- അസാധാരണ നീക്കം; ചീഫ് സെക്രട്ടറിക്ക് വക്കീൽ നോട്ടീസ് അയച്ച് എൻ പ്രശാന്ത് IAS
- അറുപത്തി മൂന്നാമത് കേരള സ്കൂൾ കലോത്സവത്തിൻ്റെ പ്രോഗ്രാം ഷെഡ്യൂൾ തയ്യാർ
- ഹരിയാന മുന്‍ മുഖ്യമന്ത്രി ഓം പ്രകാശ് ചൗട്ടാല അന്തരിച്ചു
- ജനറല് ബിപിന് റാവത്തിന്റെ മരണത്തിനു കാരണമായ ഹെലികോപ്റ്റര് അപകടം: മാനുഷിക പിഴവെന്ന് റിപ്പോര്ട്ട്
- പ്ലസ്ടു വിദ്യാര്ത്ഥിനിയുടെ മരണം: ഗര്ഭസ്ഥശിശു സഹപാഠിയുടേത് തന്നെ, ഡിഎന്എ പരിശോധനയില് സ്ഥിരീകരണം
- ഇടുക്കിയിൽ സഹകരണ ബാങ്കിന് മുന്നിൽ നിക്ഷേപകൻ ആത്മഹത്യ ചെയ്തു; ആത്മഹത്യാകുറിപ്പ് കണ്ടെത്തി
- കോതമംഗലത്തെ ആറു വയസ്സുകാരിയുടെ കൊലപാതകം:ദുര്മന്ത്രവാദവുമായി ബന്ധമില്ല; സ്വന്തം കുട്ടി അല്ലാത്തതിനാല് ഒഴിവാക്കാനാണ് കൊല നടത്തിയതെന്ന് രണ്ടാനമ്മ
യുക്മയുടെ ഏഴാമത് ദേശീയ കലാമേളയിലേക്ക് സ്വാഗതം….
പ്രിയ സുഹൃത്തുക്കളെ, യുക്മ സ്‌നേഹികളെ,
യുകെ മലയാളികള്‍ക്കൊരു ദേശീയ പ്രസ്ഥാനമെന്ന സ്വപ്നത്തിന്റെ സാക്ഷാത്ക്കാരമാണ് ‘യൂണിയന്‍ ഓഫ് യുകെ മലയാളി അസ്സോസിയേഷന്‍സ്’ എന്ന യുക്മ. സംഘടന പിറവിയെടുത്തിട്ട് ഏഴ് വര്‍ഷങ്ങള്‍ പിന്നിട്ടു കഴിഞ്ഞു. ഏഴാമത് ദേശീയ കലാമേളയുമായി യുക്മ ഇതാ നിങ്ങളുടെ മുന്നിലേക്ക് എത്തുകയായി.
നവംബര്‍ അഞ്ചാം തീയതി ശനിയാഴ്ച കവന്‍ട്രിക്കടുത്തുള്ള വാര്‍വിക് ഷെയറിലെ മൈറ്റന്‍ സ്‌കൂളില്‍ നടക്കുന്ന യുക്മ ദേശീയ കലാമേളയിലേക്ക് ഏവരെയും സകുടുംബം സ്വാഗതം ചെയ്യുന്നു. മലയാളത്തിന്റെ മഹാകവി പ്രൊഫസര്‍ ഒ.എന്‍.വി. കുറുപ്പിന്റെ സ്മരണക്കായി അദ്ദേഹത്തിന്റെ പേരില്‍ നാമകരണം ചെയ്തിരിക്കുന്ന കലാമേള നഗറില്‍ ഒരേ സമയം നാല് സ്റ്റേജ്കളിലായാണ് മത്സരങ്ങള്‍ നടക്കുന്നത്.
ദേശീയ കലാമേളയ്ക്ക് മുന്നോടിയായുള്ള ആവേശകരമായ റീജിയണല്‍ മത്സരങ്ങള്‍ പൂര്‍ത്തിയായിക്കഴിഞ്ഞു. റീജിയണല്‍ മത്സര വിജയികളായ 700 ഓളം മത്സരാര്‍ഥികള്‍ അഞ്ച് വിഭാഗങ്ങളിലായി 41 ഇനങ്ങളില്‍ ദേശീയ കലാമേളയില്‍ മാറ്റുരക്കുന്നു. വിശാലമായ സൗജന്യ കാര്‍ പാര്‍ക്കിംഗ് സൗകര്യങ്ങളോടുകൂടിയ കലാമേള നഗറില്‍ മിതമായ നിരക്കില്‍, രാവിലെ 9 മണി മുതല്‍ രാത്രി 11 മണി വരെ തുറന്ന് പ്രവര്‍ത്തിക്കുന്ന, കേരളീയ വിഭവങ്ങളുടെ ഭക്ഷണശാലയും ഒരുക്കിയിട്ടുണ്ട്.
കലാമേളയുടെ വര്‍ദ്ധിച്ചുവരുന്ന ചെലവുകളിലേക്കായി, അഞ്ചു വയസിന് മുകളിലുള്ള എല്ലാവരും ഒരു മുഴുവന്‍ ദിവസത്തേക്ക് കലാമേള നഗറിലേക്കുള്ള പ്രവേശന ഫീസായി £3 നല്‍കേണ്ടതാണ്. രാവിലെ കൃത്യം പത്തുമണിക്ക് ആരംഭിക്കുന്ന മത്സരങ്ങള്‍ രാത്രി പത്തുമണി വരെ നീണ്ടുനില്‍ക്കും.
കുടുംബത്തോടൊപ്പം ഒരു ദിവസം മുഴുവനായി ഈ മഹോത്സവത്തില്‍ പങ്കെടുക്കുവാന്‍ നിങ്ങളോരോരുത്തരെയും വിനയപൂര്‍വം ക്ഷണിക്കുകയാണ്. ഇതു നമ്മുടെ സാംസ്‌ക്കാരിക തനിമയുടെ ആഘോഷമാണ്. നമ്മുടെ വരുംതലമുറയിലെ കലാകാരന്മാരെയും കലാകാരികളെയും പ്രോത്സാഹിപ്പിക്കേണ്ടത് നമ്മുടെയെല്ലാം കടമയാണ്. ഒപ്പം എല്ലാം മറന്ന് നാം ഒരു ദിവസം ഈ സാംസ്‌ക്കാരിക ഉത്സവത്തിന്റെ ഭാഗമാവുകയും ചെയ്യുന്നു. ഒരിക്കല്‍ കൂടി എല്ലാവരെയും യുക്മ ദേശീയ കലാമേളയിലേക്കു സ്വാഗതം ചെയ്യുന്നു.
കലാമേള നഗറിന്റെ മേല്‍വിലാസം താഴെ കൊടുക്കുന്നു:-
ONV Nagar, Myton School, Myton Road, Warwick – CV34 6PJ
നവംബര്‍ അഞ്ചിന് കണ്ടുമുട്ടാം എന്ന പ്രതീക്ഷയോടെ
ഏറ്റവും സ്‌നേഹപൂര്‍വ്വം
സജീഷ് ടോം
യുക്മ ദേശീയ ജനറല്‍സെക്രട്ടറി
click on malayalam character to switch languages