1 GBP = 102.28
breaking news

പ്രീമിയർ ലീഗ്: ചെൽസിയെ തകർത്ത്​ ആഴ്​സനൽ​

പ്രീമിയർ ലീഗ്: ചെൽസിയെ തകർത്ത്​ ആഴ്​സനൽ​

ലണ്ടൻ: ഇംഗ്ലീഷ്​ പ്രീമിയർലീഗ്​ ഫുട്​ബാളിൽ കരുത്തൻമാരുടെ പോരാട്ടത്തിൽ ആഴ്​സനലിന് ജയം. മൈക്കൽ ആർടേറ്റയുടെ ആഴ്​സനൽ 3-1ന്​ ചെൽസിയെ തോൽപിച്ചു. മറ്റൊരു മത്സരത്തിൽ മുൻ ജേതാക്കളായ മാഞ്ചസ്റ്റർ സിറ്റി ന്യൂകാസിൽ യുനൈറ്റഡിനെ ഏകപക്ഷീയമായ രണ്ട്​ ഗോളിന്​ മറികടന്നു.

അവസാന ഏഴ്​ പ്രീമിയർ ലീഗ്​ മത്സരങ്ങളിൽ അഞ്ചും തോറ്റ ശേഷമാണ്​ ബോക്​സിങ്​ഡേയിൽ എമിറേറ്റ്​സ്​ സ്​റ്റേഡിയത്തിൽ ഗണ്ണേഴ്​സ്​ കളിക്കാനിറങ്ങിയത്​. 34ാം മിനിറ്റിൽ അലക്​സാണ്ട്ര ലാകസറ്റെയാണ്​ ആഴ്​സനലിനെ പെനാൽറ്റിയിലൂടെ മുന്നിലെത്തിച്ചത്​. പിന്നാലെ ഫ്രീകിക്ക്​ ഗോളിലൂടെ ഗ്രാനിത്​ ഷാക്ക ലീഡുയർത്തി. 

ആദ്യ പകുതി അവസാനിക്കു​േമ്പാൾ ഗണ്ണേഴ്​സ്​ 2-0ത്തിന്​ മുന്നിലായിരുന്നു. 56ാം മിനിറ്റിൽ ബുകായോ സാക ആഴ്​സനലിനായി മൂന്നാം ഗോൾ വലയിലാക്കി. 85ാം മിനിറ്റിൽ ടാമി എബ്രഹാമാണ്​ ചെൽസിയുടെ ആശ്വാസഗോൾ നേടിയത്​. വാർ സമ്മാനിച്ചതായിരുന്നു ഗോൾ. 90ാം മിനിറ്റിൽ ചെൽസിക്ക്​ അനുകൂലമായി പെനാൽറ്റി ലഭിച്ചിരുന്നു. എന്നാൽ ജോർജീന്യോ എടുത്ത കിക്ക്​ ആഴ്​സനൽ ഗോളി തടുത്തു. അവസാനം കളിച്ച നാലിൽ മൂന്നാം മത്സരത്തിലാണ്​ ചെൽസി തോൽക്കുന്നത്​.

മറ്റൊരു മത്സരത്തിൽ മാഞ്ചസ്റ്റർ സിറ്റി 2-0ത്തിന്​ ന്യൂകാസിൽ യുനൈറ്റഡിനെ തോൽപിച്ചു. ഇൽകായ്​ ഗുണ്ടോകൻ, ഫെറാൻ ടോറസ്​ എന്നിവരാണ്​ സ്​കോർ ചെയ്​തത്​. 15 മത്സരങ്ങളിൽ നിന്ന്​ 17 പോയന്‍റുമായി ആഴ്​സനൽ 14ാം സ്​ഥാനത്താണ്​. 25 പോയന്‍റുള്ള ചെൽസി ഏഴാം സ്​ഥാനത്ത്​ നിൽക്കുന്നു. 14 കളികളിൽ നിന്ന്​ 26 പോയന്‍റുമായി സിറ്റി അഞ്ചാം സ്​ഥാനത്തെത്തി. 31 പോയന്‍റുള്ള ലിവർപൂളാണ്​ ഒന്നാം സ്​ഥാനത്ത്​. ​

Latest News:

Post Your Comments Here ( Click here for malayalam )

Press Esc to close
show more