേശ വനിതയ്ക്ക് ജാമ്യം
- ‘ആദ്യം നാട്ടിലെത്തട്ടെ, ഉമ്മയെ കാണട്ടെ’; അബ്ദുൽ റഹീമിന്റെ ജീവിതം സിനിമയാക്കുന്നതിനെതിരെ കുടുംബം
- ഇലോൺ മസ്കിന്റെ സ്റ്റാർലിങ്ക് ഇന്ത്യയിലേക്കും; തത്വത്തിലുള്ള അനുമതി നൽകി കേന്ദ്രസർക്കാർ
ഡബ്ലിനിലെ കലാ മാമാങ്കത്തിന് മേയര്‍ തിരി തെളിക്കും, പ്രവേശനം സൗജന്യം
ഡബ്ലിന്‍: വേള്‍ഡ് മലയാളീ കൌണ്‍സില്‍ അയര്‍ലണ്ട് പ്രോവിന്സ് ഒരുക്കുന്ന ഏഴാമത് ‘നൃത്താഞ്ജലി & കലോത്സവം’ -ന്റെ ഒരുക്കങ്ങള്‍ പൂര്‍ത്തിയാവുന്നു. ഇത്തവണ മത്സരാര്‍ത്ഥികളുടെ എണ്ണത്തിലും വര്‍ദ്ധനവ് ഉണ്ടായതിനാല്‍ എല്ലാ ഇനങ്ങളിലും ആവേശകരമായ മത്സരങ്ങളാവും രണ്ടു ദിവസങ്ങളിലായി കലയുടെ ഈ മാമാങ്കത്തില്‍ അരങ്ങേറുക.
നവംബര്‍ 4,5 (വെള്ളി, ശനി) തീയതികളിലായി ഗ്രിഫിത്ത് അവന്യുവിലുള്ള ‘Scoil Mhuire National Boys School’ വേദിയിലാണു മത്സരങ്ങള്‍ നടത്തപ്പെടുന്നത്.
ആദ്യ ദിവസം, വെള്ളിയാഴ്ച രാവിലെ 9.30 -ന് സീനിയര്‍ വിഭാഗം ഭരതനാട്യത്തോടെ നൃത്ത മത്സരങ്ങള്‍ ആരംഭിക്കുകയും തുടര്‍ന്ന് കുച്ചിപ്പുടി, മോഹിനിയാട്ടം തുടങ്ങിയ ഇനങ്ങളും ഉച്ചയ്ക്ക് ശേഷം ജനപ്രിയ ഇനമായ സിനിമാറ്റിക് നൃത്തത്തിന്റെ മത്സരങ്ങളും ഉണ്ടാവും. വൈകിട്ട് നാല് മണിക്ക് ഡബ്ലിന്‍ മേയര്‍ ഭദ്രദീപം കൊളുത്തി ‘നൃത്താഞ് ജലി & കലോത്സവം 2016’ ഔപചാരികമായി ഉത്ഘാടനം ചെയ്യും
ശനിയാഴ്ച രാവിലെ 9.30 മുതല്‍ കലോത്സവ മത്സര ഇനങ്ങള്‍ ആരംഭിക്കും. കലാഭവന്‍ മണിയുടെ ഓര്‍മ്മയില്‍ നാടന്‍ പാട്ട് മത്സരവും, ശ്രേഷ്ട ഭാഷ മലയാളത്തിലുള്ള അക്ഷരമെഴുത്തും , കത്തെഴുത്തും ഈ വര്‍ഷത്തെ പ്രത്യേക ഇനങ്ങളാണ്,
രണ്ടു ദിവസവും രാവിലെ ഒമ്പതു മുതല്‍ മത്സരാര്‍ത്ഥികള്‍ക്കുള്ള ചെസ്റ്റ് നമ്പറുകള്‍ വിതരണം ചെയ്യും.
മത്സരങ്ങളുടെ വിശദമായ സമയക്രമം നൃത്താഞ്ജലി വെബ്സൈറ്റില്‍ ലഭ്യമാണ്.
http://www.nrithanjali.com/misc/time_schedule.php
വിവിധ മേഖലകളില്‍ പ്രശസ്തരായ യുകെയിലെയും അയര്‍ലണ്ടിലെയും കലാകാരന്മാരുടെ പാനലാണ് വിധി നിര്‍ണ്ണയം നടത്തുക.സില്‍വര്‍ കിച്ചന്‍ ഒരുക്കുന്ന ഇന്ത്യന്‍ വിഭവങ്ങളുടെ ഫുഡ് സ്റ്റാളും മത്സര വേദിയുടെ സമീപം ഉണ്ടാവും.
ഇന്ത്യന്‍ നൃത്തത്തിന്റെയും കലകളുടെയും ഈ ഉത്സവത്തിന് പ്രവേശനം സൗജന്യമാണ്. 6 മുതല്‍ 18 വരെ പ്രായപരിധിയിലുള്ള ഇന്ത്യന്‍ വംശജരായ കുട്ടികളുടെയും യുവജനങ്ങളുടെയും പ്രകടനങ്ങളെ പ്രോത്സാഹിപ്പിക്കാന്‍ ഏല്ലാ മലയാളികളെയും ഹാര്‍ദ്ദമായി ക്ഷണിക്കുന്നതായി സംഘാടകര്‍ അറിയിച്ചു.
click on malayalam character to switch languages