1 GBP = 105.12
breaking news

നരേന്ദ്രമോദിയുടെ തമിഴ്​നാട്​ സന്ദർശനത്തിന്​ മുന്നോടിയായി ട്വിറ്ററിൽ വീണ്ടും പ്രതിഷേധം

നരേന്ദ്രമോദിയുടെ തമിഴ്​നാട്​ സന്ദർശനത്തിന്​ മുന്നോടിയായി ട്വിറ്ററിൽ വീണ്ടും പ്രതിഷേധം

ചെന്നൈ: പ്രധാനമന്ത്രി നരേന്ദ്രമോദിയുടെ തമിഴ്​നാട്​ സന്ദർശനത്തിന്​ മുന്നോടിയായി ട്വിറ്ററിൽ വീണ്ടും പ്രതിഷേധം. ​കഴിഞ്ഞ ആഴ്ചയിൽ ‘ഗോ ബാക്ക്​ മോദി’യായിരുന്നു ട്രെൻഡിങ്ങിലെങ്കിൽ ഇത്തവണ ‘ഗോ ബാക്ക്​ ഫാഷിസ്റ്റ്​ മോദി’യായി.

മോദിയു​െട എല്ലാ തമിഴ്​നാട്​ സന്ദർശന വേളയിലും ഗോ ​ബാക്ക്​ മോദി ഹാഷ്​ടാഗ്​ ട്വിറ്ററിൽ ട്രെൻഡിങ്ങിലെത്തിയിരുന്നു. തൊട്ടു​മുമ്പ്​ കേരളവും തമിഴ്​നാടും സന്ദർശിക്കാനെത്തിയപ്പോൾ ‘പോ മോനേ മോദി’യും ട്രെൻഡിങ്ങിലെത്തിയിരുന്നു. തൊഴിലില്ലായ്​മ നിരക്ക്​, ഇന്ധന -പാചക വാതക വിലവർധന, കർഷക സമരം തുടങ്ങിയവ ഉയർത്തിക്കാട്ടിയാണ്​ പ്രതിഷേധം.

തെരഞ്ഞെടുപ്പ്​ അടുത്തിരിക്കെയാണ്​ മോദിയുടെ തുടർച്ചയായ തമിഴ്​നാട്​ സന്ദർ​ശനം. പുത​ുച്ചേരിയിലും തമിഴ്​നാട്ടിലും വിവിധ വികസന പദ്ധതികളുടെ തറക്കല്ലിടൽ വ്യാഴാഴ്ച മോദി നിർവഹിക്കും. പുത​ുച്ചേരിയിൽ രാവിലെ 11.30 ഓടെ എത്തുന്ന മോദി തറക്കല്ലിടൽ നിർവഹിച്ചശേഷം കോയമ്പത്തൂരിലേക്ക്​ പോകും. കോയമ്പത്തൂരിൽ 12,400 കോടിയുടെ വികസന പദ്ധതികളുടെ തറക്കല്ലിടൽ ചടങ്ങായിരിക്കും നടക്കുക.

ഏപ്രിൽ -മേയ്​ മാസങ്ങളിലായിരിക്കും തമിഴ്​നാട്ടിലും പു​തുച്ചേരിയിലും നിയമസഭ തെരഞ്ഞെടുപ്പ്​. പുതുച്ചേരിയിൽ കോൺഗ്രസ്​ സർക്കാർ താഴെ വീണതിന്​ പിന്നാലെയുള്ള മോദിയുടെ സന്ദർശനം രാഷ്​ട്രീയ ചലനം സൃഷ്​ടിച്ചേക്കും.

Latest News:

Post Your Comments Here ( Click here for malayalam )

Press Esc to close
show more