1 GBP = 99.37
breaking news

ബ്രിസ്റ്റോളിൽ കെമിക്കൽ ടാങ്ക് പൊട്ടിത്തെറിച്ച് നാല് പേർ കൊല്ലപ്പെട്ടു; ഒരാൾക്ക് പരിക്ക്

ബ്രിസ്റ്റോളിൽ കെമിക്കൽ ടാങ്ക് പൊട്ടിത്തെറിച്ച് നാല് പേർ കൊല്ലപ്പെട്ടു; ഒരാൾക്ക് പരിക്ക്

ബ്രിസ്റ്റോൾ: ബ്രിസ്റ്റോളിൽ സീവേജ് ജോലികളിൽ ഏർപ്പെട്ടിരിക്കെ കെമിക്കൽ ടാങ്ക് പൊട്ടിത്തെറിച്ച് നാല് പേർ മരിച്ചതായി സ്ഥിരീകരിച്ചു. ഒരാൾക്ക് പരിക്കുണ്ട്. രാവിലെ അവോൺമൗത്തിലെ സീവേജ് ജോലികളിൽ ഏർപ്പെട്ടിരിക്കുമ്പോഴാണ് ടാങ്കിന് മുകളിൽ ഉണ്ടായിരുന്ന മൂന്ന് വെസെക്സ് വാട്ടർ ജോലിക്കാരും ഒരു കരാറുകാരനും ടാങ്ക് പൊട്ടിത്തെറിച്ച് മരണമടഞ്ഞത്.

അഞ്ചാമത്തെ വ്യക്തിക്കും പരിക്കേറ്റെങ്കിലും അയാളുടെ പരിക്കുകൾ ജീവന് ഭീഷണിയാണെന്ന് കരുതുന്നില്ലെന്ന് അധികൃതർ അറിയിച്ചു. കിംഗ്സ് വെസ്റ്റൺ ലെയ്‌നിലെ ഇൻഡസ്ട്രിയൽ എസ്റ്റേറ്റിൽ സ്‌ഫോടനത്തെത്തുടർന്ന് രണ്ട് സെർച്ച് ആൻഡ് റെസ്ക്യൂ നായ്ക്കളും ആറ് അഗ്നിശമന സേനാംഗങ്ങളും ഉൾപ്പെടുന്ന ഒരു വലിയ ഓപ്പറേഷൻ എമർജൻസി സർവീസ് ക്രൂ ആരംഭിച്ചിരുന്നു. വ്യാഴാഴ്ച്ച രാവിലെയോടെയാണ് അപകടമുണ്ടായത്.

അഗ്നിശമനസേനയാണ് രക്ഷാപ്രവർത്തനത്തിന് നേതൃത്വം നൽകിയത്. എല്ലാവരുടെയും മികച്ച ശ്രമങ്ങൾക്കിടയിലും നാല് മരണങ്ങൾ ഉണ്ടായിട്ടുണ്ടെന്ന് തങ്ങൾക്ക് സ്ഥിരീകരിക്കാൻ കഴിയുമെന്ന് അവോണിന്റെയും സോമർസെറ്റ് പൊലീസിന്റെയും ചീഫ് ഇൻസ്പെക്ടർ മാർക്ക് റുനാക്രസ് പത്രസമ്മേളനത്തിൽ പറഞ്ഞു പ്രത്യേക പരിശീലനം ലഭിച്ച ഉദ്യോഗസ്ഥർ ഇന്ന് ഉച്ചതിരിഞ്ഞ് ആ വ്യക്തികളുടെ ഓരോ കുടുംബവുമായും ബന്ധപ്പെടുകയും ദുഖകരമായ വാർത്ത അവരെ അറിയിക്കുകയും ചെയ്തിട്ടുണ്ട്.
പൊട്ടിത്തെറി പൊതുജനാരോഗ്യത്തിന് യാതൊരു ഭീഷണിയുമില്ലെന്നും അദ്ദേഹം പറഞ്ഞു. ജൈവ മണ്ണ് കണ്ടീഷണറായി ഭൂമിയിലേക്ക് പുനരുപയോഗം ചെയ്യുന്നതിന് മുമ്പ് ടാങ്കുകളിൽ സംസ്കരിച്ച ബയോസോളിഡുകൾ സൂക്ഷിച്ചിരുന്നു.

Latest News:

Post Your Comments Here ( Click here for malayalam )

Press Esc to close
show more