1 GBP = 126.35
Logos
breaking news

യൂറോപ്യൻ യൂണിയനിൽ വീണ്ടും ചേരുന്നതിനുള്ള സാധ്യതയിലേക്ക് വാതിൽ തുറന്ന് പ്രധാനമന്ത്രി

  • Oct 01, 2026
യൂറോപ്യൻ യൂണിയനിൽ വീണ്ടും ചേരുന്നതിനുള്ള സാധ്യതയിലേക്ക് വാതിൽ തുറന്ന് പ്രധാനമന്ത്രി

ലണ്ടൻ: ബ്രെക്സിറ്റിന് ശേഷമുള്ള ലേബർ പാർട്ടിയുടെ കർശനമായ നിലപാടുകൾ പുനഃപരിശോധിക്കാൻ ഒരുങ്ങുന്നതിനിടെ, യുകെ വീണ്ടും യൂറോപ്യൻ യൂണിയനിൽ ചേരുന്നതിനുള്ള സാധ്യതയിലേക്ക് ആൻഡി ബർണാം വാതിൽ തുറന്നിട്ടിരിക്കുന്നു. ഇതിനായി “പൂർണ്ണമായ തിരിച്ചുവരവ്” (go all the way) എന്ന വഴി പോലും പരിഗണിക്കാമെന്ന് അദ്ദേഹം സൂചിപ്പിച്ചു.

ലേബർ പാർട്ടി സമ്മേളനത്തിലെ വികാരാധീനമായ പ്രസംഗത്തിന് ശേഷം നൽകിയ അഭിമുഖങ്ങളിൽ, ബ്രെക്സിറ്റ് ഗുണത്തേക്കാളേറെ ദോഷമാണ് വരുത്തിയതെന്ന് ചൂണ്ടിക്കാട്ടിയ അദ്ദേഹം, ബ്രസ്സൽസുമായുള്ള (യൂറോപ്യൻ യൂണിയനുമായുള്ള) ബ്രിട്ടന്റെ ഭാവിയെക്കുറിച്ച് എത്രത്തോളം വിപുലമായ ആലോചനകളാണ് നടത്തുന്നതെന്ന് വിശദീകരിച്ചു.

നിലവിലെ ക്രമീകരണങ്ങൾ തുടരുക, കസ്റ്റംസ് യൂണിയൻ രൂപീകരിക്കുക, സിംഗിൾ മാർക്കറ്റിലേക്ക് (ഏക വിപണി) മടങ്ങുക, അല്ലെങ്കിൽ പൂർണ്ണമായ യൂറോപ്യൻ യൂണിയൻ അംഗത്വത്തിലേക്ക് നീങ്ങുക എന്നിങ്ങനെ വിവിധ സാധ്യതകൾ സർക്കാരിന് മുന്നിലുണ്ടെന്ന് ബർണാം പറഞ്ഞു. ഓരോ മാർഗ്ഗത്തിന്റെയും ഗുണദോഷങ്ങളും പ്രായോഗികതയും മന്ത്രിമാർ പരിശോധിക്കുമെന്ന് മാധ്യങ്ങളോട് സംസാരിക്കവെ അദ്ദേഹം വ്യക്തമാക്കി.

യുകെ വീണ്ടും യൂറോപ്യൻ യൂണിയനിൽ ചേരണമെന്ന് ആഗ്രഹിക്കുന്നുണ്ടോ എന്ന ചോദ്യത്തിന്, വിവിധ സാധ്യതകൾ പരിശോധിക്കാനാണ് താൻ ആഗ്രഹിക്കുന്നതെന്ന് റേഡിയോ 4-ന്റെ ‘ടുഡേ’ പരിപാടിയിൽ അദ്ദേഹം മറുപടി നൽകി. “നമുക്ക് നിലവിലെ അവസ്ഥയിൽ തന്നെ തുടരാം, ജനങ്ങൾ അതാണ് ശരിയായ മാർഗ്ഗമെന്ന് കരുതുന്നുവെങ്കിൽ തീർച്ചയായും അതൊരു സാധ്യതയാണ്. കസ്റ്റംസ് യൂണിയനെക്കുറിച്ച് ജോർജ്ജ് ഓസ്ബോൺ പറഞ്ഞ കാര്യങ്ങൾ നമുക്ക് പരിശോധിക്കാം, സിംഗിൾ മാർക്കറ്റിനെക്കുറിച്ച് ലിബറൽ ഡെമോക്രാറ്റുകൾ അവരുടെ സമ്മേളനത്തിൽ പറഞ്ഞത് പരിഗണിക്കാം, അല്ലെങ്കിൽ പൂർണ്ണമായ തിരിച്ചുവരവ് എന്ന വഴി തിരഞ്ഞെടുക്കാം.” അദ്ദേഹം കൂട്ടിച്ചേർത്തു.

2024-ലെ തിരഞ്ഞെടുപ്പിൽ ലേബർ പാർട്ടി സ്വീകരിച്ചിരുന്ന നിലപാടിൽ നിന്നുള്ള സുപ്രധാനമായ മാറ്റമാണിത്. യൂറോപ്യൻ യൂണിയന്റെ സിംഗിൾ മാർക്കറ്റിലേക്കോ കസ്റ്റംസ് യൂണിയനിലേക്കോ മടങ്ങുന്നതിനെയോ, അതുപോലെ ജനങ്ങളുടെ സ്വതന്ത്ര സഞ്ചാരത്തിനുള്ള അവകാശം (freedom of movement) പുനഃസ്ഥാപിക്കുന്നതിനെയോ പാർട്ടി പ്രകടനപത്രികയിൽ അസന്ദിഗ്ധമായി തള്ളിക്കളഞ്ഞിരുന്നു.

