1 GBP = 93.35
breaking news

ആദ്യദിനം കേരളത്തിലേക്ക്​ 25 വിമാന സർവിസുകൾ

ആദ്യദിനം കേരളത്തിലേക്ക്​ 25 വിമാന സർവിസുകൾ

തിരുവനന്തപുരം: രാജ്യത്ത്​ ആഭ്യന്തര വിമാന സർവിസുകൾ പുനരാരംഭിച്ചതോടെ കേരളത്തിലേക്ക്​ ആദ്യദിനം എത്തുക 25 വിമാനങ്ങൾ. ശക്തമായ പരിശോധന സംവിധാനങ്ങളോടെയാണ്​ സംസ്​ഥാനത്ത്​ വിമാന സർവിസുകൾ പുനരാരംഭിച്ചത്​.

നെടു​മ്പാശേരി വിമാനത്താവളത്തിൽനിന്ന്​ 17 വിമാന സർവിസുകളാണ്​ ഉണ്ടാകുക. ബംഗളൂരുവിലേക്കാണ്​ ആദ്യ വിമാനം ഇവിടെനിന്ന്​ പുറപ്പെട്ടത്​. ബംഗളൂരുവിലേക്കും മുംബൈയിലേക്കുമാണ്​ നെടു​മ്പാശേരിയിൽനിന്ന്​ തിങ്കളാഴ്ച കൂടുതൽ വിമാനസർവിസുകളുള്ളത്​. നാലു വീതം വിമാനങ്ങളാണ്​ ഇവിടങ്ങളിലേക്ക്​ സർവിസ്​ നടത്തുക. നെടുമ്പാശേരിയിൽനിന്ന്​ ഈ ആഴ്​ച ആകെ 113 സർവിസുകളാണ്​ ഉണ്ടാകുക. 

തിരുവനന്തപുരം വിമാനത്താവളത്തിലേക്ക്​ മൂന്ന്​ വിമാനങ്ങളാണ്​ തിങ്കളാഴ്​ച എത്തുക. കോഴിക്കോട്​ നിന്ന്​ രണ്ടു വിമാനങ്ങളും ഡൽഹിയിൽനിന്ന്​ ഒരു വിമാനവുമെത്തും. അതോടൊപ്പം കോഴിക്കോ​ട്ടേക്ക്​ രണ്ടു വിമാനങ്ങളും ഡൽഹിയിലേക്ക്​ ഒരു വിമാനവും പുറപ്പെടും. 

സംസ്​ഥാനത്ത്​ എത്തുന്നവരെ 14 ദിവസത്തെ നിരീക്ഷണത്തിലേക്ക്​ മാറ്റും. രോഗലക്ഷണമുള്ളവരെ ​സർക്കാർ ക്വാറൻറീനിലേക്കും അല്ലാത്തവരെ ഹോം ക്വാറൻറീനിലേക്കും ആയിരിക്കും മാറ്റുക. 

Latest News:

Post Your Comments Here ( Click here for malayalam )

Press Esc to close
show more