1 GBP = 94.52
breaking news

എക്സിറ്റർ മലയാളി അസ്സോസ്സിയേഷൻ (ഇമ) കാരുണ്യത്തിൻ സ്പർശവുമായി മലയാളി സമൂഹത്തിന് മാതൃകയും സഹായകവുമാകുന്നു

എക്സിറ്റർ മലയാളി അസ്സോസ്സിയേഷൻ (ഇമ) കാരുണ്യത്തിൻ സ്പർശവുമായി മലയാളി സമൂഹത്തിന് മാതൃകയും സഹായകവുമാകുന്നു

സുധാകരൻ പാലാ

ലോകത്താകമാനം ഭീതി വിതച്ചു കൊണ്ടിരിക്കുന്ന മഹാമാരി കൊറോണ വൈറസ് (കോവിഡ് – 19) ഇപ്പോൾ UK യിലും നിയന്ത്രണങ്ങൾക്കതീതമായി ഓരോ ദിവസവും തികച്ചും ഭയാനകമായ രീതിയിൽ പടർന്നു പിടിക്കുമ്പോൾ എല്ലാവർക്കും കരുണയുടെ കരസ്പർശവുമായി എക്സിറ്റർ മലയാളി അസ്സോസ്സിയേഷനും എത്തുന്നു. നൂറിലധികം മലയാളി കുടുംബങ്ങൾ താമസിക്കുന്ന എക്സിറ്ററിലും പ്രാന്തപ്രദേശങ്ങളിലും പരസ്പര സഹായം ഏറ്റവും ആവശ്യമായ ഈ അടിയന്തിര സാഹചര്യത്തിൽ ഭിന്നിച്ചു നിൽക്കാതെ സ്നേഹത്തിൻ്റെയും സാഹോദര്യത്തിൻ്റെയും മാതൃകയായി മലയാളി സമൂഹത്തിൻ്റെ തോളോടു ചേർന്നു നിന്നു കൊണ്ട് അവർക്കാവശ്യമായ സഹായഹസ്തവുമായി ഇമ മുന്നിട്ടിറങ്ങുകയാണ്. അടിയന്തിര സാഹചര്യത്തിൽ ലഭ്യമാകുന്ന മരുന്നുകൾ എത്തിച്ചും പ്രത്യേക സാഹചര്യത്തിൽ വീടിനുള്ളിൽ തന്നെ കഴിയേണ്ടി വരുന്ന ( self isolation) അവസ്ഥയിൽ തങ്ങൾക്കാവുന്ന രീതിയിൽ ഷോപ്പിംഗ് ചെയ്തു കൊടുത്തുകൊണ്ടും എല്ലാവർക്കും സഹായമായി ഇമ കൂടെ നിൽക്കുന്നു. ചെയർമാൻ മോഹൻ കുമാറിനോടൊപ്പം മറ്റു ഭാരവാഹികളായ ബിജോ തോമസ്, ബിജോയി വർഗീസ്, സോജ് ജയപ്രകാശ്, ജോബി തോമസ് , റോബി വർഗീസ്, ഡിറ്റാ ജ്യൂവൽ, തെരേസാ സാബു, ജോയി ജോൺ എന്നിവരാണ് ഇമയുടെ അംഗങ്ങളുമായി ചേർന്ന് ഈ കാരുണ്യ പ്രവർത്തനത്തിന് നേതൃത്വം നൽകുന്നത്. തികച്ചും മാനുഷികവും കാരുണ്യപരവുമായ ഈ മഹാ ഉദ്യമത്തിൽ ഇമയോടൊപ്പം കൈകോർത്ത് പ്രവർത്തിക്കുവാൻ എല്ലാവരോടും ഇമ നേതൃത്വം ഹൃദയപൂർവ്വം അഭ്യർത്ഥിക്കുന്നു.

Latest News:

Post Your Comments Here ( Click here for malayalam )

Press Esc to close
show more