1 GBP = 97.79
breaking news

ലെസ്റ്ററിന് പിന്നാലെ സതാംപ്ടനും ലോക്കൽ ലോക്ക്ഡൗണിലേക്കോ? ഇംഗ്ലണ്ടിലെ 43 കൗൺസിൽ പ്രദേശങ്ങളിൽ കോവിഡ് -19 കേസുകൾ വർദ്ധിക്കുന്നതായി റിപ്പോർട്ട്; സതാംപ്ടൺ മുന്നിൽ

ലെസ്റ്ററിന് പിന്നാലെ സതാംപ്ടനും ലോക്കൽ ലോക്ക്ഡൗണിലേക്കോ? ഇംഗ്ലണ്ടിലെ 43 കൗൺസിൽ പ്രദേശങ്ങളിൽ കോവിഡ് -19 കേസുകൾ വർദ്ധിക്കുന്നതായി റിപ്പോർട്ട്; സതാംപ്ടൺ മുന്നിൽ

ലണ്ടൻ: ലെസ്റ്ററിന് പിന്നാലെ സതാംപ്ടനും ലോക്കൽ ലോക്ക്ഡൗണിലേക്ക് പോകുമോ? ഒരാഴ്ചക്കിടെ കൊറോണ വൈറസ് അണുബാധ നിരക്കിൽ വൻ വർദ്ധനവാണ് സതാംപ്ടണിൽ രേഖപ്പെടുത്തിയിരിക്കുന്നത്. കഴിഞ്ഞ ഒരാഴ്ചയ്ക്കിടെ ഇംഗ്ലണ്ടിലെ നാൽപത്തിമൂന്ന് കൗൺസിൽ പ്രദേശങ്ങളിൽ കോവിഡ് -19 കേസുകളിൽ ദേശീയ ശരാശരിയേക്കാളും വർദ്ധനവ് രേഖപ്പെടുത്തി. അതേസമയം ലോക്കൽ ലോക്ക്ഡൗൺ ഏർപ്പെടുത്തിയ ലെസ്റ്ററിൽ കോവിഡ് കേസുകളുടെ എണ്ണത്തിൽ ഒരാഴ്ചക്കിടെ 18 ശതമാനം കുറഞ്ഞുവെന്ന് ഔദ്യോഗിക കണക്കുകൾ വെളിപ്പെടുത്തി.

അണുബാധ നിരക്കിൽ നിലവിൽ സതാംപ്ടനാണ് മുന്നിൽ. 12 ഇരട്ടിയാണ് ഇവിടെ വര്‍ദ്ധന. ഒരു ലക്ഷത്തില്‍ 0.4 കേസുകള്‍ മാത്രം റിപ്പോര്‍ട്ട് ചെയ്ത ഇവിടെ ജുലൈ 5ന് 4.8 കേസുകളായി ഉയര്‍ന്നു. ബ്രോംലി, ഇസ്ലിംഗ്ടൺ എന്നിവയിലും വൻ വർധനയുണ്ടായി. ലണ്ടൻ നഗരങ്ങളിൽ പൊട്ടിപ്പുറപ്പെട്ടവർ യഥാക്രമം ഒരു ലക്ഷത്തിൽ 0.6 മുതൽ 2.1 വരെയും 0.8 മുതൽ 2.9 വരെയും വർദ്ധിച്ചു.ലണ്ടന്‍ ബറോകളിലെ മഹാമാരി 0.6ല്‍ നിന്നും 2.1-ലേക്കും, 0.8-ല്‍ നിന്ന് 2.9 കേസുകളിലേക്കുമാണ് യഥാക്രമം വര്‍ദ്ധിച്ചത്. പബ്ലിക് ഹെല്‍ത്ത് ഇംഗ്ലണ്ട് നിലവില്‍ 10 ഹോട്ട്‌സ്‌പോട്ടുകളായി ഉള്‍പ്പെടുത്തിയ ഇടങ്ങളില്‍ മൂന്ന് മേഖലകളില്‍ മാത്രമാണ് കഴിഞ്ഞ ആഴ്ചയിലും ഇന്‍ഫെക്ഷന്‍ നിരക്ക് കൂടിയിട്ടുള്ളത്.

സൗത്താംപ്ടണ്‍, ബ്രോംലി, ഐലിംഗ്ടണ്‍, ഗേറ്റ്‌സ്‌ഹെഡ്, ഹാക്ക്‌നി, ലാംബെത്, ഹാംപ്ഷയര്‍, കവന്‍ട്രി, ന്യൂഹാം, ഗ്ലോസ്റ്റര്‍ഷയര്‍ എന്നിവിടങ്ങളാണ് കേസുകളില്‍ കുതിപ്പ് നേടി ആദ്യ പത്തില്‍ ഇടംപിടിച്ച പ്രദേശങ്ങള്‍.

ബ്രിട്ടനിൽ ഇരുപത്തിനാലു മണിക്കൂറിനിടെ 85 പേര്‍ കൂടി കൊവിഡ് ബാധിച്ച് മരിച്ചതായാണ് അധികൃതര്‍ സ്ഥിരീകരിച്ചിരിക്കുന്നത്. കൊറോണ മരണമില്ലാതെ നോര്‍ത്തേണ്‍ അയര്‍ലണ്ട് ഒരാഴ്ച തികച്ചു. ബ്രിട്ടനിലെ ആകെ മരണസംഖ്യ ഇപ്പോള്‍ 44,602 ആയി.

Latest News:

Post Your Comments Here ( Click here for malayalam )

Press Esc to close
show more