1 GBP = 99.88
breaking news

സപ്ലൈചെയിൻ പ്രതിസന്ധിയും തൊഴിലാളി ക്ഷാമവും; ബ്രിട്ടനിൽ ആറിൽ ഒരാൾക്ക് ആവശ്യ ഭക്ഷ്യവസ്തുക്കൾ ലഭ്യമല്ലായിരുന്നുവെന്ന് റിപ്പോർട്ട്

സപ്ലൈചെയിൻ പ്രതിസന്ധിയും തൊഴിലാളി ക്ഷാമവും; ബ്രിട്ടനിൽ ആറിൽ ഒരാൾക്ക് ആവശ്യ ഭക്ഷ്യവസ്തുക്കൾ ലഭ്യമല്ലായിരുന്നുവെന്ന് റിപ്പോർട്ട്

ലണ്ടൻ: കഴിഞ്ഞ മൂന്നാഴ്ച്ചയിലേറെയായി നിലനിൽക്കുന്ന എച്ച്‌ജിവി ഡ്രൈവർമാരുടെ ക്ഷാമം ബ്രിട്ടനിലെ ഇന്ധന പ്രതിസന്ധിക്കും സൂപ്പർമാർക്കറ്റുകളിൽ അവശ്യ ഭക്ഷ്യവസ്തുക്കളുടെ ലഭ്യതക്കുറവിനും കാരണമായി. ഇത് ഗ്രേറ്റ് ബ്രിട്ടനിലെ ആറിൽ ഒരാൾക്ക്, ഏകദേശം ഒമ്പത് ദശലക്ഷം ആളുകൾക്ക് കഴിഞ്ഞ രണ്ടാഴ്ചയ്ക്കുള്ളിൽ അവശ്യ ഭക്ഷ്യവസ്തുക്കൾ ലഭ്യമല്ലാത്തതിനാൽ അവ വാങ്ങാൻ കഴിഞ്ഞില്ലെന്ന് ഔദ്യോഗിക കണക്കുകൾ സൂചിപ്പിക്കുന്നു.

ഓഫീസ് ഫോർ നാഷണൽ സ്റ്റാറ്റിസ്റ്റിക്സ് (ഒഎൻഎസ്) സർവേ പ്രകാരം, 17% മുതിർന്നവർക്ക് വിതരണ ശൃംഖല തടസ്സത്തിന്റെയും തൊഴിലാളി ദൗർലഭ്യത്തിന്റെയും വ്യാപകമായ ആഘാതം പ്രതിഫലിച്ചു. ചില അവശ്യ ഗ്രോസറി ഉത്പന്നങ്ങൾ സെപ്റ്റംബർ 22 നും ഒക്ടോബർ 3 നും ഇടയിൽ സൂപ്പർമാർക്കറ്റുകളിൽ ലഭ്യമല്ലാത്തതിനാൽ വാങ്ങാൻ കഴിഞ്ഞില്ലെന്നും സൂചിപ്പിക്കുന്നു.

പ്രതികരിച്ചവരിൽ നാലിലൊന്ന് പേരും (23%) ഒഎൻഎസിനോട് അവശ്യ ഭക്ഷ്യേതര വസ്തുക്കൾ വാങ്ങാൻ കഴിഞ്ഞില്ലെന്നാണ്. അതേസമയം, പതിനഞ്ച് ദിവസമായി തങ്ങളുടെ വാഹനത്തിന് ഇന്ധനം വാങ്ങാൻ കഴിഞ്ഞില്ലെന്ന് 15% റിപ്പോർട്ട് ചെയ്തു.

