1 GBP = 98.62
breaking news

ആയുർവേദ ഡോക്​ടർമാർക്ക്​ ശസ്​ത്രക്രിയ ചെയ്യാൻ കേന്ദ്രാനുമതി

ആയുർവേദ ഡോക്​ടർമാർക്ക്​ ശസ്​ത്രക്രിയ ചെയ്യാൻ കേന്ദ്രാനുമതി

ന്യൂഡൽഹി: രാജ്യത്ത്​ ആയുർവേദ ഡോക്​ടർമാർക്ക്​ ശസ്​ത്രക്രിയ ചെയ്യാൻ കേന്ദ്രസർക്കാർ അനുമതി നൽകി. ജനറൽ സർജറികൾ, ഇ.എൻ.ടി, ഒഫ്​താൽമോളജി, ഓർ​ത്തോ, ദന്തശസ്​ക്രിയ തുടങ്ങിയവ നടത്താനാണ്​ അനുമതി.

ബിരുദാനന്തര ബിരുദ വിദ്യർഥികൾക്ക്​ ഇവ പ്രാക്​ടീസ്​​ ചെയ്യാനാകും. ഇതിനായി 2016ലെ മെഡിസിൻ സെൻട്രൽ കൗൺസിൽ റെഗ​ുലേഷൻസ്​ ഭേദഗതി ചെയ്​തു. ബിരുദാനന്തര ബിരുദ വിദ്യാർഥികളുടെ കരിക്കുലത്തിൽ ശല്യ (ജനറൽ സർജറി), ശാലക്യ (ചെവി, മൂക്ക്​, തൊണ്ട) തുടങ്ങിയവ ഉൾപ്പെടുത്തും. ശാസ്​ത്രകിയയുടെ എം.എസ്​ ശല്യ തന്ത്ര, എം.എസ്​ ആയുർവേദ ശാലക്യതന്ത്ര തുടങ്ങിയവയിൽ രണ്ടു സ്​ട്രീമുകളിൽ പരിശീലനം നൽകും. സ്​പെഷലൈസ്​ഡ്​ ആയുർവേദ ഡോക്​ടർമാർക്കും ശസ്​ത്രക്രിയ ചെയ്യാൻ അനുമതി നൽകുക. 

അതേസമയം കേന്ദ്രസർക്കാർ തീരുമാനത്തിനെതിരെ ഇന്ത്യൻ മെഡിക്കൽ അസോസിയേഷൻ രംഗത്തെത്തി. ആധുനിക വൈദ്യശാസ്​ത്രത്തെ പരമ്പരാഗത ചികിത്സ രീതികളായ ആയുർവേദ, യോഗ, നാച്യുറോപതി, യുനാനി, സിദ്ധ, ഹോമിയോപതി തുടങ്ങിയവയുമായി കൂട്ടിക്കെട്ടരുതെന്ന്​ ഐ.എം.എ പറഞ്ഞു. കേന്ദ്ര സർക്കാർ നടപടിയെ അപലപിച്ച ഐ.എം.എ, തീരുമാനത്തെ ദുരന്തത്തി​െൻറ കോക്​ടെയിൽ എന്നുവിളിക്കുകയും ചെയ്​തു.

Latest News:

Post Your Comments Here ( Click here for malayalam )

Press Esc to close
show more