1 GBP =
breaking news

നിലയ്​ക്കലിൽ ശബരിമല തീർഥാടകരുടെ വാഹനം തടഞ്ഞ്​ പരിശോധച്ചവരെ പൊലീസ്​ അറസ്​റ്റ്​ ചെയ്​ത്​ നീക്കി

നിലയ്​ക്കലിൽ ശബരിമല തീർഥാടകരുടെ വാഹനം തടഞ്ഞ്​ പരിശോധച്ചവരെ പൊലീസ്​ അറസ്​റ്റ്​ ചെയ്​ത്​ നീക്കി

പത്തനംതിട്ട: നിലയ്​ക്കലിൽ ശബരിമല തീർഥാടകരുടെ വാഹനം തടഞ്ഞ്​ പരിശോധച്ചവരെ പൊലീസ്​ അറസ്​റ്റ്​ ചെയ്​ത്​ നീക്കി. വാഹനം തടഞ്ഞ്​ പരിശോധിച്ച അഞ്ച്​ പേരെയാണ്​ അറസ്​റ്റ്​ ചെയ്​തത്​. വാഹനം തടഞ്ഞവർക്കെതിരെ കേസ്​ എടുത്തതിന്​ പിന്നാലെയാണ്​ നടപടി. അറസ്​റ്റിലായവർ മദ്യപിച്ചിട്ടുണ്ടെന്നും പൊലീസ്​ അറിയിച്ചു.

സംഘർഷ സാധ്യത നിലയ്​ക്കലിൽ കൂടുതൽ പൊലീസുകാരെ വിന്യസിച്ചിട്ടുണ്ട്​. തീർഥാടകരെ തടയുന്നവർക്കെതിരെ കർശന നടപടിയെടുക്കണമെന്ന ഡി.ജി.പി നിർദേശം വന്നതിന്​ പിന്നാലെയാണ്​ പൊലീസ്​ അറസ്​റ്റിലേക്ക്​ നീങ്ങിയത്​. അതേ സമയം, ശബരിമലയിലെ നിലവിലെ സ്ഥിതിഗതികൾ വിലയിരുത്താൻ ദേവസ്വം മന്ത്രി കടകംപള്ളി സുരേന്ദ്രനും ദേവസ്വം ബോർഡ്​ പ്രസിഡൻറ്​ പത്​മകുമാറും പമ്പയിലെത്തി.

ശബരിമല നട ഇന്ന്​ തുറക്കാനിരിക്കെ സ്​ത്രീകൾ പമ്പയിൽ എത്തുന്നത്​​ തടയുന്നതിനായി നിലയ്​ക്കലിൽ ഒരു സംഘം ആളുകൾ വാഹനങ്ങൾ പരിശോധിക്കുകയായിരുന്നു​. സ്​ത്രീകൾ ഇല്ലെന്ന്​ ഉറപ്പ്​ വരുത്തിയതിന്​ ശേഷമാണ്​ വാഹനങ്ങൾ കടത്തി വിട്ടത്​​. കെ.എസ്​.ആർ.ടി.സി ബസുകളിൽ നിന്ന്​ ​സ്ത്രീകളെ ഇറക്കി വിട്ട സംഭവവും  ഉണ്ടായിരുന്നു

Post Your Comments Here ( Click here for malayalam )

Press Esc to close
show more