1 GBP =
breaking news

യുകെകെസിഎ കലാമേളയും അവാർഡ് നൈറ്റും ഈ മാസം 26ന്; എം. ജി. ശ്രീകുമാർ, പിഷാരടി, ശ്രേയ എന്നിവരുടെ സംഗീത നിശ….

യുകെകെസിഎ കലാമേളയും അവാർഡ് നൈറ്റും ഈ മാസം 26ന്; എം. ജി. ശ്രീകുമാർ, പിഷാരടി, ശ്രേയ എന്നിവരുടെ സംഗീത നിശ….

ബിർമിങ്ഹാം: യുകെ ക്നാനായ കാത്തലിക് അസോസിയേഷൻ അംഗങ്ങളായിട്ടുള്ള കലാമേളയും വിവിധ മേഖലകളിൽ നൈപുണ്യമുള്ളവരെ ആദരിക്കുന്ന അവാർഡ് നൈറ്റും പ്രശസ്ത പിന്നണി ഗായകൻ എം. ജി. ശ്രീകുമാറും, മികച്ച അവതാരകൻ രമേശ് പിഷാരടിയും, ജനമനസുകളിൽ പ്രിയങ്കരിയായ ശ്രേയകുട്ടിയും ചേർന്നവതരിപ്പിക്കുന്ന സ്റ്റേജ് ഷോയും ഈ മാസം 26ന് ബിർമിംഗ്ഹാമിലെ ബഥേൽ സെന്ററിൽ നടത്തപ്പെടും.

കലാമേള രാവിലെ കൃത്യം 9ന് ആരംഭിക്കും. എട്ട് വേദികളിലായിട്ടാണ് വിവിധ കാറ്റഗറിയുടെ അധിഷ്ഠാനത്തിൽ കലാമേള നടത്തപ്പെടുന്നത്. വൈകുന്നേരം കൃത്യം നാല് മണിക്ക് കലാമേള പര്യവസാനിക്കുന്ന രീതിയിലാണ് എല്ലാ മത്സരങ്ങളും ചാർട്ട് ചെയ്തിരിക്കുന്നത്.

യുകെകെസിഎയുടെ പ്രഥമ അവാർഡ് നൈറ്റ് വൈകുന്നേരം നാലിന് ആരംഭിക്കും. തുടർന്ന് എം.ജി. ശ്രീകുമാറിന്റെ നേതൃത്വത്തിലുള്ള മ്യൂസിക്കൽ നൈറ്റിന് ആരംഭമാവും. അവാർഡ് നൈറ്റിനും മ്യൂസിക്കൽ നൈറ്റിനും പ്രവേശന ടിക്കറ്റ് ഉണ്ട്.

കലാമേളയും മ്യൂസിക്കൽ അവാർഡ് നൈറ്റും സുഗമമാക്കാൻ ബിജു മടക്കക്കുഴി (പ്രസിഡന്റ്), ജോസി നെടുംതുരത്തി പുത്തന്‍പുര (സെക്രട്ടറി), ബാബു തോട്ടം (ട്രഷറര്‍)., ജോസ് മുഖച്ചിറ (വൈസ് പ്രസിഡന്റ്), സഖറിയ പുത്തന്‍കളം (ജോയിന്റ് സെക്രട്ടറി), ഫിനില്‍ കളത്തികോട് (ജോയിന്റ് ട്രഷറര്‍) എന്നിവരുടെ നേതൃത്വത്തില്‍ പ്രവര്‍ത്തനങ്ങള്‍ നടന്നു വരുന്നു.

അവാർഡ് നൈറ്റ് ടിക്കറ്റുകൾ 35, 25, ൧൫ പൗണ്ട് നിരക്കിൽ ലഭ്യമാണ്. ടിക്കറ്റ് ആവശ്യമുള്ള യൂണിറ്റുകൾ 07975555184 എന്ന നമ്പറിൽ ബന്ധപ്പെടേണ്ടതാണ്.

Post Your Comments Here ( Click here for malayalam )

Press Esc to close

other news

show more