ഒരു കസ്റ്റംസ് യൂണിയൻ നിലവിൽ വന്നാൽ, ചരക്ക് വ്യാപാരത്തിന്റെ കാര്യത്തിൽ ബ്രിട്ടൻ യൂറോപ്യൻ യൂണിയനുമായി കൂടുതൽ അടുക്കും. മറ്റ് രാജ്യങ്ങളിൽ നിന്നുള്ള ഇറക്കുമതിക്ക് യുകെയും യൂറോപ്യൻ യൂണിയനും ഒരേ തീരുവകൾ ഏർപ്പെടുത്തും. അതുവഴി ബ്രെക്സിറ്റിനുശേഷം ബിസിനസുകൾ നേരിട്ട വ്യാപാര തടസ്സങ്ങൾ നീക്കം ചെയ്യപ്പെടും. എന്നാൽ, ഇത് മാത്രം കൊണ്ട് ബ്രിട്ടൻ വിശാലമായ ‘സിംഗിൾ മാർക്കറ്റിൽ’ തിരിച്ചെത്തുകയോ അതിർത്തിയിലെ എല്ലാ പരിശോധനകളും ഒഴിവാക്കപ്പെടുകയോ ചെയ്യില്ല.

ബ്രിട്ടൻ സിംഗിൾ മാർക്കറ്റിൽ വീണ്ടും ചേരുകയാണെങ്കിൽ, അത് സുപ്രധാനമായ ഒരു ചുവടുവെപ്പായിരിക്കും. കാരണം, യൂറോപ്യൻ യൂണിയന്റെ നിയമങ്ങളുമായി കൂടുതൽ പൊരുത്തപ്പെട്ട് പോകാൻ രാജ്യം തയ്യാറാകേണ്ടിവരും. “തീർച്ചയായും പരിഗണിക്കേണ്ട പല സാധ്യതകളുമുണ്ട്; പ്രായോഗികമായി എന്തൊക്കെ ചെയ്യാനാകും, ഓരോന്നിന്റെയും ഗുണദോഷങ്ങൾ എന്തൊക്കെയാണ് എന്നിവ നാം പരിശോധിക്കേണ്ടതുണ്ട്,” ബർൺഹാം പറഞ്ഞു.

കൃത്യമായ സമയക്രമമോ വിശദാംശങ്ങളോ ബർൺഹാം മുന്നോട്ടുവെച്ചിട്ടില്ലെങ്കിലും, പൂർണ്ണമായ സഹകരണം എന്നതിനർത്ഥം യൂറോപ്യൻ യൂണിയൻ അംഗത്വം പരിഗണിക്കുക എന്നത് തന്നെയാണ്. തന്റെ സമ്മേളന പ്രസംഗത്തേക്കാൾ കൂടുതൽ വ്യക്തമായ നിലപാടാണ് ബുധനാഴ്ച നടന്ന അഭിമുഖങ്ങളിൽ അദ്ദേഹം സ്വീകരിച്ചത്. ഏറ്റവും വലിയ വ്യാപാര പങ്കാളിയുമായുള്ള ദീർഘകാല ബന്ധത്തെക്കുറിച്ചുള്ള തീരുമാനമെടുക്കുന്നത് ബ്രിട്ടന് ഇനി നീട്ടിക്കൊണ്ടുപോകാനാവില്ലെന്ന് അദ്ദേഹം പ്രതിനിധികളോട് പറഞ്ഞിരുന്നു.

നവംബറിൽ നടക്കാനിരിക്കുന്ന യുകെ-യൂറോപ്യൻ യൂണിയൻ ഉച്ചകോടിയോട് അനുബന്ധിച്ച്, രാജ്യം നേരിടുന്ന വിവിധ സാധ്യതകൾ വ്യക്തമാക്കുമെന്ന് പ്രധാനമന്ത്രി ഉറപ്പുനൽകിയിട്ടുണ്ട്. കീർ സ്റ്റാർമറുടെ നേതൃത്വത്തിൽ ജൂലൈയിൽ നടക്കേണ്ടിയിരുന്ന ഉച്ചകോടി, അദ്ദേഹത്തിന്റെ രാജിയെത്തുടർന്ന് മാറ്റിവെക്കുകയായിരുന്നു.

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 4,548
More Videos
യുക്മ കേരളപൂരത്തിന് ആവേശം പകരാൻ സ്വാഗതഗാനം പുറത്തിറക്കി; ദേവലാൽ സഹദേവൻ ചിട്ടപ്പെടുത്തിയ ഗാനം സോഷ്യൽ മീഡിയയിൽ തരംഗമാകുന്നു
More Gallery
ലോകകപ്പ് വേദിയിൽ സുരക്ഷാ ആശങ്ക; ഇംഗ്ലണ്ട് ക്യാമ്പിന് സമീപം വെടിവെപ്പ്, 9 പേർക്ക് പരിക്ക്

Latest Updates

show more

uukma special

show more