1 GBP = 100.92
breaking news

തദ്ദേശീയ ഡ്രോൺ വേധ സാങ്കേതികവിദ്യ വികസിപ്പിക്കുന്നു; ഉടൻ സുരക്ഷാ സേനക്ക്​ ലഭ്യമാക്കും -അമിത്​ഷാ

തദ്ദേശീയ ഡ്രോൺ വേധ സാങ്കേതികവിദ്യ വികസിപ്പിക്കുന്നു; ഉടൻ സുരക്ഷാ സേനക്ക്​ ലഭ്യമാക്കും -അമിത്​ഷാ

ജയ്‌സാൽമീർ: അതിർത്തികളിലെ ഡ്രോൺ ഭീഷണി തടയാൻ ഇന്ത്യ തദ്ദേശീയ ഡ്രോൺ വേധ സാങ്കേതികവിദ്യ (ഡ്രോണുകളെ ആക്രമിച്ച്​ തകർക്കൽ) വികസിപ്പിക്കുകയാണെന്നും അത്​ ഉടൻ സുരക്ഷാ സേനക്ക്​ ലഭ്യമാക്കുമെന്നും കേന്ദ്ര ആഭ്യന്തര മന്ത്രി അമിത് ഷാ പറഞ്ഞു. അതിർത്തി രക്ഷാ സേനയുടെ (ബി.എസ്​.എഫ്) 57ാമത് സ്​ഥാപക ദിനത്തിൽ സംസാരിക്കുകയായിരുന്നു അദ്ദേഹം.

1965ൽ ബി.എസ്​.എഫ് സ്​ഥാപിതമായ ശേഷം ഇതാദ്യമായാണ് അതിർത്തിയിൽ സ്​ഥാപകദിനം ആഘോഷിക്കുന്നതെന്ന് അദ്ദേഹം പറഞ്ഞു.

ലോകത്തിലെ മികച്ച സാ​േങ്കതികവിദ്യകൾ ബി.എസ്​.എഫിന്​ ഉറപ്പാക്കും. ബി.എസ്​.എഫ്​, ഡി.ആർ.ഡി.ഒ, എൻ.എസ്.ജി എന്നിവയാണ്​ ഇൗ സാ​േങ്കതികവിദ്യ വികസിപ്പിക്കുന്നത്​. ഇത്​ ഉടൻ യാഥാർഥ്യമാക്കു​മെന്ന കാര്യത്തിൽ ശാസ്​ത്രജ്​ഞരിൽ പൂർണ വിശ്വാസമുണ്ട്​. 

2014 മുതൽ മോദി സർക്കാർ അതിർത്തി സുരക്ഷക്ക്​ പ്രത്യേക ഉൗന്നൽ നൽകുന്നുണ്ട്​. അതിർത്തിയിലെ നുഴഞ്ഞുകയറ്റ ശ്രമങ്ങൾ, സുരക്ഷാസേനകൾക്കെതിരായ ആക്രമണങ്ങൾ എന്നിവക്ക്​ ഉടൻ തിരിച്ചടി നൽകിയിട്ടുണ്ട്​. ബി.എസ്.എഫിലെ ഒഴിവുകൾ നികത്താൻ സർക്കാർ 50,000 ജവാന്മാരെ റിക്രൂട്ട് ചെയ്​തതായും അവരുടെ പരിശീലനം ആരംഭിച്ചതായും അദ്ദേഹം പറഞ്ഞു.

Latest News:

Post Your Comments Here ( Click here for malayalam )

Press Esc to close
show more