1 GBP = 104.26
breaking news

പെരുമ്പാവൂര്‍ പള്ളിയില്‍ വീണ്ടും സംഘര്‍ഷം

പെരുമ്പാവൂര്‍ പള്ളിയില്‍ വീണ്ടും സംഘര്‍ഷം

എറണാകുളം പെരുമ്പാവൂര്‍ ബഥേല്‍ സുലോക്കോ പള്ളിയില്‍ ഓര്‍ത്തഡോക്‌സ് യാക്കോബായ വിഭാഗങ്ങള്‍ തമ്മില്‍ വീണ്ടും സംഘര്‍ഷം. ഇന്നലെ ഓര്‍ത്തോഡോക്‌സ് വിഭാഗം പള്ളിയില്‍ പ്രവേശിച്ചതിനെ തുടര്‍ന്നാണ് സംഘര്‍ഷം ഉടലെടുത്തത്. കോടതി വിധി ചൂണ്ടിക്കാട്ടിയാണ് ഓര്‍ത്തഡോക്‌സ് വിഭാഗം പള്ളിയില്‍ എത്തിയത്.

ഇന്നലെ രാവിലെ പതിനൊന്ന് മണിയോടെയാണ് ഇരുപതോളം വരുന്ന ഓര്‍ത്തഡോക്‌സ് വിഭാഗക്കാര്‍ പെരുമ്പാവൂര്‍ ബഥേല്‍ സുല്ലോക്കോ പള്ളിയില്‍ പ്രവേശിച്ചത്. തുടര്‍ന്ന് യാക്കോബായ വിഭാഗം പ്രതിഷേധവുമായി രംഗത്ത് വന്നതോടെയാണ് സംഘര്‍ഷം ഉടലെടുത്തത്.

ഒരു വിഭാഗം യാക്കോബായക്കാര്‍ പള്ളിക്കകത്തും ഓര്‍ത്തഡോക്‌സ് വിഭാഗക്കാര്‍ പള്ളിയുടെ വരാന്തയിലും നിലയുറപ്പിച്ചു. ഇതോടൊപ്പം ഇരു വിഭാഗങ്ങളും പള്ളിയുടെ പുറത്തും പ്രതിഷേധവുമായി രംഗത്തെത്തി. കോടതി വിധിയുടെ അടിസ്ഥാനത്തില്‍ പള്ളിയില്‍ പ്രവേശിക്കാന്‍ തങ്ങള്‍ക്കധികാരമുണ്ടെന്ന് ഓര്‍ത്തഡോക്‌സ് വിഭാഗം വ്യക്തമാക്കി.

അതേസമയം, പള്ളിയുടെ നിര്‍മാണ പ്രവൃത്തികളില്‍ യാതൊരു പങ്കും വഹിക്കാത്ത ഓര്‍ത്തഡോക്‌സ് വിഭാഗത്തെ പള്ളിയില്‍ നിന്ന് പുറത്താക്കണമെന്നാണ് യാക്കോബായ വിഭാഗത്തിന്റെ ആവശ്യം. നേരത്തെ പള്ളിയില്‍ സംഘര്‍ഷാവസ്ഥ ഉടലെടുത്തതിനാല്‍ എട്ട് ദിവസത്തേക്ക് പള്ളി അടച്ചിട്ടിരുന്നു.

Latest News:

Post Your Comments Here ( Click here for malayalam )

Press Esc to close
show more