ഗ്രേറ്റ് ബ്രിട്ടനിലെ 52 ദശലക്ഷത്തിലധികം മുതിർന്നവരിരെ അടിസ്ഥാനമാക്കിയുള്ള ഡാറ്റയിൽ, ശൂന്യമായ സൂപ്പർമാർക്കറ്റ് ഷെൽഫുകളെക്കുറിച്ചുള്ള പരാതികളായിരുന്നു ബഹുഭൂരിപക്ഷവും. വടക്കുകിഴക്കൻ, കിഴക്കൻ മിഡ്‌ലാൻഡ്‌സ് പ്രദേശങ്ങളിൽ പലചരക്ക് ക്ഷാമം ഏറ്റവും ശക്തമായി അനുഭവപ്പെട്ടതായി വ്യക്തമാക്കുന്നു. അവിടെ മുതിർന്നവരിൽ അഞ്ചിലൊന്ന് പേരും (21%) അവർക്ക് ആവശ്യമായ വസ്തുക്കൾ വാങ്ങാൻ കഴിഞ്ഞില്ലെന്ന് ഒ‌എൻ‌എസിനോട് പറഞ്ഞു.

സർവേയിൽ പങ്കെടുത്ത ഏകദേശം മൂന്നിൽ രണ്ട് ഉപഭോക്താക്കളും (61%), ഷോപ്പുകളിൽ സാധാരണയിൽ നിന്നും വ്യാപകമായ ചില വ്യത്യാസങ്ങൾ ശ്രദ്ധയിൽപ്പെട്ടതായി റിപ്പോർട്ടുചെയ്‌തു, അതിൽ ഷെൽഫുകളിൽ അവർ പ്രതീക്ഷിക്കുന്നതിലും വളരെ കുറച്ച് സാധനങ്ങൾ മാത്രം. അല്ലെങ്കിൽ സ്റ്റോക്കിന് പുറത്തുള്ള സാധനങ്ങൾക്ക് പകരക്കാരനെ കണ്ടെത്താൻ കഴിയുന്നില്ല തുടങ്ങിയ പരാതികളും.

മരുന്നുകളുടെ ലഭ്യതയെയും സപ്ലൈ ക്ഷാമം ബാധിച്ചു, മുതിർന്നവരിൽ ഏതാണ്ട് നാലിലൊന്ന് (23%) സാധാരണയുമായി താരതമ്യപ്പെടുത്തുമ്പോൾ വ്യത്യാസങ്ങൾ റിപ്പോർട്ട് ചെയ്യുന്നു, ആളുകൾക്ക് അവരുടെ മരുന്നുകൾ ലഭിക്കാൻ കൂടുതൽ സമയം കാത്തിരിക്കേണ്ടി വന്നിരുന്നു. വിതരണ ശൃംഖല തടസ്സത്തിന്റെയും തൊഴിലാളികളുടെ കുറവും ക്രിസ്മസിനെ ബാധിക്കുന്നതിനെക്കുറിച്ചുള്ള മുന്നറിയിപ്പുകളും വരുന്നുണ്ട്.

അതേസമയം ടെസ്കോയുടെ മുൻ ചീഫ് എക്സിക്യൂട്ടീവ് സർ ഡേവിഡ് ലൂയിസിനെ വിതരണ ശൃംഖല ഉപദേഷ്ടാവായി നിയമിച്ചതായി സർക്കാർ വെള്ളിയാഴ്ച പറഞ്ഞു. യുകെയിലെ ചരക്ക് വിതരണ ശൃംഖലകൾ ഉടനടി മെച്ചപ്പെടുത്തുന്നതിനെക്കുറിച്ച് ലൂയിസ് പ്രധാനമന്ത്രിയുമായി അടിയന്തിര ചർച്ച നടത്തും. അതേസമയം ആവശ്യമായ ദീർഘകാല മാറ്റങ്ങൾ നിർദ്ദേശിക്കുമെന്നും ഡൗണിംഗ് സ്ട്രീറ്റ് പറഞ്ഞു. നിശിതവും ഹ്രസ്വകാലവുമായ പ്രശ്നങ്ങൾ വേഗത്തിൽ പരിഹരിക്കാൻ ലൂയിസ് ഉദ്യോഗസ്ഥരുമായി പ്രവർത്തിക്കും.

Latest News:

Post Your Comments Here ( Click here for malayalam )

Press Esc to close
show more